وهم ماشين في الطريق وأي واحد خايف أكتر من التاني عبد الباقي كان بقرا قرآن وبدعى انو وعد حاتكون حصلت ليها حاجه لحدي ما وصلو الجامعه ولقوها مقلوبة والناس كلها جارية على اتجاه واحد وهم فجأه لقو نفسهم بجرو مع الناس لحدي ما وصلو المكان المتلمين فيهو الناس واصلا ما كان في فرصة عشان هم يشوفو في شنو البنات كانو ببكو والما قادر يشوف والناس كلها مخلوعه
-what the hell this is?
-ما هذا بحق الجحيم
-look at this girl what happen to her?
-أنظرو لهذه الفتاة ماذا حل بها
-it is the curse of the lord
-انها لعنة الرب لها
-it is not her fault she is an innocent girl
-لا ذنب لها انها فتاة برئيه
أي زول كان بتكلم براه وبقول حاجه الغواص طلع بطاقتو الشخصية
-I'm police man please let me pass
-أنا رجل بوليس أسمحو لي بالمرور
الناس زحو ليهو عشان يخش وعبد الباقي اتقدم معاه لحدي ما شافو وعد جسمها في مكان وراسها في مكان وجسمها كلو مشلخ لدرجة انو ملابسها مشرطة وراسها مقطوع من جسمها وعينها مقطوعه وعينها التانية شبه مقطوعه وشعرها مقطع ووشها مليان دم لدرجة انو ما ظاهرة فيهو حاجه شعرها كان معلق في حيطة الحمام بتاع الجامعة والحيطة مليانة دم ومكتوب فيها بالدم
-you can not challenge me
-لن تستطيع أن تتحداني
عبدالباقي خوفو زاد بقى يفكر حيعمل شنو وعبدالرحمن حيكون شعورو شنو وكيف يشرح ليهو الموضوع؟؟!!واكيد حيقول انو هو السبب في اي حاجه بذات لما عبدالباقي ضرب ليهو وسألو من وعد رجلينو م كانو شايلنو حس نفسو ضعيف وانو الناس بتموت قدامو وهو م بقدر يعمل حاجة كان متأثر شديد لدرجه انو بقى يضرب في الحيطه بيدو بكل قوتو ودموعو تنزل وكل مره دموعو تنزل أكتر لما يتذكر وعد وانو هي م عندها ذنب في البحصل دا وقدر شنو هي بريئه وأنها خشت في معركة م بتخصها
بعد ساعات...من الإجراءات والحزن المسيطر على عبدالباقي وزينب لما عرفت انو صحبتها واقرب زول ليها ماتت بالطريقه الشنيعة دي عبدالرحمن ماف زول كلمو لأنو كانو خايفين ع ردت فعلو وعبد الباقي م قدر يواجهو
الغواص اتولى كل إجراءات دفن وعد وأهلها لما عرفو بقو عايشين حاله مأساوية وعبد الباقي برضو م قدر يواجههم كأنو هو السبب في موتها
في المساء..عبدالباقي رجع بيتو عشان كان خايف ع زينب وياسر لأنهم براهم م معاهم زول غير جليلة بعد مشى لقى زينب في حاله مأساوية بتنووح وتصرخ بأعلى صوت وعبدو لما جاء داخل عليها هي مسكتو وبقت تبكي
- انا م قلت ليك انو نحنا نسيب البيت دا ونمشي م قلت ليك ي عبدو لكن انت عاندتني لحدي م مات عم يوسف ووعد لحقتو وبعد شوية حنلحقهم نحنا واحد وراء التاني لييه يا عبد الباقي؟؟!انت بتعمل فينا كدا عاوزنا نموت يعني
يخخ م قادره أفهم م قادره أفهمك انا
فهمني عاوز تصل لشنو بسس!!
-زينب اهدي قولي بسم الله أنا انا انا كيف عاوزكم تموتو؟ انتي عارفه انا بحبكم قدر شنو وانتو بالنسبة لي شنو وبعدين نحنا حتى لو طلعنا من البيت دا ما حيتغير شي لأنو القاتل ما مقتصر على بيتنا وعد كانت في الجامعه وبرضو قتلها نحنا بيتنا بحمينا عشان على الأقل بنعرف الزول الحايموت وبنخت حسابات يمكن نقدر نحميهو
-انتو عرفتو انو وعد حاتموت وما قدرتو تنقذوها وخليتوها تموت
-زينب نحنا ما كان بيدنا نعمل شي ما قدرنا نحصلها عشان هي كانت بعيدة
- عبدو يعني نحنا حانموت؟
-زوبة انا بوعدك ما تحصل ليكم حاجه لا انتي لا ياسر حاحميكم وما حخلي شي يحصل ليكم بس انتي اقيفي معي والله انا متضايق شديد وحاسي الضغط زاد علي حاسي راسي ملخبط ما قادر استحمل اي شي ممكن يحصل تاني زينب انا محتاج ليك جنبي
- انا جنبك وحافضل جنبك عمري كلو انت دايما معانا ما حصل يوم خليتنا محتاجين حاجه بتقيف معانا في أقل مشكله بتحصل وأنا اسفه عشان بزيد عليك حملك وانت ما مستحمل والفيك مكفيك أنا اسفه يا عبدو أسفه والله
وبقت تبكي في حضنو
-زوبة خلاص ما تعتذري انا ما زعلان منك لكن انا بس عايزك تقيفي معي وتقويني
- أنا معاك
والاثنين اتماسكو واتحاضنو شديد وببكو كانو هم عارفين انو الراحه بتكمن في حضنهم(أحلى حاجه لما تلقى الحضن البدفيك الحضن البحميك من الدنيا البتلقى فيهو انك مطمن وما خايف من حاجه دا الحضن البتحتاجو)
وهم مع بعض كدا فجأه سمعو صوت عبد الرحمن بصرخ بأعلى صوت ليهو قامو نزلو ليهو تحت سريع سريع لقو في حالة أول مرة يشوفوها بيه كان بصرخ دموعو جارية وشو أحمر عيونو ملتهبة من البكاء عروقو ظاهرة على يدو من الغضب كان ببكي بطريقة بتخليك تحن عليهو عبد الباقي ما قدر يقرب منو لانو عارفو متضايق قدر شنو
-You are a scoundrel, because of you my love of my lofe is died , I will never forgive you, you are the reason, you are a vile, I hate you so much
-انت وغد بسببك ماتت حب حياتي لن اسامحك ابدا انت السبب انت سافل انا أكرهك كثيرا
