عبد الباقي زهج منو شديد عشان هو بس ف لسانو القروش
- عبدو عاين أديهو حقو خلي يمشي نحنا ورانا مواضيع أهم منو
- طيب أنا حديك القروش والله يهديك وما عايز أشوف وشك هنا فهمت؟
-للأسف حاتشوفو لأنو أنا ما عندي مكان أقعد فيهو لحدي ما أرجع السودان غير هنا
-هو انت مجنون ولا شنو ولا تحلم تقعد هنا فهمت
-أفهمني أنا برضو ما قاتل روحي عشان أقعد هنا لكن ما عندي مكان أمشي ليهو
-ياخ دي حاجه بتخصك انت ما بهمني أطلع من بيتي بس
الغواص بقى يهدي فيهو
-خليهو ما حتخسر حاجه هو قال ما عندو محل يمشي ليهو
-ياخ كيف أخلي هنا مع زينب وياسر ما بضمنو وأنا أول مرة أشوفو يمكن كذاب
علم اتدخل.
- انا ما عندي دخل مع زول فيكم لو عندكم مخزن ولا حظيرة ولا أي حاجه ممكن أنوم فيها عندي كم حاجه عايز أعملهم هنا ووراجع السودان أصلا
-تمام شفت المخزن داااك
وأشر ليهو بيدو
-ممكن تقعد فيهو
-عبدالباقي حرام عليك هو حيقعد هناك كيف كلو حشرات وظلام
- ما بعرف لو راضي شيل شنطتك وأمشي ما راضي أطلع
-تمام ما عندي مشكلة
عبدالباقي كان مستغرب فيهو هو حيعقد في المخزن كيف والمخزن دا قدر شنو مخيف ووسخان مافي زول فتحو من وفاة جدو هو كان عايز يعجزو لكن ما كان فاكرو جادي
علم كان ماشي شايل شنطتو في ظهرو وبياكل في لبان بطقطق فيها وبصفر جاء ماري بجنب الأشجار بقت تهز شديد شدديد والباب بقى يقفل ويفتح ويعمل صوت قوي ومزعج عبد الباقي كان مترقب الشبخ لأنو دي العلامات البتجي قبل ظهورو لكن ما ظهر عبدالباقي كان مراقب علم شاف في ظهرو(لا تتحداني)رجع تاني شافها لقى مافي حاجه فكر انو بتخيل لأنو الكلمة دي بقت مسيطرة على أفكارو اتجاهل الموضوع رجع يتكلم مع الغواص
-ليه ما حصلت حاجه وليه مافي ضحية تاني وليه ما ظهر؟
-هدوء ما قبل العاصفة
-المعنى؟
-شكلو مخطط لشي خطير
بليل.
الغواص وعبدالرحمن كانو بحنسو في عبد الباقي عشان يمشي ينوم وهو رافص
-ياخ انت ليك كم يوم ما بتنوم
-والله ما بقدر أحسن اكون صاحي وأراقب البحصل
- نحنا قاعدين وما حانوم انت امشي ارتاح شويه
في النهاية اقنعو وطلع غرفتو لقى زينب قاعده ما قادرة تنوم
-زوبة في شنو؟
- عبدو انا حاسه انو ياسر دا فيهو حاجه غريبه
-كيف؟بقى ما ياسر ولدي الزمان حاسه بيهو اتغير حتى طريقة كلامو معي اتغيرت بقى يجوط ويصرخ فيني مع انو كان بحترمني شديد بحس بيهو بقى زي الزول الكبير كبير كدا ما برضى زول يتدخل فيهو ولا يتحشر في حاجه بتخصو
- طيب هو عمل شنو خلاكي تفكري كدا
- طيب قبيل انا كنت في الحمام لما طلعت لقيت ياسر واقف وبعاين لي بطريقة غريبة وعيونو حمر ما عرفت هو مالو سألتو قلت ليهو ياسر في شنو وما رد لي بقيت أسأل فيهو وهو ما برد وطلع من الغرفة انا عرفت هو مالو عبدالباقي كان بفكر في كلام الغواص ويحاول يستوعبو
- طيب أسي خلينا ننوم كلنا تعبانين وانا بوعدك أحل أي حاجه.
