عبد الباقي كان واقف مكانو وما حاول يتحرك لأنو كدا حيأذي نفسو ويأذي ياسر شال ياسر في كتفو وفتح يدينو السكينة وصلت في يدو اليمين وخشت فيها الآلة الحادة خدشت يدو التانية ووقعت في الأرض وفجأه ذا اللون الأسود اختفى عبد الباقي ما قدر يتحمل الألم لقى نفسو في الأرض وياسر بصرخ
-daaaaaad
زينب طلعت على صراخو وشافت عبد الباقي واقع جات جارية
-عبدو دا شنو مالهم يدينك حصل ليك شنو دا منو العمل كدا عبدوووو
-زينب مافي شي بس جيبي لي شاش
وطلع السكينة من يدو وكأنو ما دي آلة حادة ضغط على خشمو لحدي ما طلعت زينب جابت ليهو الشاش وهو بقى يعقم لنفسو في الجرح ولف يدينو بالشاش
-خلينا نمشي المستشفى يدينك بنذفو شديد
-لا مافي داعي انا كويس
-كويس كيف دي سكينه ما حاجه ساهلة وخلاص
-زينب قلت ليك مافي حاجه
- أنا اسي عايزة أفهم في شنو ودا منو العمل ليك كدا؟
-mam it was a black and scary ghost and was carring a knife and a sharp machine and threw them at dad then disappeared
-ماما كان شبح أسود اللون ومخيف وكان حامل معه سكين وآلة حادة وقذفهم على أبي ثم اختفى
-شنوو؟يعني كلامي كلو طلع صاح ما كان وهم مني بالجد انا شفت شبح وكان لونو أسود وكان شايل سكين طويلة وكبيرة وكان جاي علي وفجأه اختفى لما انا قعدت في الأرض وغمضت عيوني يعني دا كلو حقيقي صاح يعني انا ما بتوهم؟
عبد الباقي كان بحاول يقول دا وهم منهم ولا حلم ولا حاجه لكن كلو صاح والدليل الجروح الفي يدو بسبب السكين بتاعتو عبد الباقي في اللحظه دي عرف انو زينب كلامها صاح وهي بالجد شافت نفس الشبح الهو شافو
- عبدو نحنا لازم نرحل من البيت دا سريع انا ما حاستحمل نقعد فيه هنا ولا ثانية فهمتني؟
-لا ما حنرحل
-كيف يعني ما حنرحل انت جنيت؟
-زينب نحنا بيتنا دا ما مسكون دا وهم بس
- ما وهم انا شفتو وانت شفتو وياسر كمان شافو
-يمكن دا زول بحاول يخوفنا
-مافي زول ممكن يهظر معانا هظار زي دا مستحيل دا كلو حقيقه
-لا انا متأكد انو دا ما شبح حقيقي وحكون قاعد هنا وما حنرحل ومافي زول مننا حيمشي خطوة من البيت دا فهمتو؟وانا حاعرف دا منو البعمل معانا كدا
- طيب والأشجار
فجأه ركز في كلمة الأشجار واتذكر لما رفع راسو ناحية الشجر والضو جاء في عينو قوي شديد ولما لمس الشجرة ولقى يدو كلها دم والأصوات البسمعها من الشجر والغراب الكان فوق الشجرة وطلع من عينو ضوء قوي وبقى يتذكر لكن هو في نفسو حاسي انو دا زول بعمل كدا وما عايز يصدق انو دا حقيقة
- يا زينب قلت ليك مافي حاجه زي دي الله!
