Moonlight Blade (Gazellian Series #4)

Chapter 31

Chapter 31

Mga istorya

Mabilis tumaas sa ere ang mga kamay ng bampirang may itim na pakpak nang salubungin siya ng daang punyal na nagliliwanag mula sa aking abilidad.

"M-mahal na reyna, naririto ako bilang proteksyon at hindi kalaban." Ngunit hindi na sa kadarating na bampira nakatuon ang aking atensyon, kundi sa magkapatid na babaeng Gazellian na hanggang ngayon ay tulala sa natatanging punyal na siyang namumuno sa aking kakayahan.

Simula nang lumapat ang punyal na ito sa aking mga kamay, ito na mismo ang siyang ginagamit ko kayakap ang aking kakayahan bilang diyosa upang protektahan ang aking sarili.

At ang marinig na ang punyal na ito'y pag-aari ng dating magiting na hari... papaano ito nangyaring gayong ito'y inaakala kong pagmamay-ari ng dating pinakamataas na diyosa?

"Seth, sana'y matuto kang magbigay ng mensahe! Alam mong kaming lahat ay alerto sa mga nangyayari." Sagot sa kanya ni Claret.

Unti-unting naglaho ang mga punyal at tuluyan akong humarap sa dalawang magkapatid na tila hindi pa rin makabawi sa kanilang nasaksihan.

"My apologies, my ladies..." bahagyang yumuko sa amin si Seth.

Bumuntong hininga si Kalla, umikot ang mga mata ni Marah, umiling si Claret at saka lamang natauhan si Lily at Harper.

"Among the vampires from the prophecy, Seth is the wisest. He can help us." Muling bumalik sa kanyang pwesto si Lily at Harper.

Wala pang ilang segundo ay nasa palibot na kaming muli ng lamesa, tanging si Seth lamang ang nakakunot ang noo habang nakatitig sa mga nakalatag na mapa.

"What is going on here?" tanong niya.

"You brought news, right? Tell us first." Sagot sa kanya ni Lily.

Agad tumikhim si Seth at tumuwid ng pagkakatayo, paraang ilang beses kong nasasaksihan sa magkakapatid na Gazellian, isang katangiang natural sa mga maharlika.

"The message from Sartorias was deliberately sent to the neighboring empires, and we're all very grateful for that. Parsua Avalon and Trafadoroe extended the security all over our borders, our soldiers from land, air, water were all alerted as well our battalion generals." Sabay-sabay tumango ang lahat ng babae habang nakatitig kay Seth.

"Half of my brothers are already inside the borders of this empire, since all of the male Gazellian were absent, we could assure you that we'll handle half of your troops with our best battle strategy. And I, Prince Seth Theodore Viardellon, the thirteenth prince from Parsua Avalon was tasked to protect the ladies of Parsua Sartorias." Pormal itong yumuko sa aming lahat.

"Are we allowed to go out?" tanong ni Marah.

"Princess Marah, I was instructed to keep anyone from you inside the palace." Umirap ito kay Seth bago muling bumalik ang mga mata sa mga mapa.

Namayani ang katahimikan ng ilang segundo bago ito basagin ni Harper, ang kanyang mga mata'y punong-puno ng pagkalito.

"Maaari ko bang hawakan ang punyal? I want to confirm it." Tumango ako.

Marahan kong inangat ang dalawa kong kamay sa ere, sa tapat ng aking dibdib. Pinagtapat ko ang aking magkabilang palad na hindi naglalapat sa isa't-isa hanggang sa makaramdam ako ng pag-iinit dito na nasundan ng pagliliwanag.

Pagliliwanag na nagluwa sa punyal na agad bumagsak sa aking mga kamay.

Inabot ko ito kay Lily na siyang mas malapit sa akin, mas tumabi sa kanya si Harper para lubusang mapagmasdan ito.