عادل وهو يقرب لنارا الدجاج وباهتمام:خذي وكلي هذا..وببتسامة كمل..ع فكرة بنروح انا وانت السوبر ماركت واشتري كل اللي تبينه وبعدين بنروح عند عمارتك ونستأجر الشقق.
نارا كانت منزلة راسها تلعب بالملعقة هزت راسها بأوك بدون لاتطالعه.
نجود طالعته باستغراب وانقهرت منه حيل وقعدت تاكل وتطالعها بقهر..بس نارا مطنشتها.
راحت ع غرفتها وقعدت تبكي(ياااااليت عندي أخ يااااليت..م كان تعذبت م كان انذليت)وقعدت تبكي.
بغرفة نجود وعادل~~
عادل بعصبيه:وانت م تعرفين تمسكين لسانك؟
نجود:دودي وربي م قلت شي عادي قاعدة احاكيك عن اخوي بس..وربي كنت اتكلم ع نياتي م كنت عارفة ان كلامي بيجرحها.
عادل بعصبيه:قسماً بالله لو عدتي الحركة هذي مرة ثانية لاعطيك كف.
نجود:اوووووف حسبي الله يعني م اقدر آخذ راحتي اقعد ساكته عشان اراعي مشاعرها واحاسيسها البزر ذيك.
عادل مسك ايدها بقوة وقال بصراخ وعصبيه:بتنكتمين ولا لا ؟
نجود بخوف:طيب خلاص خلاص.
اليوم الثاني فوق الفطور~„1:22م
كانو ياكلون بصمت.
عادل وهو يقوم:الحمدلله..وبهدوء..نارا يلا خلصي وقومي تجهزي.
نارا هزت راسها بدون لاتطالعه او ترد.
راح عادل يتجهز..كان فرحان(واخيراً بطلع معاها..ان شاء الله اقدر اصبر على حركاتها وعنادها عشان اقدر اسعدها)
نارا قامت من فوق السفرة طالعتها نجود بكره وحقد..ونارا ردت لها ببتسامة سخرية وراحت..انقهرت من ابتسامتها هذي تستفزها بالحييييل.
عادل خرج متكشخ..نجود انصدمت من كشخته هذي..كان لابس تيشيرت احمر وجاكيت اسود وبنطلون اسود..طالعته باعجاب وقالت:حبيبي لاتتاخر.
عادل :ان شاء الله..لاتستنيني ع الغداء.
نجود باستغراب:ليه؟
طنشها ونزل سيارته يستنى نارا.
نزلت نارا وهي تبتسم ع شكل نجود اللي كانت بتموت من القهر.
دخلت بهدوء..عادل طالعها:مافي سلام؟!
نارا:مو لازم.
عادل وهو يحرك السيارة:السلام واجب.
طنشته وقالت:وقف عند اي صراف عشان اسحب فلوس.
عادل:لا على حسابي.
نارا بسخرية:لا عشان م تمن علي..وبجدية..باخذ من فلوس ابوي.
عادل:قلت لك ع حسابي..والغداء ع حسابك.
نارا:بكيفك انت اللي خسران.
نزلو السوبر ماركت واخذت كل اللي تبيه>>بتسوي نفس حركتها لعمتها<<عشان تخسر عادل وتوريه..بعد م خلصت راحو يحاسبون.
المحاسب:450ريال.
عادل بصدمة وهو يلتفت لها:يلعن شكلك انت ماخذة السوبر ماركت كله؟
نارا:هاهاهاهاهاهاها م تضحك..اعطيه الفلوس واخلص.
عادل انقهر منها لكن مسك نفسه.
وتوجهو عالسيارة.
عادل:تبغين تروحين السوق؟
نارا وهي تتذكر:اوووووف م عندي لاعطور ولا ملابس..وانا خلقة مااحب السوق اووووف.
عادل بدهشة:فيييييه بنت م تحب السوق؟
نارا:ايه انا.
عادل:انت من جد من جد غرررررريبه.
نارا بسخرية وهي تطالعه:على حسابي ولا حسابك؟
عادل عرف انها تتريق من نبرة صوتها طالعها وببتسامة:لا على حسابي.
نارا استغربت مرررررة..تحسه غريب اليوم.
سكتت وهي مستغربه من تصرفه..صلو العصر وراحو ع السوق.
وصلو السوق واخذت لها عطور وملابس كله ع ذوق عادل.
راحو ع المطعم يتغدون~~
اخذو غرفة خاصة وفخمة عشان ترتاح نارا وتاخذ راحتها..كانت الغرفة حلوووة والشباك كبييير وزجاجي ويطل ع الشارع و ع السيارات..كانو بالدور الرابع.
وهم قاعدين ع الطاولة يتغدو كانو مقابلين بعض.
نارا برجه:ياااخي ذوقك خااايس.
عادل ببتسامة:لو انه خايس ماكان اخذتيه.
نارا:عشان م اكسر خاطرك بس.
عادل:من وين نزل الادب والحنان؟
سكتت نارا.
عادل: اعترفي ان ذوقي عجبك.
طنشته ولفت ع الشباك تطالع الشوارع وابتسمت ع جمال المنظر.
عادل لاحظها:عجبك المنظر؟
نارا ببتسامة:ايه يجنن.
عادل:بس مو احلى منك.
نارا سكتت ونزلت عيونها تحت..استغربت مو هذا عادل اللي تعرفه..وقالت بسرعه:ادري.
عادل ابتسم طالعها وقال:والله؟
نارا طالعته بنص عين وقامت عند الشباك..قعد دقايق وقام معاها.
