يعني علمود لان ما حافه كلت ما معرسه
ايي لان الي يعرسن وجوهن محفوفه غير مبينات ههه
ابوي متوفي انه مطلكه شلون يصير احف
ضاج بينت ملامحه
كال
كلمه مطلكه ما اريد اسمعه منج بعد .. فرحت وكلي ضن بي انوا رجال ونعم الرجال
رجعنه بعد ما تسوك كلشي لاهلي ودزه بيد امي وصلها للباب وامه لباب بيتهم الفاصل بينه بس باب زغير
وصلهم لباب البيت وداني للبيت
مالنه
كان بيت زغير حلو تصميمه بس ما مرتب وصخ يعني عروس غير ينظفون بيتها
كمت نظفت وانه تعبانه من سفر بس ما يهون عليه انام على وصخ
ما طولت بسرعه نظفت وهو يراقب تحركاتي شلون اسوي
خلصت وطبيت سبحت وبدلت علا وفرحه
رجع شافني بكل حنان ما يخفى في عالم عشته لايام اتمنى ان ترجع تلك الايام اكتشفت فيما بعد اني لو لم اتزوج وبقيت افضل من زواجي ....
على كولة اهلنا الماعده حظ بالاول عده حظ بلتالي
وهيج انخدعت بيام ورديه بحب مزيف وبكل شي من ورق اعتبر نفسي ورقه ومنين ما تجي نسمه هوى خفيفه تطيرني
اروح اجيب عشه انتي كومي سبحي
وانته تطلع بدون سبح
لا من ارجع اسبح
اي اسبح وصلي واطلع
لا ما الحك من ارجع عود
...
طلع وجاب مسواك مخضر وفواكه سوي عشه يالله ترى متت جوع
اي انشالله انته طب اسبح على ما احظر
طب سبح بسرعه سويت عشه كلي طماطه وباذنجان وبتيته وكصصت خيار وخليت بلصينيه
طلع ينشف بشعره بلخاولي
هاا كملتي
ايي تعال بغرفتنه اشو بردت هنا
اي الجو بده يبرد
اي صح
دخلنه للغرفه اكل كان هادء
بس ما توقعت انصدم يعني كلت هذا رجال الي جنت احلم بي والله عوضني
بدت الاسطوانه مالته وهيه
رفع راسه باوع عليه
باوعت عبالي بيه شي ما عجبه صرت اباوع على ملابسي
شبيج
ما بيه شنو بيه شي .. باوعت عليه بنظره ما فاهمه
احم .. ضل يكح .. لا بس تذكرت شغله
شنوو هيه
ابن عمج شنو جان شغله
ضابط
هاا ضابط اله احترامه وهيبته جاا شلون ما كدر الكم
لو لان عمام حكه
شنو يعني كدر النه ما فهمت
يعني ضباط هلوكت تجيب المره غصب عنها انتي شلون تطلكتي هيج وما جابج غصبآ عليج
لا ما يكدر اول شي يخاف من عمي وثاني شي زواجنه ما مسجل محكمه جان
اي واذا شنو يعني ما خفتوا من عده يكدر يذب عليكم ميه الف بلوه
لا ابوي يدري بي شنو يسوي
هو حلوو
بلعت ريك بالله شكله هذا جاي يسأل حلو. انته شعليك
يعني
شنو يعني ياهو احلى انه لو هو
بلع لكمته منصي ورفع عيونه يباوع عليه
طبعآ انته احلى هو ما بي شي ينحب
هاا .. ابتسم
انتي تحبينه
متمتت ما عرفت ارد صفنت بدون جواب او بل الاحرى غلست مدنكه سويت نفسي اكل
اشو سكتي
هسه شلك بلماضي مو كلت ما اريد تنعاد السيرة
ترى جاي اسألج عادي انتي تجاوبين
شنو اجاوب يعني
يعني عادي اعرف عن حياتج السابقه ترى شلون عايشه وليش تطلكتي
انته مو كلت لا تحجين شي
اي بس هسه اريد اعرررف .. صاح بيه صوت فزيت
هاي بعدني عروس يا ستار يا رب ..حجيت بكلبي
ابتسمت كلامه امس وياي واخذني بلاحظان وعالم وردي يمكن خلاني احس هو يحبني وعادي يعرف عني كلشي
كعدت احجي اله بدون ضم اي شي والمشكله من رجع سألني يعني انتي تحبينه جنت منطلقه بكلامي وياه واحجي اله عن سوالفه وياي
وكلت اله ايي ما انكر حبيته بيوم من الايام
طبعي طيبه كلب واحجي والي بكلبي على لساني بدون ما انتبه ولا اقصد
قاطعني بهل الاثناء يعني تحبينه انتي
