وهي بتنادي فيهو وهو ما برد عليها وبتصرخ ياااسر يااااسر النور كان مطفي لما فتحتو لقت في الأرض يد ياسر مقطوعه ومرمية جنب الباب زينب بقت تصرخ واااااااي عبد الباقي جاء جاري ليها واتفاجأ بيد ياسر المقطوعه كانو في حالة صدمة مافي زول اتكلم مع التاني بقو واقفين ومذهولين عبد الباقي رفع راسو شاف كلام كتير مكتوب في المراية بالأحمر
You can not challenge me and Iam say Iwill take all our soul hhhhhh Iam do that then I take your soul after remnant soul to agnoy you hhhhh
-أنت لن تستطيع أن تتحداني وانا قلت لك إني سآخذ كل أرواحكم ههههه وفعلت ذلك ثم سآخذ روحك بعد أرواح البقية لتتعذب هههه
زينب قعدت في الأرض وبتبكي بشدة وبتصرخ بأعلى صوت
-قتلو ولدي قتلو حبيبي قتلو حبيبي قتلو يااااااسر
عبد الباقي بقى يكسر في حاجات الغرفة وهو ما واعي على نفسو ويوقع اي شي قدامو ويصرخ تعال عشان أنا اوريك يا حيوان تعال يا جبان الغواص وعبدالرحمن جو جاريين خشو ليهم في الغرفة شافو حالتهم وكلام زينب عرفو انو قتلو ياسر هم الإثنين ما قدرو يكونو أقوياء أي واحد قعد في الأرض وبقى يبكي
عبدالباقي وهو بكسر في الحاجات عايز يوقع الدولاب كان في كركبة جواهو قام فتحتو جات واقعه منو رجلين ياسر وهم مقطوعين رجع لورا بقى مخلوع كلهم بقو مخلوعين عبد الباقي طلع برا من البيت وبقى جاري في الشارع زينب بقت تعاين للرجلين وخشت في صدمة ما بتتحرك ولا بتتكلم الغواص وعبدالرحمن ما كانو قادرين يصدقو البحصل دا عبدالرحمن كان ببكي شديد الغواص بحاول يتكلم معاه وهو ما برد ليهو
-عبدالرحمن عبد الرحمن
وهو بس ببكي وببكي
-أنا حالحق عبد الباقي عشان ما تحصل ليهو حاجه انت خليك مع زينب
وهو برضو ما رد ليهو قام طلع عشان يلحق عبد الباقي وما عارفو وين ولا عارف يفتشو وين
عبدالباقي مشى مدرسة ياسر الدنيا كانت ليل كسر باب المدرسة وخش لأنو كان مطبول مشى كسر باب الفصل البدرس فيهو ياسر وكأنو حاسي انو حيلقى حاجه ولمح حاجه في الأرض فتح النور عشان يشوفها لقاهو راس ياسر مقطوع ومرمي في الأرض وعيونو فاتحة كان أشبه براس دمية خشبية لكن دا راس ياسر اي ياسر ياهو ولدي ياسر
عبدالباقي شال راس ياسر وحضنو وبقى يصرخ بأعلى صوت ليهو ياااااسر الصداء كان برجع معاهو ياااااسر كان صوت كلو وجع وألم صوت حزين صوت مخنوق بسبب العبرة صوت مهزوز لقى جنب راسو ورقة شالها لقى مكتوب فيها
-I love you dad
-أحبك بابا
عبد الباقي طلع بره وهو شايل راس ياسر وجاري فجأه انوار المدرسة كلها فتحت براها بقى يمشي خطوة يشوف أذن ياسر واقعه تاني رقبتو تاني باقي يدينو كان ليهو أشبه بالحلم كان ببكي دموعو جارية كان بصرخ من الألم كان ما مصدق كان بقطع في ملابسو كان بضرب راسو في الحيطة كان مهزوز شديد كان مدمر
شال راسو من الحيطة لقى راسو بقى ينذف من الضرب الضربو في الحيطة وهي بقت كلها دم والدم فجأه اتجمع على شكل كلمات
- you will ached more the game will start from here
-انت حتتألم أكتر اللعبة حتبدأ من هنا
طلع بره وهو بجري كأنو عايز يطلع من الواقع دا الواقع المخيف اتمنى انو بكون بحلم طلع من المدرسة وهو جاري بخلعة وشايل في يدو راس ياسر شغال يصرخ ويجري فجأه في حاجه وقفتو لما عاين تحتو لقاها بركة كبيرة فيها موية سوداء عايز يتخطاها فجأه الفكرة ظهرت فيها كتابة بالأحمر
-Iam say you can not challenge me
-قلت لك أنك لن تستطيع أن تتحداني
-you will shocking
-انت حتنصدم
البركة جابت صورة عم يوسف
-first victim
-أول ضحية
تاني صورة وعد جنبها
-second victim
-ثاني ضحية
صورة جليلة جنبها
-third victim
-ثالث ضحية
صورة يوسف في الآخير
Fourth victim
-رابع ضحية
صور الناس الماتو كلهم بقت قدام عبد الباقي وهو بتذكر فيهم وبتذكر في الآلام الجات بسبب الشبح
بقى ماشي وهو ما فاهم حاجه بقى يقول تاني الشبح حيقتل منو هو عايز يقتل كل الناس القريبين مني حتى يقتلني انا عايزني أتعذب عايزني ابكي وأصرخ عايز يشوفني مهزوز ووحيد بعد أفقد كل الناس الأنا بحبهم طيب هو قتل قطعة مني وأهم شي في حياتي وحرق قلبي تاني حيقتل منو عشان يعذبني أكتر عشان يوجع قلبي حيقتل منوو؟فجأه أتذكر زينب زينب زينب زينب وبقى جاري ماشي ليها خشى من باب بيتو بقى سامع صوت طق طق طق كان صوت عصاية وصوتها قريب منو فجأه جات خاشة مرة كبيرة في السن متكية على العصاية دي ملابسها كانت في حالة يرثى عليها كانو لابساها من ١٠ سنين شعرها كان كلو أبيض جسمها كان مكرمش كانت ماشه على عبدالباقي في أقل من مهلها بعدين وصلتو
-انتي منو؟
- أنا جاية أقول ليك ليه بحصل معاكم كدا
-انتي عرفتي كيف البحصل معانا دا
-عشان انا عارفه اللعنة دي وسببها والعملها منو
-لعنة؟
-لعنة الشيطان
-لعنة الشيطان؟طيب وهي سببها شنو وعملها لينا منو وليه وليه الا نحنا
-اللعنة دي كانت بسبب جدك الله يرحمو هو السبب فيها لأنو عمل ذنب كبير والذنب دا رجع فيك انت عشان جدك ارتكب الذنب دا بسببك انت
-بسببي أنا؟جدي عمل شنو وبسببي انا كيف ؟طيب ومنو العمل فينا اللعنة دي
-زول قريب منك
- طيب منو؟
- زول قريب منك
وفجأه اختفت خلتو في حيرة دا منو وزول قريب مني؟طيب جدي عمل شنو ولمنو عشان هو ينتقم مني انا وكيف بسببي أنا؟
