روح يمه شوي واجي على ما يجي رجلي
طلعت من بيت خالتي
تايه وين اولي اريد اعرف شصار
شنو حجه وياها ابوي
وصلت بعد ما دكيت الباب فتحته اختي
هاا وين ابوي
راح ينام
وقمر
طلعت بغرفتنه
مشيت متوجه للغرفه صادفت امي
هاا يمه اجيت
شنو يمه شصار ما حجوا شي
ابوك سوه زعله وما يحجي وياي
اهوو هسه ما عرفتي شنو حجه وياها
شنو حجه يعني وين ادري اذا احاجي صالي ساعه ما يحجي وياي بالله روح لقمر رحت يمها ما تقبل سوت نفسها نايمه ما فكت حلكها بشي
اتأففت
متوجه لغرفة البنات
بس فتحت الباب
متمدده جانت
فاتحه عيونها شافتني
ضياء اذا تريد تحجي بنفس السيره مالي خلك
لا اجيت اشوفج شبيج زعلانه على امي يعني قصرت وياج بشي اشو تبديج علينه
كعدت عدلت كعدتها تربعت وهيه تأشر الي اكعد
ليش واكف اكعد
ها يعني الحجي يطول وياج
لا مو هيج بس انته تجي تعبان ليش تضل واكف اذا تريد توكف براحتك
كعدت لا شلون اضل واكف هاا اها كعدت ليش زعلانه قمرنه
مو زعلانه على شي ولا امي زعلانه عليها وحتى خالتي بسهن ما زعلانه منها
خالتج امج
لا ما عندي ام غير امي فاطمه هيه ربتني وعلمتني ترى مو هينه صعبه عليه بين يوم وليله تردون مني اعيش دور البت لخالتي بسهن وانه لهذا كبري يالله دريت هيه امي وتردون مني اكلها يمه راح تضل خالتي وفاطمه امي وما زعلانه من امي فاطمه لا بس الي اريده منكم اهل الي يصير ابوي ما اريدهم امي ما جاي تفهم شنو احجي تحكرني وتكلي بعدج ما تفهمين لا كلشي افهم افهم وما اريد احد ياخذ اذنهم بشي لا بعرسي ولا فاتحتي
اسم الله عليج ليش هيج تكولين كبل رحتي لفاتحه
هههه شبيك رجفت معود تره ما اموت ضاله على كلبك
صفنت عليها اباوع بعيونها ونطقت بدون وعي صافن على حلكها وهيه تحجي وياي بهدوء وحتى وهيه ضايجه الابتسامه على وجها وتحجي وياي
شبيك صافن
احبج
فتحت عيونها كلها عليه خنزرت غابت الابتسامه منها
دنكت
نطقت بسرعه اريد اتزوجت توافقين احبج قمر
انتبهت نفسي متسارع وامي تدك الباب طفرت امسح العرك من كصتي
شنو سويت ولك شنو حجيت شصخمت
ما اعرف شنو وشلون حجيت هيج
طلعت مستحي حتى من نفسي للديوانيه كبل قفلت الباب ارتجيت على الحايط
عضيت اصبعي اخخ هسه تكرهني صدك ما اخجل ولك هاي عرضك شلون هيج حجيت وياها نظرتها كانت احتقر الي وكأن تكلي انته عديم شرف
خليت المخده بلكاع وتمددت اريد انام ما كدرت بس افكر صارت ب٤ وبعدني
هناك يالله نعست تارك لرب العالمين يحلها
...........................
فاطمه
نزلت من فوك متوجها لغرفه البنات ولوو هيه صارت غرفه قمر لان ما يكعدن بيها بس وكت الليل البنات ينامن يمها والظهر يصعدن فوك بس هيه تبقى جوه علمود خاف بيبتها تحتاج شي فتبقى شفت ضياء طلع بسرعه عرفت صاير شي
بس حبيت ادخل واشوف بنتي شنو بيها معقوله ما تسامح امها
فتحت الباب لكيتها كاعده متربعه رفعت راسها بفزه تباوع منو شافتني
كاعده يمه
هزت راسها
مشيت وكعدت كبالها
هاا يروح امج خو ما شايله بكلبج عليه
هزت راسها بلنفي
احجي كولي شي حاجيني لو نسيتي امج
بجت بحركه
اخذتها لحظني وبستها احاول اسكت بيها
ليش شنو سويت اله
منو يمه اسم الله
مسحت دموعها وخرت من حظني
ابوي
اتأففت
يمه شذكرج بيه الله يرحمه
يمه شلون شذكرني بيه تدرين بدي هسه موجود بمكان الي تكولين عنهم عمامي واللله اروح اله والعب بي جوله ولك بنتك بنتك جان كلت بنتي
يمه الرجال ماات
