مشاعر تائهه

بارت ١٦

راحوا عيال سهام وضلت هيه باتت عدنه بعد ما راحوا كعدنه نسولف انه وسهامه ونجيه وابتسام الفكت حلكها ويانه تباوع على سوالفنه اما مشاعل فلزمت نوع الهدوء الغالب عليها هلفترة بكثره

كاعدين نجيه جابت سيرة حموات سهام وهيه توجه كلامها لسهام
تردين الصدك سهام هذني حمواتج الله يساعدج عليهن شني سالفتهن لاضحكه لاسالفه ليكول كاتلين ابوهن

سهام مبين ضايجه منهن ومغثوثه كلش بحيث بس حجت نجيه انفجرت هيه الثانيه والله تردين الصدك باطات كلبي بط يمه تدرين شنو يسون على كلشي يحاسبن وعلى كلشي يعيبن وينتقدن ليكول بس هنه بشر

قبل لاتنهي سهام كلامها صرخت عمتي بيها ولج شنو تخليهن يعيبن عليج وانتي شنو ما وراج احد ماحود شني تايها الهن

يمه عفيه صوتج
شنو صوتي ولج ياا صوتي تكولين صوتج وانتي حمواتج ماكلاتج بكشورج ايي يلمسعده اي احجي بعد شيسون بيج

يمه ترى مو قصه يسون ما يسون همه زينين الله شاهد بس هنه هذني ناشبات وياي على ملابسي ما تعجبهن يحجن على كلامي وكلشي اسوي يكعدن يصنفن

خاب سهيمه بلعباس لو ما اكول متزوجه مو اكوم هسه وافرك حلكج فرك بس عيب كبرتي وبعدج مطيه ولج شنو تخليهن يصنفن عليج

نجيه.. عمه على كيفج وياها ترى سهام فقيره وعلى نيتها وين تعرف   ما معاشره هيج ناس بحياتها هذني لوتيات ما تشوفين وحدتهن شلون تباوع وما عاجبها العجب

ويطبهن مرض اخليهن يصعدن على جتافها واسكت

عمه فدوه كافي مو زين عليج انتي مره بيج ضغط ديري بالج صحتج اهم شي

عمتي ونجيه استلمن دور المرادد اما سهام فبس تبجي وهيه خايفه من حركة دم عمتي واعصابها الي وكاعده تسب بسهام وهذيج تبجي يمه عفيه كافي صوتج وهاي تصيح هيج هيج منج وانتي تخافين وماكو فايده من وراج ونجيه ايضآ كعدت توز بيها تحش براسها ردي غلطي عليهن لا تسكتين وهاي تخاف وترد رجلي زين واخاف اخسره والله مدللني دلال وعمتي تكلها احجي اله الي يسونه خواتج خايفه منهن عشتوا

يمه والله مو قصه خوف بس انه ما اريد ادخله بمشاكل النسوان

ولج الفاهيه انتي مسويه مشاكل غالطه عليهن. سابتهن هنه كاعدات يحجن عليج وانتي صافنه عليهن والله شنو رجلي

يمه عفيه ياسر لا يسمع

وخلي يسممع بتي كلشي ماكو ما ادري ليش من دون خواتج فاهيه من زغرج جنتي هيج عمرج ما اخذتي حقج جنتي دوم مكتوله واربع وعشرين ساعه خواتج يدافعن عنج

يمممه يعني شنو تردين اسوي اتعارك وياهن يالله اصير زينه

اي تعاركي طكي غلطي لا تخلين الناس تغلبج

اهوو هو صوجي حجيت ... جانت تحجي وتمسح بدموعها وعمتي تفور بلزايد ونزلت مسبه على حمواتها وتكلها اله اخليهم يحترمونج غصبآ ما عليهم