نزلت عيني وبس دخلنه للحمام بسرعه طلعت السيارة تنتظر صعدت منتظره الباقي امي ويانه اكو طم واحد ضل
كملنه العدد صاحوا قبط اطلع
التفت السايق اكثر من مره يحصي العدد ولمن تأكد موجودين كلنه انطلق بلسيارة نزلنه بلكارج ومن الكارج اجرنه سيارة للبيت اكوا شي لفت انتباهي الرجال ما نزل بأي منطقه وضل ويانه لان بيتنه ابعد بيت واله من الكراج يالله تكدر سيارة تاخذك اله يجوز هو هم مثلنه بيته بغير مناطق
من نزلنه كانت الدنيا عصر قريب للمغرب
اكوا سيارة طبكت شوي بعيد عنه وانه وانزل لمحت شخص يمكن هو بس ما ركزت هواي لان بسرعه اخذت ابن فاطمه ودخلت وراي كاظم ينزل الغراض وفاطمه كبالي شايله بتها وقمر مجلبه بيدها
احب العلاقه الي بين فاطمه وقمر حيل احترم هلشي احسها صدك امها ساعات حتى انسى انو اني الي جبتها عبالك فاطمه مهتمه باقل تفاصيل لقمر وكوون همه ماخذين المسئوليه مني تركت قمر تنادي فاطمه يمه وانه خاله لو بسهن واعتاديت هلشي منها ساكته ومحترمه وجودها يمي اعتاديت الوضع ساكته محبه ومتقبله جنت انقهر هسه لا افرح لان شفت بتي مرتاحه قمر ما تعرف انه امها وما حبيت انو اكلها انه امج يمته ما تعرف تعرف وفاطمه كالت بس تروح للرابع انه اكلها
يوم ثاني كعدنه الصبح على دك الباب بهدوء امي راحت تفتح الباب
هاي منو
انه صوت مو واضح جنت واكفه يم باب المطبخ اسمع منو
فتحت امي الباب نسوان ثنين واكفات جانت وحده بيهن حيل سمينه والثانيه ضعيفه دخلن بعد ترحيب من امي واستغراب مني هذني منو لاهنه جيران ولا عرف ولا كرايب لعد منو
دخلن للديوانيه امي صاحت ماي جيبن بسرعه
فاطمه جانت نازله توها
منو عدنه
ما ادري نسوان غريبات
يااا منو هذني
والله ما اعرفهن
خل اروح اشوف منو وارجع
خووش
حظرت الماي والعصير وكملت الصينيه استحي اروح ادخل واكفه على صفحه متانيه هاي الثوله راحت ما اجت
صحت فاطمه فاطمه
امي جاوبت تعاي يمه بسهن دخلي
هسه شلون بامي منو كلها تصيح عليه معوده خليني وخلي فاطمه تجي
رحت عافسه وجهي
قدمت الصينيه بديت بلماي اشوف المره عينها عليه رفعت عيني خزرتها ببتسامه
اللهم صل على محمد وجهج كمر خاله بعد روحي
شنووو هاي عليه لا شي اكيد غلطانه هاي شاربه نفط وجايه
قدمت للثانيه
صاحت بعد كلبي
اليوم روح وكلب الشغله مليوصه مليوصه
ردت اطلع افلت منهم جني عرفت هاي الجيه مو خاليه
وصلت كلش للباب رايده اطلع
صاحت وييين خاله وين تعاي هنا احنه جايات عليج نريد نشوفج
هااا ..صرت ليكول ثوله فتحت حلكي هاا انه
اي انتي خاله كعدي كالت الثانيه
كعدت يم امي
امي كملت حديث قطعته عليهن بدخولي
خيه ما كلتي شلون عرفتونه ومنين اندليتوا بيتنه
خيه ناس ودنوني عليكم
ياهم الناس غير نعرف
ام الوليد شسمه الله يحفظه
ما عندي ولد بس بنات ام رسل ام رسل
هااا الله يحفظهن الج خيه البنات حبيبات مو مثل الولد والله يراعنج ويدارنج بكبرتج يفيدن احسن من الولد ابوهن وين
تحجي وتفر المواضيع وتلووف ادري امي كالت الج منين عرفتني كاعده تشرح نظيره للرياضيات كامله منو كلج شرحي
جاوبتها امي
ابوهن توفي امس رجعنه من سنويته
ياااا الى رحمه الله
حجت الثانيه ما يدوم غير وجه ربي شلون توفى
جلطه كعدنه الصبح بدون ما ندري شلون طكته نام كلشي ما بي كعد متوفي اثر جلطه
الله يرحمه انشالله البقيه بحياتكم
جاوبت فاطمه حياتج الباقيه خاله من رخصتكم اروح للجهال خاف كعدوا
كومي خاله مرخوصه
خيه احنه مثل ما كتلج ناس ودونه واحنه هسه بدون ما نروح ونرجع نكلج البت عجبتنه
