-عبد الرحمن أهدا خليني أفهمك
-you were talking to me about the ghosts that live in your house and then told me to live with you to protect your family and then you asked about MÝ fiance and soon found dead what dose this mean?
-أنت كنت تتحدث لي عن الأشباح التي تسكن بيتك ثم قلت لي أسكن معك لأحمي عائلتك ثم سألت عن خطيبتي وبعد قليل وجدت ميتة ماذا يعني هذا؟
-أنا عرفت انو الشبح حيقتل وعد وضربت ليك عشان أحذرك لكن انت غلطت في انك ما سمعتني وهي ما ماتت بسببي ماتت بسببك انت
-don't say any thing you are a liar and from now on do not consider me your brother
-لا تقول أي شي انت كاذب وشئ ومن الآن وصاعدا لا تعتبرني أخاك
- يا شيخ حرام عليك عبدالباقي عمرو كلو ما زعلك ولا غلط في حقك لكن انت والله ما بتستاهل العملو عشانك دا وفي النهاية تجي تتهمو
عبدالرحمن بقى يصرخ
- do not say a word
-أنتي لا تنطقي بكلمة
-زينب خلاص أسكتي انا بتفاهم معاه
وقرب منو عشان بحاول يهديهو هبشو في كتفو
- عبدالرحمن أنا اخوك وانت عارف معزتك عندي قدر شنو وو
وقبل مت يتم كلامو عبد الرحمن لزاهو بعيد بكل غضب عبد الباقي وقع في الأرض وهو بصرخ
-don't touch me or try to get close to me
-ما تلمسني ولا تحاول تقرب مني
وطلع وعبدو بحاول ينادي فيه وهو ماشي زينب جات ساعدتو يقوم من الأرض
- عبدو انت ما تشتغل بيهو هو في النهاية حيعرف غلطو ويرجع وانت ما عندك ذنب في حاجه
-أنا ما عارف أخليهو يصدقني كيف لكن الأيام كفيلة عشان تخلي يصدق الله يرحمها بس
-ان شاء الله
الغواص بعد ما خلص من إجراءات وعد جاء لعبد الباقي عشان يشوفو حيعملو شنو لقاهو قاعد قدام الأشجار ومترقب الضحية الجاية
-يعني نحنا حنفضل نعاين كدا بس نعرف الضحية لكن ما نقدر نساعدها
-هو دايما بسبقنا بخطوة
-الزمن البتظهر فيهو صورة الضحية هنا في الشجرة هو بكون وصل ليها وقتلها
- طيب ونحنا نعمل شنو؟
-انا ما عارف والله ما عارف
-خلانا في متاهة كبيرة لدرجة انو التفكير بتاعنا اتجمد
عبد الباقي اتنهد وأخذ نفس عميق ورجع في الكرسي لورا
-هو ذكي وما بحب الزول يتحداهو ولما زول يتحداهو بزيد غضبو دي الحاجه البتزعلو
-وانت عرفت كيف
-يوم انا كنت بصرخ عليهو عشان يظهر فجأه ظهر لي وخت سكينه في رقبتي وقال لي ما تتحداني وقبيل في الحمام كان كاتب ما تتحداني
-يعني هو مراقبنا وعارف اي شي نحنا بنخطط ليهو
-للأسف
عبد الباقي جاء يقوم من الكرسي يطمن على زينب وياسر وجليلة بقى الوقت كلو بطمن عليهم حتى شغلو ما بمشي حتى نوم ما بقدر ينوم بس همو هم يكونو كويسين وخلاص وهو متلفت ماشي على البيت فجأه الغواص صرخ
-ألحق جليلة يا عبدو
عبد الباقي اتلفت على الشجره شاف صورة جليلة بس جرا وخشى البيت سريع والغواص لاحقو كان بس بجري ما حاسي بنفسو وهو طالع على السلم سمح زينب بتصرخ
-واااااي عبدو ألحق جليلة
هو خلاص في الساعه دي عرف انها ماتت رجلينو اتلجو وبقى ما قادر يمشي بيهم الغواص طلع وخلاهو ودفر الغرفة وخش كان منظر مافي زول بتمنى يشوفو كان منظر مخيف شديد
جليلة كانت مثبتة في الحيطة بسكاكين في رأسها سكينة قادة راسها كلو ومثبتة في الحيطة في رجلينها ال٢ ويدينها حتى في خشمها الدم كان بنزل من الحيطة لدرجة انها بقت كلها حمراء بس عبارة عن دم قتلها بشراسة وما راعى ليها.
زينب انصدمت من المنظر الشافتو بقت ما قادرة تعاين طلعت بره لقت عبدالباقي قاعد في السلم ببكي بقت تبكي معاهو الغواص كان واقف وقوي وبعاين للجثة كأنها حاجة عادية مشى شال سكين من المثبتين بيهم الجثه وبقى يعاين ليها لاحظ انها سكين غريبة حتى عم يوسف وحتى وعد كلهم اتقتلو بالسكاكين دي سكاكين كدا فضية كلها لونها بلمع من بعيد وبزغلل العيون وصغيرة شديد يعني بس على قبضة اليد كدا وحادة شديد لدرجة ما بتتخيلا الغواص هبشها وجرح بيها يدو جرحة خفيفة عشان يعرف السر الفيها
لكن فجأه الخدشه دي مشت لحدي نهاية يدو وبقى يكب دم بغزارة لما هو استغرب كيف سكين صغيرة زي دي تعمل الأضرار دي كلها بقى يجمع في كل السكاكين لما شالهم كلهم الجثة وقعت في الأرض وكان في الحيطة الفيها جثة كتابة بالدم
-do not challenge me
-لا تتحداني
-ليه هو دايما بكتب الكلام دا لا تتحداني ليه هو بستخدم سكاكين قاتلة كدا وطيب مادام سكينة وحده ممكن تقتل الزول ليه هو بستخدم منهم كمية كبيرة كدا دا تعذيب ليهو شال السكاكين كلها في يدو وطلع برة لعبدالباقي
-تعال معي انا فهمت اللغز دا
عيد الباقي كان حيلو ميت ومستسلم
-وين؟
-انت تعال انا حفهمك اي حاجه
قام معاه بصعوبة ومشو برا البيت الغواص وداهو مغلق كدا مظلم مافيه هواء ظلام معتم فتح فلاش تلفونو ووجهو قدام سبورة كبييرة كدا وجاء خت السكاكين قدام عبدالباقي.
السبورة كان فيها صورة الشبح الأسود وهو ملثم زي ماكان بظهر لعبد الباقي ومعاه صورة عم يوسف ووعد وجاء خت صورة جليلة جنب صورة عم يوسف
-يعني أفهم شنو
-ركز كويس في الناس الماتو ديل وحتعرف الضحية الجاية حاتكون منو من غير ما نشوف صورتها في الشجرة
عبد الباقي بقى يعاين بكل انتباه للسبورة ويحاول يطلع حاجه من الصور دي فجأه قام فوق على حيلو بخوف
- لا ما ممكن مستحيل
-لا ممكن
-معقوله يكو و و ن
-اي هو
-عبدالرحمن
