مر يوم كامل وزينب وعبدالباقي مافي واحد فيهم بتكلم مع التاني زينب مشت غرفة ياسر وبقت نايمة فيها وبتتذكر في ولدها أما عبد الباقي كان قاعد في الحديقة الوقت كلو بفكر في الحيحصل
زينب كانت خايفة على نفسها شديد وانو الشبح حيجي يقتلها يا اما يقتلها عبد الباقي زاتو لأنو حايفكر انها هي الشبح لكن هي كانت مستسلمة تماما وما خاتة أمل نهائ اما عبد الباقي كان بفكر انو الشبح ممكن تكون زينب تاني يشيل الفكرة من راسو ويقول زينب مستحيل تكون كدا كانو الاثنين خاشين في حيرة كبيرة ما عارفين يحلوها كيف.
المساء،،
زينب طلعت من غرفة ياسر عشان تمشي غرفتها تغير ملابسها وعبد الباقي لسه في الحديقة وهي ماشة في الممر كانت حاسة انو في زول وراها ومتابعها حست بخوف كبير بلعت ريقها وواصلت لحدي ما وصلت غرفتها باب الغرفة كان مكتوب فيهو بالدم
-your time has come to recover
-لقد حان وقتك أستعدي
زينب خافت شديد حست انو خلاص الشبح حيقتلها كانت عايزة تنادي عبد الباقي لكن في حاجه خلتها ما تناديهو لزت الباب وخشت الغرفة وهي متفاجأه من الشافتو كان في زي ١٠ سكاكين من سكاكين الشبح الفضية الصغيرة مثبتة في الحيطة على شكل دائرة وفي نص السكاكين دي صورتها هي بلعت ريقها من الخوف اتلفتت على الحيطة التانية كان في ضوء جاي من الشباك العلى الحديقة والضوء دا كان عاكس صورة عم يوسف وعد جليلة علم أنس عبد الرحمن ياسر الغواص والضوء دا كان جاي من الأشجار فجأه الصور كلها اختفت وجاء ضوء عاكس صورتها هي خلاص حست بالخوف وعرفت انو صورتها اتنحتت في الشجرة يعني دورها جاء بقت تنادي عبدالباااااااقي وتصرخ وهي عايزة تطلع من الغرفة الباب قفل بقت تبكي بأعلى صوت ليها
-ما تقتلننييي أنا ما عااايزه اموت عليك الله ما تقتلني
وهي بتبكي كدا الدولاب فتح براهو ووقعت منو حاجات قامت رجعت ورا الدولاب عشان تشوف الحاجات الوقعت الحاجات دي كانت ساعة عبدالرحمن جزمة ياسر إسورة وعد المسدس بتاع الغواص شنطة علم السبحة بتاعة عم يوسف تلفون جليلة الدبورة بتاعة أنس.
-الح ح حا جات دي جات هنا كيف؟
وهي قاعده في الأرض ومستغربة في الحاجات فجأه باب الغرفة فتح بقوة كأنو في زول لزاهو برجلو ودخل منو عبدالباقي كان دا عبد الباقي بوشو لكن لابس لبس الشبح الأسود كان كلو أسود وحتى اليدين والأظافر المقرفة كانت بتاعة الشبح حتى في عيونو المحمرة كان كلو الشبح الشافتو زينب وشافو كل الناس لكن كان بشخصية عبدالباقي
زينب بقت ما مستوعبة بتعاين ليهو بخوف واستغراب عايزة تفهم دا شنو
-اااا ا نت؟
عبد الباقي صوتو اتغير فجأه وبقى صوت الشبح المخيف الضخم البشبه صوت الصدأ الفيهو خمسة أصوات جواهو
-hhhhhhh yes Iam ghost
-ههههههه نعم أنا الشبح
-ك ك ك يف؟انت عبدالباقي حبيبي
تاني رجع يتكلم عادي بصوت عبد الباقي ويتكلم سوداني
- لا انا ما حبيبك انا ما حبيب زول انا الشبح انا القاتل أنا
زينب بقت تبكي بحرقة
- ليه ليه انت تعمل فينا كدا ليه قول لي نحنا عملنا شنو عشان تعاقبنا كدا انت ما عبدو عبدو الأنا بعرفو ما كدا ومستحيل يبقى كدا انا عايزة راجلي جيبو لي أسي انت شبح وشكلك أخدت مني عبدو حبيبي لكن انا ما حخليك كفاية اخدت ولدي ما حخليك تاخدو هو
عبدالباقي رجع يتكلم معاها بصوت الشبح
-hhhhh ok I know you can not believe me but Iam ghost
-هههه حسنا أعلم أنك لا يمكنك تصديقي لكن انا الشبح
هي كانت حاسة انو دا الشبح قتل عبدالباقي وبعدين جاء في شكلو وجاي يقتلها هي كمان لكن مفروض الشبح يقتلها هي أول بعدين يقتل عبدالباقي وبعدين صورتها ظهرت في الشجرة مفروض تموت هي ما يموت عبد الباقي بقت تعاين ليهو بتفحص عشان تتأكد
-hhhhhh you are vetting me?
-هههههه انتي تتفحصيني؟
هي كانت خايفة منو وما حاسه بالأمان البتحس بيهو لما تكون مع عبدالباقي دي الحاجه الخلتها ما مصدقة لكن لما شافت الشامة الكبيرة الفي رقبت عبدالباقي اتأكدت انو هو الشبح بقت تبكي بحرقة وما عايزة تصدق بقت تفكر كيف عبد الباقي يكون قتل الناس ديل كلهم وهو كان موجود الوقت كلو حتى لما هم ماتو وهو شاف الشبح والشبح هددو بالقتل وحتى طعنو بسكاكينو كيف بس
هو رد ليها وكأنو بقرا أفكارها رد ليها وكأنو عبدالباقي
-انتي مستغربة صاح؟طيب أنا حوضح ليك أي حاجه اليوم داك لما انتي شفتي الشبح وانا الصباح قلت ليك اني ماشي الشركة انا كنت قاعد ف البيت لكن بهيأة الشبح وجيت غرفتك قاصد عشان انتي تشوفيني و بعدين انتي ضربتي لي عشان أجي بعدين انا جيتك بهيأة عبدالباقي وعملت فيها إني ما مصدقك لما أنا وياسر كنا في الحديقة أنا خليت ياسر يتوهم انو شاف الشبح والشبح جاء وطعني بالسكين في دي دي لعنتي أنا البتخلي الناس يشوفوني وأنا شبح لما أكون عايز بعدين انتي جيتي وقلتي انو في شبح لما عم يوسف اتقتل هو كان في الحديقة الوقت كلو وانتو جوة البيت انا جيتو بصورتي بتاعة الشبح وقتلتو بعدين طلعت من البيت عادي انتو جيتو وشفتو وهو مقتول وضربتو لي تلفون وانا جيت شفتو وانا مخلوع وببكي كأني ما عارف انو هو مات بالنسبة لوعد أنا اصلا مشيت قتلتها في الجامعه حتى بعدين جيت خليت صورتها تظهر في الشجرة ولما شلت رقمها منك وضربت ليها قدام الغواص الكانت بتتكلم معي دي ما وعد دي روح شيطانية لأنو وعد ماتت زمان هههههه
