زينب كانت قاعده في غرفتها وضربت لأمها عشان تحكي ليها بالحصل معاهم
-واي يا بنتي اوعى تقعدي في البيت دا ولا دقيقه انا حكلم أبوكي شيلي ياسر وتعالي اوعى تقعدي
- يا أمي انا مستحيل أخلي عبدو براهو لازم اقنعو نطلع سوا
-ياسر دا شكلو الجن الفي بيتكم دا ركب في جسمو عشان كدا هو رافض يطلع من البيت اعملي حسابك منو واوعى تقربي منو أسي لو قتلك انتي وياسر
-دا كلام شنو البتقولي فيه دا غلطان البضرب ليك والله
وقفلت الخط في وشها.
الجنايني جاء هو ومرتو جليلة لقو عبد الباقي واقف ليهم بره
- انا مديكم إجازه يوم واحد تقعدو أسبوع(وهو بجوط)
-Iam sorry sir
- أنا آسف سيدي
- أنا ما عايز معاكم كلام كتير اي واحد يقوم يمشي على شغلو
-ok sir
- حسنا سيدي
-لكن أول عايزكم في كلام ما تطلعو من البيت لأي سبب من الأسباب تخلو بالكم من زينب وياسر كويس انتي يا جليلة خليك مع زينب طوالي لو لاحظتي اي شي غريب كلميني
-what is there?any problem?
-ماذا هناك؟أي مشكلة؟
- ما تسألوني كتير بس أعملو القلتو ليكم
وهم مشو ومستغربين من كلام ياسر ياسر كان طالع ماشي الشغل زينب جات وقفتو
-عبدو أنا ما مطمنه بالجد خايفة والله عليك الله خلينا نمشي
قرب منها وخت يدينو في نصها
-زينب انا بوعدك ما حتحصل ليكم حاجه لا انتي لا ياسر خليكي واثقة فيني
- طيب وانت
- ما تخافي علي انا برضو ما حتحصل لي حاجه اطمني بس انتي أسمعي كلامي دا تمام؟
- طيب أسي انت ماشي وين ومخلينا
-ماشي الشغل وبعدين هدا جليلة والجنايني معاكم ما حيحصل ليكم شي لو في حاجه بس أضربي لي تلفون
- طيب خلي بالك من نفسك
-وانتو كمان
وهي دخلت البيت هو بقى واقف قصاد الأشجار وبعاين ليها مسافة الشجرة الكان لما هبشها لقى يدو كلها دم اتشكلت على صورة الجنايني هو كان حاسي نفسو بتخيل كيف دي صورة الجنايني كيف كيف؟الكلام دا مشى منها قريب ولسه الصورة في الشجرة مد يدو على شكل الجنايني وبقى يهبش وكأنو دا الجنايني بنفسو دي ما مجرد صورة وخلاص رفع يدينو من الشجرة لقى يدينو كلها دم دم أسود شديد ومعاه مادة خضراء رجع ورا من الخلعة رجع عاين للشجرة شاف الصورة اختفت تاني رجع عاين ليدينو لقاهم عاديين مافي دم أسود ولا مادة خضراء رجع عاين للشجرة لقى صورة الجنايني منحوته في الشجرة تاني رجع يعاين ليدو لقى دم أحمر وسايل من يدو ونزل في الأرض والمحل الهو واقف فيه بقى عبارة عن دم والأرض اتملت بالدم الأحمر هو طوالي مشى للجنايني بقى ينادي فيه عم يوسف عم يوسف تعال سريع جاهو مخلوع
-yes sir
-نعم سيدي
-شوف شوف شوف صورتك في الشجرة كيف جات هنا كيف؟
-any photo؟
-أي صورة؟
-الصوره دي
وأشر على الشجرة لما عاين ليها لقى مافي أي صورة بقى يعاين للجنايني ويعاين للصورة يعاين للجنايني ويعاين للصورة فجأه الشكل المنحوت بتاع عم يوسف الفي الشجرة اختفى تماما وكأنو ما كان منحوت أساسا
-what wrong with you MÝ son
-ماذا بك بني
-عم يوسف صورتك كانت منحوته هنا في الشجرة دي انا متأكد شفتها بعيوني وكمان يديني مليانين دم شوف
حتى لما عاين ليدينو ما كان في أي دم كانو نظاف
-say in the name of allah the merciful
-قول بسم الله الرحمن الرحيم
- انا متأكد انو صورتك كانت هنا ويدي كان فيها دم طيب شوف الأرض كلها دم
عم يوسف لما عاين للأرض لقاها عادية وما فيها أي دم عم يوسف بقى يعاين ليهو ومستغرب منو وطبطب على كتفو عبد الباقي بقى مخلوع انا شفت الحاجات دي كلها قدامي كيف يعني اسي اختفت
-no thing here is abit cumpersome of worke so much go and relax
-لا شئ هنا انت مرهق قليلا من العمل الكثير اذهب وارتاح
عبد الباقي طلع من البيت وركب في العربية وبقى ماشي بيها ما قادر يصدق انو البشوفو دا صاح
-يمكن انت بحلم وحاصحى من الحلم دا بعد شوية يمكن دي كلها تهيؤات بسبب كلام زينب لأنها خوافة كلامها شكلو أثر فيني طيب والسكين؟
عاين ليدو لقى جروح السكين لسه قاعده وتاني قال يمكن انا جرحت نفسي بالغلط واتهيأ لي انو دا شبح طيب وياسر كيف شافهم يمكن هو برضو بتهيأ
بقى يتكلم مع نفسو بهسترية وما قادر يصدق انو دا كلو حقيقي
بقى ماشي لحدي ما وصل الشركة دخل مكتبو وقفلو عليهو ومشى قعد في كرسيهو وبقى يحاول يتنفس براحه براحه رجع الكرسي لورا ونام فيهو عشان يهدي نفسو ويرتاح شويه قبل ما يغمض عيونو تلفونو ضرب لقاها(MÝ mania)
رد ليها بخلعة وخوف
-في شنو يا زينب؟
-(وهي بتبكي)عم يوسف بموت ألحقو يا عبدووو
رمى التلفون من يدو وجرى على البيت
جاء خاشي من باب البيت لقى في الحديقة عم يوسف نايم في الأرض وجسمو كلو دم مطعون ٦ طعنات وحده في رقبتو وحده في صدرو وحده في بطنو وحده في قلبو و٢ في راسو وظاهر عليهو انو مات خلاص بعد الطعن الكتير دا كلو وجنبو ياسر وجليلة وزينب وهم بصرخو وببكو
