امشي بطريقي وافكر بابوي وبكلامه امس
جان يحجي وي امي عني...
زواجي شنو زواج ابن عمها اولى بيها احسن ما ننطي للغريب
وصلت للمدرسه جان الوكت بعده ما كاشف السمه مغيمه حيل والجو بارد عمري هنا ١٣ سنه بس كلشي افهم بزمن صدام هذا الحجي ست بنات جنه وحده احلى من الثانيه تزوجن ٣ وبقيت انه وخواتي الازغر المني امي رادت ولد ومصار عدها كعدت وسكتت علينا
ام البنات لقب وين ما تروح تسمعه الى درجه هيه ضلت تصيح على نفسها هذا الاسم ابوي حيل يحبها
.. اول ما يدخل يبوسها من راسها ما يرفض الها كلمه
جان مدلل امي وامي الها كلمه عليه بشنو ما تكله ياخذ حجيها .
..كعدت على الرحله شاطره ومتميزة الاولى على صفي بكل سنه اطلع الاولى
ست ناديه احلى مدرسه او انه يمكن اشوفها احلى مدرسها يمكن لان تحبني ومقدرتني كل المدرسات يحبوني بي هيه غير كلامها وحجيها الي من اكوم اشرح يختلف اختلاف جذري عن البقيه احسها شون ام وتدافع عن بتها هيج احسها .
باوعت عليه
.. اليوم شبيها الحلوى ضايجه
.. لا ست ما بي شي بس راسي صدك جان بيها راسي من كثر التفكير احس نفسي نعست واريد انام
رفعت راسي اباوع عليها واحجي كالت .. انتي اليوم مو طبيعيه شبيج ماما بيج شي يوجعج شي حتى مشاركتي بلدرس خاف ما محظره
.. لا ست محظره محظره بس راسي
.. مريضه يا امي احجي خل اشوف شنو بيج .. البنات جانن يباوعن علينا هيه تحجي وانه بالي يمهن جاي يباوعن علينا
ختمت كلامي وياها بأني مريضه طلعت من المدرسه خلص الدوام برجعتي للبيت صار بوجهي عمي
.. هلا عمي الكوه بويه
.. شلونك عمي شلون صحتك
.. هاي شنو كبرانه بت اخووي بلغي ابوج كولي اله عمي يكول بليل يمكم ان شالله
.. ان شالله ابلغه ..
...
السلام عليكم لكل المتابعين رساله
.. صح مو جبيره كلش بس اعتبر نفسي جبيره شافتني الكاتبه يمكن تعرفني صارت اكثر من نفسي لان اكثر وحده ضلت تسأل وتلح وياي عن حياتي السابقه وشلون جنت عايشتها كالت حبيت قصتج واريد اكتبها طبعآ ما اريد انعرف للذلك بطلب من الكاتبه انو تغير بعض الشخصيات وتحذف البعض حتى ما انعرف طبعنه يختلف مو بس قصه خوف او شي وانما ما اريد باجر عكبه اتعير بموقف انكتب او كلام انحجه وصار اله هواي شنو تردون تحسبوني حسبوني خالتكم اختكم امكم واشكركم جزيل الشكر
........
السلام عليكم ورحمه الله وبركاته اشكر كل شخص سأل عني طبعآ مريت بضروف خاصه وقفت الكتابه الفتره الي فاتت مشاكل وهواي اشياء صارت يجوز اذا الله راد بيوم من الايام افصح عنها او هيج شي راح ابدي اكتب قصه مشاعر قصه كلش حلوة وعاطفيه طبعآ القصه واقعيه بس راح نغير بعض الامور لان مثل ما شفتوا بطلب صاحبه القصه فوك وقريتوا اما عن قصه عار يلاحقني فصاحبه القصه مشغوله وعدها امور خاصه اكو هواي امور ما توضحت الي بلقصه فوقفت الكاتبه لان ما اكدر اكتب واني ما عندي معلومات كافيه فب حيل ربي بس اخلص راح اكمل عار يلاحقني ويارب ما اكون قصرت وياكم واتمنى تسامحوني تحياتي لكم منى الطيف
