منى الطيف هاي لخاطركم ولصاحبه القصه ما ردت اتفشل وياها
ركضت وراها واصرخ عليها وناويه اكتلها بس الزمها بيدي شعري طاح من وراها ومنا شعري بي كسرات
يأذيني حيل من جرته
باب الغرفه وتفأجئت عمي موجود طفر على حيله من سمعني صرخت عليها وعمتي الواكفه يم الدرج احت تمشي هيه ونجيه على كيف وعيونهم تنط شرار عليه وكأن شنت حرب عليه
تراجعت من شفت عمي طفر وراه بته واكفه
ولج شنوووو انتي وتصيحين عليها صدك ما تستحين حاطه عقلج بعقلها
عمي مشعتني يوميه تعيد نفس السالفه اذا ما واحد يربيها تضل تعيدها
اي قليله الادب ولج تعيدها شنووو بلا تربيه اذا انتي محتاجه تربيه اربيج بس مال تكولين على بنيه مو بعقلها مو صاحيه العب بيج جوله طايحه الحظ حاطه عقلها بعقل هاي
عمتي صفت وياه كلوني اكل بلكلام وهاي تكله يوميه يوميه نفس السيرة ياسيرة مشاعل الي ما تطيح من السانها
التفت عليها هو انه يمتى جايبه سيرتها مو تجي تطك وتروح .. صوتهم اعلى من صوتي صريخ عمي خلسني بصوته
لا تردين هي كلامج وازني عيب عليج هاي عمتج لا ترفعين صوتج
دنكت ساكته
روحي لغرفتج صدك بلا تربيه روحي يالله
مشيت وتقدمت نجيه يم عمي
عمو الله يخليك مو زين عليك لا تصيح خاف يصير بيك شي
هاي ورجلها راح اموت من وراهم
رحت للغرفه وقفلت الباب الله ياخذكم شكد كرهتم
تقدم على المريه اباوع على روحي دموعي تنزل مقهورة لا رديت على طكتها ولا كدرت احجي عمي كلامه وصوته فوك صوتي صار ما سيطرت على روحي ابجي بسكوت وقهر اباوع على روحي وامسح بدموعي ليش ليش ياربي انه تذكرت كلام فاطمه وموقفها لمن رحت الهم قبل يومين
وهيه تخلي جهالها واحد بصف الثاني وتبعد فراش زهره الي ردات تنام بصفي شمرت مندرها وتكلها انه انام يم بسهن وذيج تكلها لا انه بصف اختي صالي هواي مشايفتها غير اجيت علمودها انه
اي نامي منا خلينه فراشنه سوه وجهالها صاروا بصف واحد وشوي وطبت رسل وهيه جهالها وتريد تنام يمنه وفطم تكلها هذا بيتج صدك جذب
ورسل ترد عليها اي غير على الواهس اجيت شبيج لو كاعده بيتج جان سويتي
فطم عفست وجها عرفت غايتها تعرف وضعي واخباري سولفت وي خواتي سوالف عاديه ما حجيت شي وفطم تسأل كل شوي شنو ما شنو وشصار وكعدت احجي كلام عادي والكواني مال الحياكه اني وسهام بس هذا حجيته كبالهم وردت اختلي بفاطمه حتى اسولف الها
شوي وصارت ب١ الكل نامن بس فطم حتى الجهال تدنت كلش يمي وحشكت نفسها وي البطانيه مالتي وتحجي بهمس
شبيج بسهن شمالج ليش احسج ما مرتاحه ترى مو عبالج ما حاسه بيج والعباس اكول بدي انتي يمي والله كل شوي يمج وكل ما اكل لكاظم ما يقبل يكول شنو نروح الها وانه رجلها ما اطيقه تدرين مشاكلهم سوه يضوج منهم