- طيب
هي نامت لكن هو كان صاحي لحدي الساعه ٢ صباحا كدا عيد الباقي كان شايف ظل بتاع زول وبقى يعاين اتجاه الظل الظل كان بختفي وبرجع تاني بختفي وبرجع فجأه ظهرت يد من جوة الباب كانت يد حمراء كلها دم وعروق أظافر طويلة لونها أخضر طالعة من أظافرو مادة بيضه لزجه شكلها مقرف عبد الباقي قام من السرير اليد أختفت مشى اتجاه الباب عشان يشوف دا شنو فتح الباب فجأه اليد جرتو وهو بقى يعالق فيها لكن هي كانت أقوى منو جرتو من رقبتو وهو كان بقاوم وبصرخ لكن مافي زول قدر يلحقو وهو مشى مع اليد وكانت مقفله خشمو بأظافرها المقرفه الطالعة منها مادة بيضاء وريحتها القزرة عبدالباقي كان شايف قدامو مخلوق ضخم راسو فوق ياسر وشو وش ياسر البرئ حتى عيونو وشكل وشو كلو الا يدينو الخضراء المقززه وأظافرو الطويلة كان أطول مما تتخيل من تحت جسمو كلو أخضر حتى رجلينو ويدينو حتى بطنو ما كان لابس شي مكتوب في صدرو
-you can not challenge me
-أنت لا تستطيع أن تتحداني
المخلوق دا بقى يضحك ويضحك بطريقه غريبه عبد الباقي ما قدر يستوعب دا ياسر من فوق ياسر ياسر ولدي كيف كيف طيب؟
المخلوق رد ليهو مع انو عبد الباقي كان بتكلم في سرو
-Do not think too much
-لا تفكر كثيرا
-ياسر وين
-yaser who?
-ياسر من؟
-ياسر ولدي وين وديتوهو وين؟
-he is died
-هو مات
-كذاب انت تكذب ياسر ما مات قول لي ياسر وين؟
-Iam said he is died
-قلت لك أنه مات
عبد الباقي لقى نفسو بصرخ
- ما مات قلت ليك ياسر حي
بقى يضحك ضحكه شريرة وظهر فيها أسنانو الخضراء المقرفه وريحة خشمو النتنة
-hhhhh it's actuality you must believe that
-هههه هذه حقيقه يجب أن تصدق ذلك
عبدالباقي بقى يحاول يدفرو منو لكن ما قدر لأنو كان قوي بشكل
-انتو ليه بتعملو كدا عايزين مننا شنو وروني عايزين شنو ياخ
-hhh ok ok calm I will talk you about any thing
-ههه حسنا حسنا اهدأ أنا سوف أخبرك بكل شئ
-عايزين شنو
-we want our soul
-نحن نريد أرواحكم
وفجأه اختفى عبد الباقي بقى يعاين في كل مكان وما شافو بقى يصرخ ليهو تعال تعال مشيت وين قول لي وديتو ياسر وين تعال قول لي لقى نفسو واقع في الأرض وببكي
زينب صحت على صوتو جاتو جارية
-عبدو في شنو
-قتلو ياسر قتلو
-شنو ومنو ياسر قاعد اسي انا شفتو
- لا دا ما ياسر ياسر قتلو قتلو قتلو
بقى يبكى بصوت عالي خشى في حالة تانية كأنو ما عبد الباقي بقى يصرخ وببكي زي الشافع الصغير زينب جرت غرفة ياسر وبقت تنادي ليهو ياسر تعال ياااسر تعال حبيبي أبوك قال انك مت وانو هم قتلوك زي ما قتلو عم يوسف وجليلة ووعد لكن أبوك كذاب انا عارفه انك عايش وأبوك بكذب علي اصلا هو دايما بحب يخوفني وحركاتو دي ما بخليها عشان كدا انت اطلع عشان اقول ليهو انك كذاب وانو المرة دي ما عرفت تخدعني وأفوز عليهو يلا اطلع يا ياسر أطلع حبيبي
