لما وصل لقى الباب الحديدي بصدر صوت عالي كان بفتح وبقفل بقوة والأشجار كانت بتصدر أصوات واااااه ههه نعم نعم نعم وااااه وأوراقها الجافة بتتطاير كان حاسي انو في حاجه خشى جوة بسرعة هو ما عارف انو دي علامات ظهور الشبح دا معناه انو عبد الباقي في البيت مشى على المخزن لقى بابو مفتوح طلع المسدس بتاعو وجهزو واتقدم خشى جوة على أساس انو في زول بس المخزن كان فاضي لما عاين للحيطة الفيها الصورة بتاعة زينب لقاها فاضية الصورة مشت وين؟طيب والسكاكين كانو هنا أمس مشو وين؟طلع برة المخزن وبقى يفتش على عيد الباقي
-where are you?get out becouse I kill you
-أين أنت أطلع لأني حاقتلك
كان بصرخ ليه بصوت عالي خلاص صبرو نفذ منو بقى حايم في الحديقة كلها بفتش عليه بس مافي أثر دخل جوة القصر وبقى يصرخ وبرضو ما كان في زول نزل تحت للغرفة ولقى الرفوف فاضية كل الشافو لقاه مافي عرف انو عبد الباقي سبقو وأخد كل شي شاف بخط كبير مكتوب بالدم على الحيطة
- you can not challeng me
-انت لا تستطيع أن تتحداني
ضرب الحيطة بيدو بقوة وطلع من القصر دور عربيتو على أساس انو يلقى محل قريب من القصر يمكن يلقى زول يفيدو كان أقرب مكان للقصر مزرعة بتبعد قرابة نص ساعة مشي مقدام وصل المزرعة بالعربية في خلال ربع ساعة هو كان شايفها من بعيد ولما وصل المزرعة كان فيها راجل عجوز كان بمشي وهو متكي جسمو مهزول وضعيف كان بسقي في الأشجار ظاهر عليه انو عربي كان الشيب مالي راسو
- يا عم أنا الضابط مقدام وجيت أستجوبك في قضية ممكن تفيدني
-اتفضل يا ابني اذا بقدر أساعدك
- أنا بسأل من القصر بتاع عبد الباقي الشاب السوداني
فجأه العجوز سكت وما قدر يتكلم مقدام لاحظ ليه انو اتردد
-اتكلم يا عم لأني محتاج لمعلومات ضروري
-انا ما عارف حاجه عن القصر دا
-بس انت أقرب مكان للقصر ويمكن انت الوحيد الحتقدر تفيدني وانا متأكد انك عارف حاجه
-والله يا ابني انا راجل كبير في السن ويمكن الله ياخد أمانتو في أي لحظة عشان كدا حاحكي ليك كل العارفو مع اني كنت ساكت لأني خايف من الموت بس خلاص الموت وجب
- أنا حكون ممنون ليك شديد إذا حكيت لي عن عبدالباقي وقصة القصر شنو
- أنا عايش هنا لي أكتر من ٦٠ سنة أنا وجد عبدالباقي كنا أصحاب شديد هو كان بملك القصر دا كلو هو انسان غني وبحب المال ممكن يعمل اي حاجه عشان يكسب ويخلي الورق في صفو بتذكر مرة هو خشى في قضية صعبة وخسر فيها قروش كتيرة كان مطالب بكمية من القروش واضطر انو يرهن القصر بتاعو لأنو هو الحاجه الوحيدة الهو بملكها بعد ما رهن القصر بقى يحاول يسدد القروش بس ما كان في طريقة بتخلي يسدد القروش لحدي ما جاء اليوم الشالو فيه القصر منو وهو بقى عايش على شوية من الأمل ما كان عارف كيف يرجع القصر عيونو كانت بتغلي كان متضايق شديد لحدي ما يوم جاء وقال لي يا يمان أنا حاعمل حاجه والحاجه دي حاترجع لي القصر بس يمكن يكون فيها ضرر علي أو على أحفادي حاولت أعرف منو هو عايز يعمل شنو بس للأسف ما قدرت أعرف أي شي بعد كم يوم القصر رجع عادي وكل قروشو رجعت ليه حتى انا كنت مستغرب كيف قدر يرجع كل الحاجات دي بس من الزمن دا وهشام اتغير شديد بقى واحد تاني بقى ما بحب القروش وبس لا هو ممكن يقتل عشانها بعد فترة جو أحفادو عبد الرحمن وعبدالباقي وعاشو معاه كانو صغار بس هو كان بعاملهم معاملة كعبة كان بضربهم ما كان عندو رحمة عليهم بعدين هو اتوفى لقوهو مقتول والقتلو كان عبد الباقي أنا أول واحد عرفت انو هشام مات والقتلو حفيدو عبد الباقي وهو كان صغير انا حاولت أداري الموضوع عشان ما يدخل السجن وهو صغير وغير كدا هو كان ببكي وقال انو ما عندو ذنب وانو ما كان قاصد بس من هنا وعبدالباقي بقى يقتل بدون رحمة زينب مرتو عبد الرحمن أخو ياسر ولدو الغواص صحبو حتى جليلة ويوسف قتلهم خطيبة أخو ديل كلهم كانو ضحاياه بسبب جدو وبسبب اللعنة العملها في البيت دا عبد الباقي بقى يقتل من غير رحمة لأنو اللعنة خشت فيه
