اضغط على النجمه 🌹
منى الطيف
الظهر طلعت اساعد بصب الغده
وي سهام ونجيه تطك علج يمي
وتريد تبين لسهام انو احنه متعاركين انه وياسر
جاي نصب
كالت شنو اشو شكلكم تصافيتوا
انتي ورجلج
باوعت عليها لا مابينه شي
حجيت وياها هيج واني اتذكر موقفه لمن جانت راحت قبل شوي صاح عليه للغرفه تعاي
رحت ضايجه منه وطالع روحي
هاا
نجيه لا تدنين يمها اي شي يصير بيني وبينج لا تكولين الها شي زين
اي خووش
خاب ومرض طلعي شوفج يسد النفس ودي الماي يالله
انتبهت واني اصب بلمرك وسهام تكلي شبيج تطكين صفنات
لا هيج ماكو شي
نجيه.. الماخذ عقلج يتهنى
ابتسمت على كلامها بدون رد مني
خلصنه صب الاكل ورضا فلش الباب تفليش يريد يفتحه وعمي ماكو اله هو هنا يالله ينفتح
شوي واجه عمي اكل ويانه طلعه ياكل وشوي ورجعه مشاعل صرت اتجنب اصير كبالها
اخاف منها وحده تتعمد تأذيني كل ما تشوفني كبالها فصرت من اشوفها بمكان انهزم رأسآ
المهم بعد ما خلصنه عشى ويوم مثل كل يوم عادي نمت ضايجه بدون كلمه مني ولا هو اثنين واحد ما متقبل الثاني
ردت اانام ما كدرت ضليت اتكلب صارت تقريب الساعه ب١١ ونص اسمع صوته حركته على الجربايه
يتكلب يمكن يريد يكوم يكلب يمنى ويسرى انه منطته ظهري بحيث ما اشوفه
نفسه صار قريب على وجهي وهو يتأكد نايمه لو لا
ايده تروح وتجي منا ومنا على عيوني يحاول يشوفني واني مغمضه عيوني بس مو كلش يعني اشوف حركته وشفت ايده
كام وهو مرتاح انو انه نايمه ما يدري مثلت النوم بصورة جيده حتى ما يحس بيه وصرت امنع نفسي ارمش رمشه كدامه
نفسي تخربط بس طلع
وين راح بهلليل خاف للحمام
انتظرت شوي ماكو
بعدين اذا للحمام ليش يباوع ويتأكد انو نايمه لو لا اكيد عده شي شوف ويامن سمعت حركه على الدرج ومنا سالفه لا تصعدين فوك السطح كبل ربطت عندي انو عنده شي فوك
طفرت وانه البس فوك ملابس جاكيت صوف عندي لان بارده اتسللت من الغرفه بهدوء تام حتى الباب صوته كان كلش قليل
طلعت من الغرفه اتأكد خاف بلحمام وانه ضالمته دفعت الباب ماكو
رجعت للدرج رفعت راسي اباوع اريد المح شي هم ماكو وين راح خاف اصعد ويلكفني
ضليت محتارة واكفه بلبرد دخل اصعد حتى لو يموتني اهم شي اعرف شعده فوك بنص الليل
اول بايه البايه الثانيه وشفته كبالي
هاي شجاي تسوين
اتلبكت ما عرفت ارد عليه
بلعت ريك
هاا ما جاي اسوي شي اشوف وين رحت
وانتي شعليج بيه وين رحت وين اجيت
جرني من ايدي فتح باب الغرفه ودفعني
سد الباب واجه صوبي كعدت بطرف الجربايه
