-القاتل دا حينتقم لأنو لأول مرة ما يقتل الضحية الهو مخطط يقتلها ونحنا كنا السبب في دا
-عشان كدا حيقتل زول مننا ومن غير ما ينحت صورتو في الشجره انتقاما مننا
- نحنا لازم نكون جاهزين لكل التوقعات وأي زول انت بتعرفو يا عبدالباقي نخلي قدام عيونا
-دي صعبة والله يا غواص نحنا كيف نخلي اي زول انا بعرفو قدامنا انت عارف اني بعرف الف زول في البلد دي
- لا ما أي زول بس الزول الإنت بهمك بتتأثر بيهو لما يموت على فكرة الشبح دا مستحيل يضيع سكاكينو الثمينة دي في أي زول انت بتعرفو الا الناس القريبين منك الناس الإنت بتتأثر بموتهم
-عم يوسف وعد جليلة وكان حايكون عبد الرحمن وديل كلهم عزيزين علي
-بس يلا ضحايا القاتل في الناس البهموك انت
-ياسر زينب عبد الرحمن انت ديل البهموني وما أظن في زول تاني ممكن ازعل عليهو
- نحنا كلنا قاعدين مافي زول بعيد مننا
- لا ياسر في المدرسة
-الحقو سرييع
- عبدالرحمن انت خليك مع زينب انا والغواص حنمشي لياسر في المدرسة
واتحركو بسرعة ومشو مدرسة ياسر كانو خايفين شديد
-ياسر لو حصلت ليهو حاجه والله انا بموت ثانية ما بعيشها
-عبدالباقي استهدى بالله ان شاء الله ما بتحصل ليهو حاجه وحنلحقو
-ياخ انا الوداني أخلي يمشي المدرسة شنو كان أخلي قدامي وقدام عيوني عشان اطمن عليهو
-هو ما حتحصل ليهو حاجه انت اطمن هو كويس
-ياخ انا عملت شنو في الدنيا دي عشان الله يعاقبني في ولدي
-استغفر الله ما صاح تقول كدا هو ما حتحصل ليهو حاجه خليك مطمن
ووصلو وهم جاريين وكانو خايفين يلقو ناس متلمين في محل ويقولو ياسر مات لكن لقو المدرسة عادية وما فيها أي حاجه ملفتة كدا عيد الباقي قلبو ارتاح شوية واطمن انو ياسر كويس خشو الفصل بتاعهم لقو عندو حصة وهو قاعد قاعد عادي مافيهو شي إستأذن من الأستاذ عشان ياخدو معاهو لأنو ما مطمن نهائ وياسر بعيد منو المهم ساقو معاهو وطلعو
-Dad what is there?
-بابا ماذا هناك؟
-مافي حاجه حبيبي بس خلينا نمشي البيت
-why?I have a lesson
-ليه؟انا لدي درس
-ياسر أسمع من الليله مافي مشي المدرسه
-what?you are kidding right?
-ماذا؟انت تمزح صاح؟
- لا جادي لأنو الوضع خطير عليك اسمع الكلام بابا
-ok
-حسنا
ياسر كان ماشي ورباط جزمتو اتفك نزل تحت عشان يربطو عبدالباقي واقف جنبو فجأه لاحظ انو شنطتو فيها كتابة بالأحمر شالها منو عشان يشوف فيها شنو واتفاجأ انو مكتوب فيها
-you can not challenge me
-أنت لا تستطيع أن تتحداني
دي الجملة الدايما بكتبها الشبح في أي مكان عبد الباقي خاف شديد انو الشبح قدر يصل لياسر واتأكد انو هو أسي قريب منهم
-الغواص الشبح هنا
-شنو؟
-شوف مكتوب شنو
وناولو الشنطة عشان يقرا جملة الشبح المعتادة
-يعني هو قدر يصل لياسر؟
-للأسف
بقو يسألو في ياسر اذا حاصلة ليهو حاجه ولا اتجرح ولا في زول هبشو ولا زول ظهر ليهو وهو قال لا مافي حاجه واستغربو طيب كيف كتب الكلام دا في الشنطة بتاعة ياسر والغواص كان مستغرب أكتر انو الشبح ما قال ياسر بالرغم انو الجملة دي بكتبها بس لما يقتل زول بخليها وراهو طيب أسي كيف حصل دا
عبد الباقي كان مطمن انو ياسر كويس وجنبو وتاني الباقي ما مهم
وصلو البيت لقو زينب وعبد الرحمن واقفين ليهم بره وهي مقلقه شديد وخايفة من شافت ياسر جرت ليهو وحضنتو وبقت تبكي
-الحمدلله انك كويس حبيبي
عبدالرحمن كان متضايق من نفسو شديد ومتأثر على حالة عبد الباقي وانو كل يوم بموت ليهو زول وهو في حالة ما بحسدوها عليهو وندم انو الوقت دا كلو ما وقف جنبو
عبدالرحمن جاء حضن عبدو شدييييد وبقى يبكي
-MÝ brother I'm sorry
-أخي أنا آسف
-مافي حاجه بتخليك تعتذر انا ما زعلان منك انت في النهاية أخوي الصغير
-I'm fool really fool becouse I'm not stand with you
-أنا أحمق حقا أحمق لأني ما وقفت معاك
-انت دايما معي وأسي حاتقيف معي وحنقدر مع بعض نلقى القاتل ونعرفو ونتتقم منو على أي روح قتلها
-I'm with you now
-أنا معاك من الآن
عبدالرحمن اتغير شديد وبقى حنين لأنو اتأثر بحالة أخو وطبيعي هو عايش في خوف.
ياسر كان قاعد مع أمو وهي غيرت ليهو ملابسو وجابت ليهو ملابس تانية عشان يلبسها فجأه لاحظت لحاجه غريبه فيهو
-ياسر انت فجأه كدا كبرت ولا كيف؟
-what?
-ماذا
-حاسه بيك زي الطولت كدا ولا حجمك زاد لأنو الملابس دي ما قدرك مع انو الأسبوع القات كنت لابسها
-what wrong with you man it's easy thing
-ماذا جرى لك مام شئ عادي
هي استغربت من طريقة كلامو وحتى صوتو كان متغير وحتى طولو وحجمو كان زايد واستغربت أكتر لما جات تغير ليهو ملابس المدرسة والجزمة كانت ما قادرة تطلعهم منو الا بعد صعوبة وتعب مع انها دايما بتغير ليهو ملابس المدرسة وما حصل يوم لاحظت لحاجه زي دي ولا الملابس ما طلعت معاها
طيب ليه الشبح ما قتل ياسر وليه كتب الجملة بتاعتو في شنطة ياسر مع انو ما قتلو وليه ياسر قال انو ما شافو وما لاحظ لشي غريب وليه فجأه ياسر حجمو زاد وطولو زاد وصوتو اتغير؟؟
