-القاتل أول قتل يوسف بعدين وعد بعدين جليلة اللي هي مرة يوسف اسي حايكون عبد الرحمن لأنو خطيب وعد
عبد الباقي كان مصدوم شديد من الكلام دا ما كان مستوعب
-أسي نحنا نعمل شنو عبد الرحمن أخوي حايموت؟
-أنا المرة دي حاعرف العبها مع القاتل دا
-كيف؟
-اول شي انت لازم تخلي عبد الرحمن في نظرك ويكون قدامنا عشان نقدر نحميهو
- طيب كيف وهو ما راضي يتكلم معي
-اتصرف جرو ان شاء الله بالغصب هو لسة صورتو ما ظهرت على الشجرة ولما تظهر حايفوت الأوان لأنو ما حنقدر نتصرف فأحسن نتصرف من أسي
عبدالباقي طلع من هناك ومشى على عبد الرحمن وهو في بالو بس يجيبو معاهو بأي طريقة كان يجرو جر
-you?what is there?
-أنت؟ماذا هناك؟
-عبدالرحمن تعال معي انت حياتك في خطر
-what? You always like this you are aliar
-ماذا؟انت دايما كدا انت كذاب
-عبدالرحمن ما اتعاندني امشي معي زي ما وعد ماتت انت كمان حاتموت لو ما سمعت كلامي
- ok I want die
-حسنا أنا أريد أن أموت
عبد الباقي ما اشتغل بيهو وجراهو من يدو وعبد الرحمن بصرخ فيه وهو جاريهو ما شغال بيهو لحدي ما وصلو العربية وركبو بالغصب وقفل الباب وعبد الرحمن بصرخ فيهو
-you want kill me?
-أنت عايز تقتلني
-عبدالرحمن انت حتفهم متين اني عايز مصلحتك ياخ انا ما عايز أقتلك أفهم انا عايز أحميك ونفس الزول القتل وعد جاي يقتلك انت فهمت؟ولو انت قاعد براك هو حيجي ويقضي عليك عشان كدا انا سايقك معي على الأقل تكون في أنظاري عشان ما تحصل ليك حاجه
عبدالرحمن بقى ساكت ساي بعد سمع كلام عبد الباقي شكلو حس بالخوف
المهم بقو ماشين لحدي ما وصلو المغلق بتاع الغواص ودخلو لقو الغواص قاعد
-كويس انك قدرت تجيبو اسي خلونا نرجع البيت
- طيب الخطة شنو؟
-مادام الضحية معانا القاتل ما حيقدر يقتلها لكن حيظهر حيظهر ولما يظهر نحنا حنقتلو بالسكاكين البقتل بيها الناس لأنها هي الوحيده الممكن تأثر عليهو
-what did you say?I'm not understans any thing
- ماذا تقول أنا لا أفهم شي
- انا حوديك المكان الإنت حاتشوف فيهو كيف انا عرفت انك حاتموت عشان تصدقني وتطلع الأوهام دي من راسك
-عبدالرحمن انت خليك مع عبد الباقي وأوعى تخلي لأي سبب وخليك عارف حاجه وحده لما تكون براك حاتموت خليك معانا
بعدين هم الثلاثة مشو البيت ودفنو جليلة وهم مترقبين الصورة الحتظهر في الشجرة لكن ما ظهرت وعبد الرحمن معاهم وين ما مشو شوية وصورة عبد الرحمن ظهرت في الشجرة وطلع توقع الغواص صاح كلهم بقو قاعدين قدامها وعبدالرحمن متفاجأ شديد فاتح خشمو وخايف والعرق بنزل منو وبقى يتمتم في الكلام
-I will die?
-أنا حاموت؟
- ما حتحصل ليك حاجه بس انت خليك معانا
-نحنا حننتظر القاتل لحدي ما يجي لحدي عندنا
- طيب هو لو غير رايو وبقى عايز يقتل زول تاني
-هو ما حايغير رايو لأنو دي خطة مدروسة ومخططه عشان كدا ما حايغيرها
-هو بكون عرف اننا عرفنا بخطتو
-عشان كدا هو منتظر الفرصة الحيظهر لينا فيها ويحاول يقتل عبدالرحمن
عبدالرحمن خايف شديد ما قادر يقوم من محلو بس ماسك في عبدو
كانو منتظرين كلهم ومقلقين ومتوترين كانت لحظات كلها خوف وتوتر اي واحد شايل سكين من سكاكين القاتل لأنو دي الفرصة الوحيده الممكن ينتهذوها عشان يقتلو
وزي ما هم اتوقعو الأشجار بقت تهتز فروعها بتتحرك والباب بفتح وبقغل وبصدر صوت عالي شديد عبد الباقي عرف انو دا الشبح
-اتجهزو جاي
أي واخد شال سكينتو وبقى مستعد للشبح فجأه ظهر من الباب نفس السواد الفيهو نفس العيون الحمراء المليانة بالأورده الخضراء نفس العروق الباينة من يدو نفس خشمو المتشقق ونفس الزبد البطلع منو عبد الباقي كان عادي لأنو شافو قبل كدا اما الغواص وعبدالرحمن كانت ليهم صدمه أول مرة يشوفو زول بالهيئة المخيفة دي لكن اي واحد بكون دا حلم وحينتهي
الشبح بقى يتقدم منهم شوية شوية بخطواتو البطيئه وشايل سكاكينو في يدو وهم واقفين ومستعدين ليهو وشايلين نفس سكاكينو هو لنا قرب منهم بقى بينو وبينهم كم خطوة
أشر لعبد الباقي بأصبعو وبصوت مخيف وكأنو فيهو كم صوت مع بعض قال ليهو
-you can not challenge me
-أنت لا تستطيع أن تتحداني
وشال السكينة عشان يرميها على عبدالباقي من بعيد لكن هم سبقوهو ورمو ثلاثة سكاكين في صدرو ونجحت الرمية السكاكين دخلت صدرو وكأنو صدرو حديدي ما نزل منو دم رغم حدة السكاكين لكن هو شعر بألم شديد لدرجة انو ما كان قادر يقيف وهم استغلو الحتة دي وقربو منو عشان يكشفو وشو ويشيلو منو القناع الأسود اللابسو لكن هو فجأه اختفى من قدامهم زي كأنو هواء حتى هم كانو مستغربين كيف قدر يمشي من قدامهم بالسرعة دي لكن عرفو نقطة ضعفو وهي بتكمن في سكاكينو الدايما بشيلها معاه وبقتل بيها ضحاياهو