يا بت خيه تقصدين ترى بناتي زغار
هاي الي كدامج
هاي مطلكه وعدها بنيه
نظرتهن وحده تباوع للثانيه وهنه بحاله صدمه وبدهن يكوومن بعد ما سمعن
وحده منهن بلعت ريك خيه مطلكه شنوو
اي خيه مطلكه من ابن عمها
شبيهن جاا ابن عمها وتطكلت منه
هيج خيه مشاكل ما اتفقوا بينهم
استعجلن بلطلعه وامي ارتاحت وانه اكثر
كالت ليكول كلت الهن بيها مرض معدي كلت الهن مطلكه هفن هفتجن الوجعه
سكتت ما الي خلك سوالف كاره الزواج واساسه ومنا موت ابوي الي صار سنه يوميه اتحلم بي سوده عليه يبه
اشو نص ساعه الساعه ب١١ ورجعن
وهيه تبوس هلمره باحترام وشبك وخيه ما خيه
امي استغربت وانه اكثر وفاطمه الي اخذت موقف منهن حبتهن
كعدن وتكل لامي خيه طلعنه منا رحنا للولد كلنه اله مطلكه البت وهو كال حتى لو مطلكه انه قابل
امي استغربت ردت عليها خيه جاا وين شايفها وكال ما يخالف
خيه مو احنه امس الناس كالوا النه عليكم
هسه غير تكولين منو هذولي الناس حتى ارتاح
والله خيه حلفوني ما احجي بس مدحوا بيكم
وكالوا خووش ناس وهاي كافيه خيه بعد كلبي احنه نشتري وجوه
سالم كلبج بعد روحي بس بتي توه ابوها متوفي وبعدين احنه لا نعرف الولد وين اكو واحد ما متزوج يقبل بنيه مطلكه وعدها بت
فاطمه.. خاله شنو هو ما متزوج
لا خاله
كالت الثانيه هو يريد يعرس بسرعه واحنه تدرين من حرب لحرب لحصار شنوو شفنه سوده عليه يريد وحده تلمه خيه عدن بيت وسيارة بحده ويشتغل بشركه وخير من الله وهسه كلنه اله مطلكه ليش نجذب عليج احنه كلنه نروح ونكله ونشوفه كال موافق حتى لو مطلكه اريدها
فاطمه .. يعني هو بس سامع بيها لو شنو وين اكوا واحد يريد وحده عدها بت ومنفصله
خاله هيه قسمه ما صارت والاكله المره اذا ما عجبتك تاكلها لا خاله تذبيها وهاي الدنيا اطلكت برضاتها غير انجبرت من سوالفه يجوز مكسره وخلت حد تنهي كلشي وياه
كلامها واسلوبها جدآ مقنع بحيث خلت فاطمه وامي يباوعن عليها
وهيه تحجي
فاطمه تلتفت وتبتسم وكأن حبتها وامي حبت الثانيه الي تدور تدور وتكلها انتي مبينه حووك بس شفتج حبيتج تكل لامي وتتلوك وخلت امي تحبها من طريق كلامها وياها
راحن بعد ما اخذن اذن من امي يجي الولد يحجي وي كاظم كالت الهن ابن عمها تجون يمه وتحجون وياه هو موجود ويبلغكم الخبر تاخذونه منه بيد الزلم احنه ما بيدنه شي
هاي شنو طلعن وانه اي رده فعل ماكو لثاني زواج شي تجيب بيه منا وتودي بيه فاطمه تحجي هيج وامي تحجي هيج فاطمه تكلي خووش قسمه لا مزوج ولا هاي وعده بيت وسيارة ويقبل بيج وبتج بعد شنوو تردين
نسيت اذكر لمن كالت الهن فاطمه عدها بنيه وين اكو واحد هيج ياخذ جان كالت الها يااا صدك جذب خيه على بختج كال اصير الها ابوو انه ابوها اربيها يمي
وفاطمه رفضت لا انه امها البت يمي اصلآ ربتيها انه ما انطيها لامها
صدك لو يكولون الام الي ربت مو الجابت يعني عجيب الحب بين قمر وفاطمه ما تحب جهالها بكثر ما تحب قمر
للظهر اجه كاظم وكعدت يمه فاطمه صبت الاكل اله عجيب هدوء كاظم يعني رجال ما تسمع اله صووت ابد رجال عجيب غريب هلكائن
يكد ويتعب لا يوم سمعنه حجايه لا يوم كلها اجيب لاهلج وصدك هو ما مسؤؤل عنه مجبور بينه يكد الخواتها وامها طول سنه كامله هو جيب ودي امي مريضه ابتلى بيها وامر فاطمه كله ويانه الا
لحد يكول البارت قصير راح تنحسب تكمله للبارت مال امس لان الوبتاد علس الباقي شسوي اله جوعان واله يمي يجي ياكل ناقصني اني ناقصني بحظك وبختك يلوتباد 😭😭
اوعدكم راح اعوضكم بس اصبروا عليه انزل الكم باخر بارتات بارتين
