لكن أنا كنت ساكت ليك وبخليك تشيلي كل العايزاهو عارفة ليه؟عشان حبيتك يا زينب لكن انتي ما بتستاهلي الحب دا منك انتي جاء دور عبدالرحمن هو الوحيد الما كنت متوقعها منو عبدالرحمن لما خلص جامعة فجأه كدا بقى واحد تاني حتى تعاملو معي أنا اخو الربيتو وعملت أي شي عشانو فجأه كلو اتحول بس كان همو القروش ودايما بقول لي نبيع البيت عشان انا عايز الجزء بتاع الورثه حقي وانا ما كنت راضي ببيع البيت بعدين هو زعل وخلا البيت وسكن مع شباب كدا بتاعين لعب وبسببهم هم عبدالرحمن بقى شغال في كازنو وما فكر يشتغل بشهادتو الجامعية وانا كل ما أتكلم معاهو بتضايق أكتر في الكازنو اتعرف على وعد وخطبها وهي كانت من بنات الليل وبتقرا في الجامعة انا ما كنت راضي عبدالرحمن لكن هو فكر اني ما عايز أشوفو مبسوط وعد بعد عرفت بالقصر طمعت زي ما كلكم طمعتو وفكرت تقرب مني أنا عشان انا المسيطر والسلطة في يدي لحدي ما يوم عبدالرحمن شاف وعد معي واتهمني بالخيانة وانتي كمان اتهمتيني بالخيانة مع انك أكتر وحده عارفة انو أنا مستحيل أخونك بعدين انتي وعبدالرحمن ووعد والغواص وجليلة ويوسف فكرتو تاخدو مني القصر والثروة كلها وانا فكرت اقتلكم واحد واحد بالنسبة لعلم هو ما ولد جليلة ويوسف هو برضو جاء البيت دا بس عشان القروش أما أنس كان متفق معاكم بالنسبة لقصة الخاتم الأنا شفتها كانت كذبة مني عشان انتو تشكو في أنس
زينب بقى تبكي وتندب في حظها
-طيب نحنا غلطانين عشان عملنا كدا عشان خناك وطمعنا في حقك وبنستاهل كل الحصل دا لكن ياسر ياسر ولدك ذنبو شنو عشان تقتلو قول لي ذنبو شنو؟
-عشان ياسر ما ولدي يا زينب يااااسر ما ووولدي يعني انتي فاكرة اني ما حاعرف انو ياسر ولد الغواص وانك خنتيني معاهو فاكرة اني ما حاعرف؟فاكراني غبي يعني؟انا سترت عليك لأنك مرتي وماعايز أفضحك لكن انتي ما بتستاهلي السترة أنا كنت عامل رايح وعامل مصدق كذبك كنتي عايزاني أربي ياسر على أساس انو ولدي عشان يرث كل اموالي صاح؟هه ليه أنا غبي كدا
-طيب ليه عايز تقتلني أنا آخر وحده ليه ما قتلتني زيهم وخلاص؟
-عشان انا عايزك تعرفي الحقيقه وتفهمي اني كاشفكم وكاشف كذبكم ونواياكم وانو انا الشبح أنا القتلتكم واحد واحد وعشان انتي مرتي كمان ولا ما كدا يا زوبة؟ ههههه
زينب كانت بتفكر انو عبدالباقي طلع هو الشبح لكن مافي انسان بقتل بالطريقة دي عبدالباقي لحدي ما قتل أبوهو وجدو كان انسان لكن فجأه اتحول لشبح طيب كيف؟ياربي دي لعنة!
وقبل ما تتم تفكيرها عبدالباقي كان غز السكاكين في بطنها وصرخت صرخة مرعبة وسقطت في الأرض وهي ميتة
-hhhhhh I am ghost yes I am ghost
-هههههه أنا الشبح نعم انا الشبح
-I will kill all the human I will come back again
-أنا سأقتل كل البشر سأعود ثانية
-hhhhhhh
(كلام زينب كان في محلو عبد الباقي بعد ما قتل ابوهو وجدو كان انسان لكن من موت عم يوسف وهو بقى في دور الشبح بقتل من غير رحمة بقتل وبكون مبسوط ما بدخل فيهو شوية ندم من العملو حتى الصور البتتنحت في الأشجار وياسر الجديد الجابو على هيئة ياسر ولد الغواص دا كلو كان وراهو لعنة الي هي لعنة الشيطان اللعنة المحفورة في البيت دا سيطرت على عبد الباقي بعد ما هو قتل أبوهو ومن اليوم الدخل فيهو عبدالباقي على البيت دا كانت اللعنة بتتسحب شوية شوية عشان تدخل فيهو وتدخل في قاتل مالك البيت الي هو أبوهو وبعد ما قتل جدو كدا اللعنة بقت مسيطرة عليهو أكتر واتحول من عبدالباقي القاتل لعبدالباقي الشبح وهو ما كان عندو أي فكرة عن اللعنة دي هو كان فاكر انو بقتل الناس دي عادي كدا بسبب ردة فعل طبيعية من العملو ليهو لكن دا كلو وراهو ألف سبب وسبب )
انتظروني في الجزء التاني عشان نشوف السبب ورا دا كلو
النهاية..
