عبدالباقي مشى غرفتو ونام في السرير على ظهرو وبقى يفكر في الحصل كلو لقى نفسو نام فجأه وهو نايم شاف ياسر وهو جاي عليهو في النوم كان ببكي ومادي ليهو يدو
-Do not leave me alone
- لا تتركني وحيدا
وهو كان ماشي وما اشتغل بكلامو فجأه ياسر بقى يصرخ لما عبدالباقي اتلفت عليهو شاف مرة وشها مغطى بأسود ولابسة عباية سوداء وشعرها منكش شديد وشايلة سكينة الشبح في يدها جات طعنت بيها ياسر ومشت خلتو عبد الباقي كان بعاين ليهو من بعيد من غير ما يعمل أي شي ولا حتى قدر يقرب منو
-why did you let me die dad?
-لماذا تركتني أموت بابا
- why did you make him kill me?
-لماذا جعلته يقتلني؟
-I will never forgive you daf
-أنا لن أسامحك أبدا بابا
عبدالباقي صحى وهو مخلوع
- انا ما عملت شي انا ما خليتو يقتلك ما عندي ذنب أنا ما عندي ذنب انا ما خليتو يقتلك ما خليتو
الغواص جاء لقاهو بصرخ كدا
- بسم الله اهدأ شوية
-انا شفتو شفت الشبح
-شفتو كيف ووين؟
-شفتو في الحلم كانت بنت شفتها انا
-بنت؟انت متأكد؟
-اي متأكد دي بنت كان شعرها منكش شديد ومغطي وشها كلو كانت لابسة قناع في وشها بالأسود وشايلة نفس السكينة بتاعة الشبح وقتلت بيها ياسر اي دي هي انا شفتها شفت الشبح
-البنت دي بتكون منو؟
- انا ما عارف هي منو لانو وشها كان ما واضح يمكن تكون المرة الجات أمس
-دي منو. الجات أمس؟
عبدالباقي حكى للغواص بالمرة العجوز الجات وقالت ليهو انو البحصل معاكم دا لعنة من الشيطان وبالذنب العملو جدو
- طيب ليه انت ما خليتها تنتظر وتحكي ليك باقي الكلام ليه
-هي اختفت فجأه لما سألتها من الشبح بس قالت لي انو زول قريب منك
-زول قريب منك؟يعني واحد مننا؟
-انا ما عارف حاجه أنا بقيت أشك في كل الناس ما قادر أثق في زول
- أنا تقريبا عرفت دا منو لكن عايز اتاكد
-دا منو يا الغواص
- ما حقول ليك الا أتأكد
وطلع خلا عبدالباقي في حيرة كبيرة هو مشى غرفة ياسر عشان احتمال يلقى دليل ولا حاجه كان متردد لكن اتشجع ومشى خشى الغرفة وفتح الأنوار بقى يفتش في الدولاب والشباك والسرير وأي مكان لكن ما لقى حاجه فجأه لمح حاجه بتلمع من بعيد مشى اتجاها لقاهو خاتم فضي شكلو بتاع بنت ما راجل قعد يعاين ليهو ما عرف دا بتاع منو فجأه سمع صوت زول جاي على الغرفة طوالي دخل الخاتم في جيبو ومشى ورا الدولاب الزول جاء خاشي وكان أنس بقى يتلفت خايف زول يشوفو كان متوتر شديد خش الغرفة سريع سريع وقفلها عبدالباقي متفاجئ شديد أنس بقى يفتش في الغرفة رفع السرير جاء الدولاب فتحو وطلع الملابس كلها وخلاها في الأرض بقى يفتش بهمجية اي حاجه قدامو يرميها ويوقعها عبد الباقي كان مراقبو ومراقب نظراتو المخيفة الحادة شوية أنس خش الحمام بتاع الغرفة وبقى يكركب فيهو طلع زهجان منو وقف قدام الدولاب ضربو بقوة
-heck me
-تبا لي
-I could not find the ring
-لم أجد الخاتم
عبدالباقي بقى مركز في كلمة خاتم خاتم خاتم؟يعني هو بفتش في الخاتم دا يعني هو الشبح؟
أنس طلع من الغرفة وهو منزعج شديد خلا عبد الباقي مخلوع ومصدم
-هو جاء فجأه كدا ومن غير مقدمات جاء في نفس اليوم الاتقتل فيهو ياسر كان شايل السكينة الفضية في الحديقه وأسي هو بفتش عن الخاتم الأنا لقيتو أنس هو القاتل اي هو
عبدالباقي طلع من الغرفة بسرعه وهو قاصد الغواص عشان يكلمو بأي حاجه وانو لقى الشبح وانو الشبح طلع أنس
طلع من البيت وهو ماشي على الحديقى وبقى ينادي عليهو الغواص غواص ما كان في زول برد فجأه سمع صوت صرخة قوية شديد صرخة موت كانت قريبه من الباب الحديدي طلع سريع سريع عشان يشوف دا منو البصرخ كان خايف تكون دي ضحية جديدة كان خايف شديد وللأسف طلعت ضحية جديده الضحية دي كانت أنس
