اضغط على النجمه قبل لا تبدي😍
رجعت تعبانه من المدرسه
لزمت البيت بس بدلت كنس مسح بسرعه بسرعه اخذت خواتي الثنين مشطت الهم وكعدتهن
كعدن تربعن لا تتحركن
خطيه خافن وكعدن هيج علمتهن رغم اني بصف اول متوسط بس احس نفسي جبيره وامثل دور الام هلدور ما لزمته محبه بي الي خلاني الزمه هو امي انطتني هلدور وخلتني اجسده بكل شي جسدته بتنظيف وتعليم الطبخ اتعلمته من عمري٨ سنين
الخبز الي تعلمته ما اكدر الوح التنور اخلي طابوك اصفر واصعد عليهن حتى اطك الخبزة امي اغلب الوقت مريضه لو تفر على النسوان اشتغلت كلشي في سبيل تساعد ابوي حفافه
خياطه خبازة كلشي بس رغم كلشي الها كلمه وسيطرة على ابوي وعلينه اني بلذات اخاف منها خوفه الحيه
خلصت تنظيف كملت اجه ابوي
الله يساعدك يبا
هلا يبا هلا ركضن خواتي عليه
راح يم امي للغرفه صاحت عليه
هاا يمه
صبي غده لابوج
صار
كال ابوي تغديتوا بويه
ايي يبه غديت الجهال وتغدينه
ياالله بويه جاا صبي
صبيت ابوي بي طبع يضوج ياكل بحده لاحظت عليه هلشي اكثر من مره
سبح وطلع لكاني صابه اكل
امي جانت ماكله ويانه لان ابوي تأخر بيومها بلشغل جان يشتغل حي الله شغل كل يوم شغله شكل
كال بويه تعاي اكلي وياي
لا يبه والله ما اشتهي
اي بعد ابوج حتى لو كعدي وياي على الواهس
طبيت يمه امي متمدده
كال بتج رسل مريضه
رجلها يكول عدها ولاده
امي طفرت يااا اشو ما اجه لا حجه
اختي رسل الجبيره امي تموت عليها يمكن لان البجر
يعني تحس بيها من كد ما تحبها تفرغ بينه
كامت امي تحظر روحها ابوي كال وين يا مره
خل اخلص واخذج
كالت لا ابقى انته تعبان انه اروح واشوف شنو ما شنو
طلعت امي رحت وراها اسد الباب وهيه توصي ديري بالج على خواتج
سديت الباب ورجعت يم ابوي ما اكل وانه احجي وياه يخلص ما يريد ما اشتهي يابه ما اتشهي
كام وراح وره امي ما انطاه كلبه يضل
شوي ورجع هو وامي
سألتها هاا يمه شنوو
ماكو شي يكولون بعدهي
ابوي التفت عليها بس اشو بتج زركه
والله ما ادري حتى انه هيج شفت وجها
اختي رسل تخبل بياض وحمره بمعاني كلش حلوة يعني الي يشوفها يكول ايه من الجمال صدك حلوة
والي اخذها عن حب ابن عمي هيه ما مقتنعه بي وجانت دائما ضايجه منه وتكول لزكه يجي بليوم ٥ مرات يروح ويرجع ٥ مرات او اكثر ما عرفت شكد يجي من كثر ما يجي هاي بليوم الواحد اذكر عمري ١٠ سنوات بيوم تزوجت رسل ونفس السنه بيت خالي اجوا على اختي فاطمه الي صارت عركه شكبرها تالي هيه تحجي عنها ...
زهره عمري ١٢ وخذت يعني توها متزوجه اما اني فا امي سمتني بسهن
وراي علا وفرحه هذني مواليد نهايه الثمانينات
....بليل كاعدين وامي كل شوي وتكل لابوي امشي نروح خاف تجيب وابوي يكلها لا بعدهي لو هاي جان اجه علي
علي رجل رسل
صارت ب١٢ وامي ما نامت تكوم وتفتر بلبيت وابوي يصيح تعاي نامي اذا اجوا عود نروح وامي لا خاف تجيب ويجون انتظر خاف يحظرها الطللوك
والله صدك ليكول كلبها يعلم
شوي واندكت الباب ابوي طفر امي رأسآ لبست وراحت وره وهيه توصي بيه خواتج
طلعت واني خايفه اتخيل اشياء يا اشياء تطلع الي وحوش وكل شوي واتخيل صاير شي بيه وبخواتي
ركضت للغرفه حشكت روحي وي اختي الزغيره
وسحبت مندر الثانيه يمي علمود لا ياكلها الوحش لو الجني لان جنت هواي اخاف من الظلمه عليت ضوه الفانوس ونمت
سمعت الباب يندك واني غاطه بسابع نومه ما بيه حيل اكوم رغم اعرف الباب يندك هناك ورجع اندك قوي خفت اكوم كعدت علا
علا جانت زغيره واني كل عقلي راح تحميني مو قصه تحمي لا وانما اخاف امشي بحدي فا اخذتها وياي وهيه خطيه ما بيه تكوم شلتها على خصري ومشيت بصوت خافت وخايف منوو
انه انه فتحي
منووو انته
يابا انه عون عمي دزني يمكم
هاا
من سمعت بي ركضت وكأن لكيت منقذ الي خلاص راح اخلص من الظلمه والخوف
فتحت الباب طب كان متلثم
صحت بي هاي شنوو
ضوه القمر عكس على وجه وخفت عيون بس هنه مبينات من وجها ذب الجفيه وهو يضحك
هاي شبيج ههههه خفتي
اي خفت نزلت علا كعدت بلكاع
اهووو هاي شبيج كومي
شلتها وهو وراي
يضحك بالله بشرفج انتي لا تكولين مكعده البنيه علمود تحميج
درت عليه لا شنو تحميني
ههههه ولج البنيه منعسه بالله بشرفج مكعدتها علمود تخافين لو لا
لا ما اخاف
شوي واجت الكهرباء رحت طفيت الفانوس ورجعت يمه وهو يصنف ويضحك عليه لان علا ذبت روحها على الفراش وتغطت بردانه نامت وانه ضليت كاعده حايره
بتصنيفه صدك ضجت بالله لو ادري بي هو جاي جان ما كعدتها ولا هلفشله هاي
هسه انته شبيك ما تكلي شمالك بس تضحك
لا الله عمي شلون امن البيت بيدج بالله لا ومكيف مأمن البيت بيد وحده جاهله هههه
شماالك انته .. كتله بنتر
اي هي شبيج ضجتي ترى والله جاهله اكو.و احد يخلي بيته بيد طفله
مو جاهله انه خووش
هههه اي يالله خوش خووش
