عبدالرحمن مات وودع الحياة وهو ما عندو ذنب في الحصل ما كلو
عبدالباقي كان متأثر شديييد وببكي من القهر وبصرخ
-انت شبح ملعون شبح ملعوون خليتني أقتل أخوي بيدي وين انت اظهر عشان اقتلك انا ما حاقدر أنتظرك أكتر من كدا اظهررررر
زينب كانت بتبكي
-انت قتلت عبدالرحمن بيدك انت قتلت كل الناس عشان تعرف الشبح وفي النهاية عرفتو هه للأسف
-خليهو يا زينب هو أصلا ما حيفهم هو كل همو يعرف الشبح وشكلو ما حيعرفو الا بعد يقتلنا كلنا وأصلا ما فضل زول غيرنا أنا وانتي ونحنا اسي في خطر يمكن اسي يرفع مسدسو ويقتلنا زي ما قتل عبدالرحمن
-والله ما بعيد انا أصلا بقت م فارقة معى حتى لو قتلني لأنو ما عندي سبب أعيش عشانو سببي الوحيد كان ياسر وهو مات تاني أعيش ليه؟
-انا برضو ما فارقة معي أصلا كلنا اتدمرنا بقى في شك عدم ثقة خوف من بعض نقتل بعض في دمار وحرب بين بعض تاني الحياة ما فرقت معانا كفاية الحصل دا الموت بقى عادي مادام بنشوف الناس البنحبهم بموتو عادي قدامنا وبفارقونا زي الما حصلت حاجه تاني الحياة لزومها شنو؟
عبدالباقي قام من الأرض على كلامهم
-أنا غلطت عشان كنت بشك في الناس دي كلها وبسبب شكي قتلت أخوي الوحيد لكن بوعدكم ما كلو ينتهي وما حايموت زول تاني بس نحنا لازم نتحد ونقلب الشبح مع بعض
-اتحادنا ما عمل حاجة لأنو انت الخلفت بيهو انت الدمرتو
-انا اسف والله انتو ما حتقدرو تعرفو العلي انا مخنوق ومتضايق انا الحاجات دي كلها كانت بتحصل قدامي انا الوحيد الكنت بشوف اي زول بموت قدامي انا الكان الشيخ دايما بهددني وبكتب لي كلام في الحيط وبخوفني بيهو دايما يقول لي حاقتل ليك أي زول وفي حارجع أقتلك انت انا ما كلو استحملتو انا الخوف دا طبيعي عايش مني في اي مكان واي دقيقه وثانية الخوف معي الخوف من الضحية الجاية الخوف من موت الناس البريئين واحد ورا التاني ودا كلو بسبب شنو بسبب لعنة في البيت دا شيطان لعين سيطر على البيت دا خلا دا كلو يحصل خلانا نموت واحد ورا التاني نشك في بعض نكره بعض عشان نقتل بعض وهو يصل لغايتو ونحنا لازم نتفق ونفضل مع بعض وأهم شي ما نشك في بعض عشان نطرد اللعنة دي من البيت دا وغير كدا ما فضل غيرنا نحنا الثلاثة في البيت دا عشان كدا لازم نتفق
-نحنا لازم نتحد عشان نعرف الشبح
-ما عشان الشبح وبس عشان نطرد اللعنة من البيت ومن العالم كلو
عبدالباقي عن يدو زينب ختت يدها فوق يدو الغواص خت يدو فوقهم
-حنطرد اللعنة حنكشف الشبح
هم مثلو على بعض أنهم متفقين ومتحدين لكن أي واحد في الثلاثة بفكر في انو التاني ممكن يكون الشبح
زينب:مافي غير عبدالباقي والغواص معناها الشبح واحد منهم
الغواص:مافي غير عبدالباقي وزينب معناها الشبح واحد منهم
عبدالباقي :مافي غير زينب والغواص معناها الشبح واحد منهم
أي واحد مشى بجهه وهو بفكر في انو الباقين ممكن واحد منهم يكون الشبح ما ممكن بل بالتأكيد انو واحد منهم
عبدالباقي أكتر زول كان بفكر الغواص زينب الغواص زينب الغواص زينب الغواص زينب الغواص زينب
راسو وهو بردد في أسماؤهم
-زينب ما بتعمل كدا هي مستحيل تقتل ياسر هو ولدها وولدي دي ثمرة حبنا مستحيل تقتلو وهي كانت متأثرة شديد لموتو وبعدين هي بتحبو شديد هو كان بالنسبة ليها أي شئ ومستحيل تقتل عم يوسف وجليلة هم كانو بالنسبة ليها زي أمها وأبوها وعد برضو مستحيل تقتلها هي كانت صحبتها شديد وزي أختها وحتى بكت على موتها شديد طيب معناها الشبح الغواص
زينب كانت بتفكر بنفس طريقة عبدالباقي
-عبدالباقي ما بقتل ولدو هو بحبو شديد لما ياسر مات عبدو كان حايجن هو ما بعمل كدا عم يوسف كان متأثر ليهو شديد كان حايموت لما شافو ميت قدامو حتى جليلة ووعد كان متأثر بيهم شديد كان ما بنوم حتى طيب ليه قتل عبدالرحمن؟؟
فجأه غيرت رأيها سريع
-هو شاف الشعر والقناع والخاتم في غرفتو كيف ما يشك فيهو معناها في زول واحد بس الشبح الغواص
