اضغط على النجمه 😙
اجه عمي وصله الحجي وكعدت نجيه هيه وعمتي بحظور الكل تحجي عليه
وانقهرت لمن نجيه كالت عمي جان متنه اليوم كلنه جان رحنه بيها لو تدري شنو صار
دار عليها شنوو صار يبه
غير احتركنه وهاي بسهن مكان ما تطفي النار شردت وجان خلت النار تشب بلغرفه
طفله انه ما افهم شي يعني اكو وحده تشوف صوبه بيها نار وتشيلها وتشمرها اذا كانت نجيه تكدر فا انه ما اكدر مو بس خوف لو جبن لا ايضآ قله وعي وقله تفكير وقله فهم يعني شنو يدريني لازم هيج اسوي وهاي كعدت تحش بعمي وعمتي تأكد عليه والله لو ما نجيه جان احتركنه وهاي بسهن خلت الصوبه شابه بيها النار وفلتي اهم شي روحها ومشاعل بصف النار
دار عليه مع ان بته كانت موجوده همين مو بس اني جان يكول ادري وهم ضلت تصرخ
انتي شنووو شبيج اي ثوله طرمه اي زماله غير تنتبهين على النار يعني جان احتركنه وانتي السبب
عمي ما شفت من اشتعلت الصوبه جنت دايره ظهري
ومن شفته شردت خفت منها
وشمالج عوزج كبر لو طول اشو طولج طول البهايم انتي كولي انه غبيه وكلشي ما افيد وانتي نجيه هاي لا تخليها بحدها بعد ترى ما تتأمن
رأسآ دمعت مدنكه يعني كلشي لازم يرجعون عليه اني شعليه والله يالله
وادري السبب الي خله عمي يرزلني مو بس لان سالفه ياسر مضوجته طلع حركته بيه
هاي وحده وي عمي وبدت المواقف وياه تتكرر باهانه واثنين وتلاثه
المهم رجع ياسر بليل جنت كاعده اكتب خواطر واشعار انفتح الباب صار بوجهي
اتفاجئت داخل بهيج وكت جان الوكت متأخر
باوع عليه وهو يدنى خمش الورقه مني لزمني من ايدي امشي لعمج هذا الفالح ويااي امشي روحي اله وكولي اله ما اريدج يالله فتح باب الغرفه وطردني بره الدنيا بارده ثلج كلش ضليت صافنه وين اروح
وين اولي بلهبرد هنوب صنطه ولا وهمسه تسمعين
وانه بيه طبع اخاف من الظلمه كلشي ولا ظلمه واحد يخليني بيها جان ضوه القمر كبالي لان احنه حديقتنه كشف كعدت على بايه من الدرج كرفست روحي وخليت راسي بين رجليه واريد انام غمضت عيوني رأسآ بجيت وينكم يمه وينج تعاي شوفي حالي
بدي هسه اطير واروح الهم اشكي الهم على همي وينهم ليش عافوني شنو ابوي ما يريدني هلكد عنده الطريق بعيد وما اجه يكول اريد اشوف بتي
فوك النص ساعه ضليت بلبرد كلت ينام وافتح الباب واطب
خفت تراجعت وانه خليت ايدي على اليده مال الباب اريد افتحه ما كدرت خفت يطلع الي لو يسوي بيه شي