- طيب يعني انت منتظرنا نموت حتى تصدق انو كلامي صح
- ما حتحصل ليكم حاجه قلت ليك ما اتجننيني انا ما حاسمح لزول يقرب منكم
-هو قرب منك انت وأذاك ما يقرب مننا نحنا؟
-زينب أصبري لي بحل الموضوع دا سوقي ياسر وأدخلو البيت
زينب بقت تبكي لأنها خايفه انو تحصل ليهم حاجه وعبد الباقي أسي يدينو بنذفو دم ومجروح ما معروف بكره يحصل معاهم شنو وهو ما عايز يصدقها ساقت ياسر ودخلو خلوهو بره
هو قعد يتذكر لما كان صغير وبلعب تحت الأشجار دي كان بلعب مع جدو الله يرحمو كان طوالي لما يكون متضايق وحتى لما أمو اتشاكلو بجي بقعد تحت الأشجار دي وبحكي ليها همومو وببكي فيها وبحس كأنها هي بتتكلم معاه وبتهديهو والبيت دا عاش فيهو أيام حلوة وفيه كل ذكرياتو هو لما كان صغير كانو في السودان لكن جدو كان عايش في أمريكا وبجو ليهو في الإجازات هو وأمو وعبد الرحمن واتعلق بالبيت دا كتير ولما هو اتخرج من الجامعه جاء اشتغل في أمريكا وعاش مع جدو في البيت دا ولما جدو اتوفى اتضايق شديد لأنو كان متعلق بيه وبحبو شديد جدو دا كان بالنسبة ليهو زي أبو عشان كدا هو لما اتزوج زينب جابها وعاشو في البيت دا البحمل ذكرياتو الجميلة مع جدو بقى يفكر كيف ممكن البيت دا يعمل فيهم كدا كيف يأذيهم وكيف الأشجار دي تكون كدا كان حاسي انو في حاجه بس حتى لو الشبح كان ما حقيقي كيف الأصوات البتطلع من الأشجار تكون ما حقيقيه؟
عبد الباقي شال تلفونو وضرب لعبد الرحمن قال ليهو تجيني اسي في البيت سيب العندك كلو وتعال عبد الرحمن كان متضايق منو لأنو وطردو من الببت وما خلاهو يآكل وهو عارف انو ما عندو مكان يرتاح فيه ولا يآكل فيه غير بيتهم ده لكن قال يمشي ويشوف في شنو.
بعد وصل.
- what is there?
-ماذا هناك؟
-عبد الرحمن انت ممكن تقعد هنا في البيت وقت ما عايز
-thank you I do not want
-شكرا لك لا أريد
-دا بيتك برضو
-if you think so why are you acting with me by this method am not fool
-لو كنت تظن ذلك لماذا تتصرف معي بهذه الطريقه انا لست غبي
-يالله!عبد الرحمن انت أخوي وعارف انو اخلاقي ضيقه وقبيل كنت زهجان انا آسف
-ok no problem but in one condition that you ask your wife to cook for me the food I love
حسنا لا مشكلة ولكن بشرط عليك أن تطلب من زوجتك أن تطبخ لي الطعام الذي أحبه
- طيب موافق لكن انت بس خليك معاهم وأحميهم لأنك عارف اني مشغول ودايما بكون برة البيت
-protect from?and why?
-أحمي من؟ولماذا؟
-عبد الرحمن انا حكون معاك صريح(وحكى ليهو الحصل معاهم)
-what?are you crazy?you want me to protect your wife and your son from the ghosts you want me to die I want to live I do not want death
-ماذا؟هل انت مجنون؟انت تريدني أن أحمي زوجتك وإبنك من الأشباح؟أنت تريدني أن أموت أنا أريد أن أعيش لا أريد الموت
-عبد الرحمن انا ما عندي غيرك عشان يساعدني
-when I want to eat you get me out of the house and when there are ghosts that you tell me this house is also your home I do not want food from you today and do not call me after this day.. be safe
-عندما أريد ان أتناول الطعام انت تخرجني من البيت وعندما يكون هناك أشباح تقول لي هذا المنزل منزلك أيضا لا أريد منكم طعاما من بعد اليوم ولا تتصل بي بعد هذا اليوم مع السلامه
عبد الرحمن طلع وعبد الباقي حاول يلحقو وما قدر وزهج شديد مع انو عارف انو عبد الرحمن مع حايوافق لأنو خواف لكن ماكان قدامو خيار غيرو هو في النهاية ضرب للجنايني
- لو ما جيت الليله وفي اللحظه دي اعتبر نفسك مفصول من الشغل
-we are on the way,sir,we will arrive soon
-نحن في الطريق سيدي سنصل بعد قليل
عبد الباقي اطمن لما الجنايني قال ليه حصل بعد شوية لأنو عايز يخلي زينب وياسر في أمان وهو يتصرف في البحصل دا
