-طيب اللعنة دي شنو؟
-لما هاشم فقد القصر وفقد أملاكو كان فاقد الأمل وأي شي يوم كان ماشي في الشارع وهو مهموم بفكر كيف يرجع قصرو قعد في مقعد في الطريق ظهر ليه واحد قدامو وقعد جنبو وبدا يسأل فيه ليه هو مهموم والحاصل عليه شنو هاشم حكى ليه الحصل عشان يفضفض على نفسو بعدين الزول دا قال ليه انا عندي حلل بخليك ترجع قصرك وقروشك وكمان حايزيدو أكتر وأكتر وحتبقى أغنى واحد في البلد هاشم طوالي طمع فتح آذانو كبيرة عشان يسمع الراجل قال ليه الحاجه دي فيها خطورة وفيها حاجه ممكن تأدي لقتلك أو قتل أقرب الناس ليك اذا انت ما مشيت بالقوانين أو اتعديت حدودك هاشم قال ليه طيب الحاجه دي شنو قال ليه انك تتحالف مع الشياطين هاشم فتح عيونو بخلعة كيف يعني الكلام دا انت مجنون؟قال ليه لا انا ما مجنون بس الشياطين هي الوحيدة الممكن ترجع ليك قصرك وقروشك وتعملهم ضعف اذا انت سمعت كلامها واتحالفت معاها بالطريقة دي انت حتبقى ملياردير لأنو الشياطين دي بتجيب لحليفها من البشر كل البتمناه لو انت اتمنيت واشنطن دي كلها تبقى ملكك هم بخلوها تبقى ملكك هشام بقى يفكر في الكلام كدا قلبو بيجاي وبيجاي والطمع عمى على عيونو ووافق بس هو ما كان عارف نتيجة غلطتو دي الراجل الجاء اتكلم معاه دا زاتو هو أكبر حليف للشياطين بعدين أخدو معاه وشركو هاشم بقى الوقت كلو مختفي لحدي ما ظهر بشخصية تانية كان لئيم شديد كان بس بتهمو القروش حتى انا صحبو من ٣٠ سنة اتغير علي انا كنت مستغرب في الحصل ليه بس ما لقيت تفسير لأي حاجه بعدين هو رجع القصر ورجع القروش وبقى أغنى من أول بقى عندو قروش بمشي عليها هو كان متحالف مع الشياطين كان بنفذ ليهم أوامرهم ورغباتهم لحدي ما يوم انا مشيت ليه في القصر كنت عايز أسألو هو حاصل عليه شنو لقيتو بتكلم براه ورافع راسو فوق كأنو في حاجه فوق بس ما كنت شايف شي لما هو شافني سكت سألتو كان بتكلم مع منو ما رد لي بقيت شاكي في أمرو هو طردني من قصرو انا بقيت مستغرب كيف يطردني انا صحبو بعد فترة هاشم بقى أغنى حتى انا استغربت هو بجيب القروش دي من وين لحدي ما جاء يوم والشياطين طلبت منو يعمل حاجه وهو رفض لأنها كانت صعبة عليه وهم هددو انو يشيلو منو كل شي اذا ما نفذ رغباتهم بس هو ما قدر يعملها ومن اليوم داك والشياطين كسرت تحالفها معاه وبقت عدوة ليه مع انهم ما شالو منه حاجه بس بقو ساكنين في قصرو وقاعدين في الأشجار الفي الحديقة هو كان فاكر انهم مشو وما حيعملو ليه حاجه بس هم كانو منتظرين هدف تاني عشان يحقق ليهم رغباتهم والهدف دا كان عبد الباقي الشياطين استهدفتو لحدي ما بقت مسيطرة عليه أول رغبة ليهم كانت انو عبدالباقي يقتل جدو وهو نفذ المهمة دي من غير تردد بعدين هم استوطنو في عبدالباقي واستوطنو في القصر عبد الباقي بقى ينفذ ليهم كل رغباتهم الكلها عبارة عن قتل وكانو بجيبو سبب مقنع عشان هو يقتل من غير رأفه قالو ليه يقتل جدو عشان بعاملهم معاملة كعبة هو وعبدالرحمن قالو ليه يقتل جليلة ويوسف لأنهم مخططين يشيلو منو ثروتو قالو ليه يقتل زينب لأنها خايناه وقاعدة تسرقو قالو ليه يقتل عبد الرحمن أخو لأنو مخطط يشيل كل الورثة ليه قالو ليه يقتل الغواص لأنو خاين وناوي يسرق أموالو كان كل جريمة بعملها عبد الباقي هم بكونو متحججين ليه بألف سبب عشان كدا هو دايما بنفذ رغباتهم وأي جريمة بعملها هو بكونو هم وراها والخطة بتاعتهم الأسي انو عبدالباقي يقتل اي بنت بتشبه زينب لأنو زينب كانت خاينة وما بستاهل تعيش وما بتستاهل أي بنت بتشبهها انو تعيش وأسي عبد الباقي بقتل كل البنات ديل لأنو عندهم شبه من زينب هم هدفهم الوحيد انو ينتهو من البشرية
-طيب نحنا كيف نقدر نوعي عبد الباقي ونخلي يرجع لطبيعتو
-دا بقى صعب جدا لأنو هم بقو مسيطرين عليه بالكامل مسيطرين على قصرو بأكملو على جسمو وعلى عقلو وعلى تفكيرو حتى هو الإنسانية بتاعتو بقت معدومة لأنو في لعنة كبيرة حصلت ليه لعنة الشيطان
مقدام كان مستغرب من الكلام السمعو من الراجل العجوز دا معقولة في حاجات زي دي معقوله؟كان أول مرة يسمع حاجات زي دي كان مستغرب شديد وبقى محتار ما عارف يعمل شنو هو خاشي في قضية كبيرة هو لو اتحدى عبدالباقي معناها بتحدى الشياطين كان متوتر ومقلق بس كل ما يتذكر موتة نرجس برجع يفكر انو لازم ينتقم ليها حتى لو عبدالباقي ماكان عندو ذنب وحتى لو ما هو البعمل دا كلو هو لازم ينتقم وخلاص قام على حيلو وهو مستعجل شال بنزين وجرا على القصر بقى يكب البنزين برة القصر وفي الباب الحديدي
-I will burn all the palace tell me how you will breath?
-سأحرق كل القصر أخبرني كيف ستتنفس؟
طلع كبريت من جيبو وعايز يولعها بس من غير ما يحس في حاجه رمتو بعيد على الأرض بقى ما قادر يقوم من الأرض حس بوجع رهيب ما قدر يتحرك بس هو بصرخ ولسه مصر بحرقو
-I won't leave you
-انا لن أتركك
وبرضو ما قدر يقوم الراجل العجوز لحقو لأنو كان خايف عليه جاء حاول يقومو من الأرض
- يا ابني انت ما قادر تفهم انو هم مافي زول بقدر يتحداهم نحنا كدا ما حنقدر نحل حاجه نحنا ما حنقدر عليهم
- لا حنقدر انا لازم اشيل حق حبيبتي نرجس انا ما حخليهم انا حاحرق القصر
- انت ما حتقدر تحرقو لأنو هم حايقاوموك هم أقوى منك وما مفروض تحاربهم كدا نحنا هدفنا عبدالباقي ما القصر
