الحيطان بتاعتها كانت مليانة دم لونها كان أحمر شديد مليانة رفوف قديمة وجه الفلاش على اتجاه الرفوف عشان يشوف الفيها كانت كلها أعضاء لإنسان شعر أذن رجل يد أصابع أظافر عين أنف كان شكلهم بخوف وهم مليانين دم كان خاتي صورة زينب في وحدة من الحيط وعامل فيها كروس بالدم وكاتب جنبها
-I will take everybody who looks like you
-سآخد أي أحد يشبهك
فجأه حس بصوت زول بتكلم
-you can,t do for me any thing and I will take all the girls you can't stop me
-انت لا تستطيع فعل شئ لي سآخذ كل الفتيات وانت لن تستطيع توقيفي
بقى يتلفت ويصرخ
-who are you?levered
-من أنت؟أخرج
-hhhhh am murdered humans
-هههه أنا قاتل البشر
-I will kill you get out
-انا حاقتلك أخرج
-hhhh you cant
-هههه انت لا تستطيع
مقدام طلع برة وبقى يصرخ عليه كل ما يسمع صوتو يمشي محل ما سمعو وبرضو ما بلقى حاجه ما كان خايف انو يموت بس كان همو انو يمسكو وبس طلع من القصر وكانت الساعة ٥ صباحا مشى على القسم وعمل أمر قبض على عبد الباقي ومشى على الشركة كان بفتش عليه زي المجنون بس مافي زول كان عارف عنو حاجه وكلهم بقولو انو ليه يومين ما جاء مشى على كل شركاتو وبقى يفتش عليه بس ما استفاد حاجه لأنو عبدالباقي اختفى تماما مقدام كان زهجان شديد وفاقد السيطرة على نفسو بس كان عايز يلقاه عشان يقتلو في النهاية بعد زهج من انو يفتشو مشى قعد في كرسي العربية ورجعو لورا وحاول يسترخي ويحاول يفكر بقى يتذكر كل الحصل معاه في القصر ولما خشى المخزن وشاف صورة زينب والسكاكين الفضية المثبتة عليها ولما مشى الغرفة الأرضية ولقى صورتها وجنبها مكتوب انو حياخد كل زول بشبها حياخد كل زول بشبها حياخد كل زول بشبها الكلمات دي بقت تتكرر عليه أكتر من مرة لحدي ما قام من الكرسي مخلوع
-يعني هو بقتل اي بنت بكون فيها شبه من زينب؟
لما أنا كنت في الغرفة وبقيت اسمع صوتو ولما قال لي انا حاقتل كل البنات وانت ما حتقدر تعمل لي حاجه انا ليه ما لاحظت انو هو بقتل بنات بس للان كل الجثث بتاعة بنات هو ما بقتل اولاد ولا بالغلط هو كان مفروض يقتلني انا عشان كشفتو بس هو ما بقتل أولاد هو بقتل بس بنات طيب والأعضاء الفي الرفوف دي؟كل بنت بتشبها حاقتل كل بنت بتشبها يعني هو بقتل أي بنت بتشبه زينب وبعدين بشيل منها الحاجه الشبه زينب يعني عشان كدا قتل نرجس؟يعني عشان هي فيها شبه من زينب؟يعني هو بعمل دا كلو عشان ينتقم؟
الأفكار اتلخبطت عليه بس الحاجه العرفها انو هو بعمل دا كلو بسبب زينب تقريبا هو عرف اللغز دا القاتل عبد الباقي بكون على هيأة انسان وهيأة شبح بقتل كل بنت بتشبه زينب أو فيها حاجه منها وبعد ما يقتلهم بشيل الحاجه الهي بتشبه فيها زينب وبقطعها وبختها في رفوف الغرفة التحتية و برمي الجثث في شارع ببعد من القصر بتاعو ساعتين بغير الزمن البجي فيه عشان يرمي الجثة عشان لو في زول حاول يراقبو ما يعرف ليه زمن معين انا مراقبو لي ثلاثة يوم مرة بجي الساعة ٣ مرة ١ مرة ١٢ كان بنوع الزمن لما يجي يرمي الجثة بجي على هيأة الشبح عشان لو في زول طلع متابعو ما يعرفو طلعت ذكي يا عبد الباقي بس ما أكتر مني بقى يغكر كيف يلقاه هو ما اتكشف ما حيجي القصر ولا حتى الشارع البرمي فيه الجثث كدا هو حايغير كل مسارو وخططو طيب والسكاكين هي في المخزن وهو بقتل بيها ضحاياه من غيرها ما حيقدر يعمل حاجه فكر انو ممكن يرجع القصر عشان السكاكين ومن محلو داك مقدام اتحرك على قصر عبدالباقي.
