اضغط على النجمه
البارت بدون مراجعه اذا لكيتوا اخطاء كتبوها حتى اعدل البارت وشكرآ لكم
راحن البنات ثاني يوم باتن عدنه بليل جنه كلنه ابتسام جابها عمي من بيت خالها حماتي الزغيره عمرها ٩ سنوات بس مو طفله فد وحده ما ليكول عمرها ٩ لا ليكول عمرها ١٨ تحجي حجي مال كبار وسوالف انه ما اعرفها والسبب مرت خالهم تحجي سوالفهم كدام الجهال حتى لو تسولف وي نسوان عادي عدها بنات ولد وعلى ابو جهال عادي خلي يسمعون ما يفهمون
انتبهت عليها بليل وانه كاعده يمهم جان تحجي حجايه خلتني صرت بنص هدومي
يبه يعني ياسر هسه تزوج هم ينام يم هاي
اشرت عليه
باوعت عليها مخنزرة دنكت سويت نفسي ما سمعت
رد عليها عمي بسرعه شلج بهلسوالف ولج منهو معلمج
برطمت ودنكت وجها لا يبه محد علمني بس مرت خالي تنام وي خالي بغرفتهم وعلوش رادت تنام يمهم ما خلتها ومن ضلينه نبجي كالت انتن من تكبرن وتعرسن هم راح تنامن كل وحده بغرفتها وي رجلها رادت تكمل على ابن خالها كالت وعليوي وسهام بسرعه نطت من يمها
سهام بسرعه تدخلت يبه قصدها ينامون سوه بلغرفه يعني ترى ما تفهم
عمي عصب وضل يسب بيهم وكلها ماكو بعد بيت خالج انه صوجي مخليج على راحتج ضلت تبجي
عمتي وجها ضل ينطي الوان
ياسر ما اجه حتى على العشه بعد ما شفته من طلع ما رجع
للنص الليل يالله دخل
جنت بلغرفه نايمه جوه البطانيه وافكر باهلي شلونهم هسه
انفتح باب الغرفه طب ورأسآ نام ما حجه شي بيومها
كعدت اصلي الفجر بس سمعت الاذن طفرت لكيت سهام وعمي يتوضون
صبحت عليهم توضيت ورحت اصلي وياهم ما صليت بغرفتي صلينه بس انه وسهام وعمي
الصبح كعد ياسر ماد بوزه ما يحجي وياي هسه منو سبب العركه انه قابل
ساكته سكوته فرحني ما يحجي وياي يعني افك منه رحت اسوي ريوك وي سهام
شوي واجه للمطبخ
بسهن سوي ريوك وجيبي للغرفه
التفت عليه وجهه ضايج كلش كالها بضوجه وراح
سهام انقهرت كالت هاي بدايتها هااا انه عرفت كلت هسه يبدي بيه والله ضجت يعني شعليه انه ومايحجي وياي
سويت اله صينيه ريوك وديتها اله
دخلت لكيته متجي على الجربايه
ابوي طلع
اي من مساعه
خليت الصينيه واريد اطلع كال وين هي تعاي وياي تريكي
لا ريوكي هناك هذا على كدك
بالله كعدي كعدي ما بيه حيل حجي من الصبح ومن اليوم ورايح اكلنه هنا بحدنه ما اريد ترحين هناك حدج شغلج وبس
سكتت كعدت اكل ما اشتهي واول مره اكل وياه بحدنه
ياكل وهو ساكت كلشي ما حجه شوي واندك الباب
دخلت عمتي شافتنه كاعدين
جان تكول بالله مو عيب عليك انته ما تستحي رجال ضابط شكبرك وشكدك كاعد بغرفتك وتاكل بحدك
