دخلت لكيت امي تبجي بلغرفه وبيبي تكلها زين سويتي احسن خلي تعرف اول وتالي
السلام عليكم
وعليكم السلام الله يساعدك بيبي .. هلا يمه الله يساعدك
شبيج تبجين يمه شصاير.. كعدت يمها وخليت ايدي على ركبتها
جاوبت بيبي
امك كلت لقمر لازم اخذ اذن اهلج وهاي ضلت صافنه
شنو تاخذ وليش شصاير
مو اجوا لقمر خطابه
شنووو
اي وامك كالت الها كلشي وكالت الها انه ربيتج وانتي بنيتي واعز من بناتي بعد بس بسهن هيه امج
ليش ليش يمه هيج سويتي جان خليتيني انه احجي وياها
سكتت ومسحت دموعها بحجابها
انته تكلها بالله شلون شلون تكلها وهيه من كلت الها كالت اعرف انه مو بتكم ومفتمه الموضوع كله بس ما اجه بالي يوم وراح تكولون انتي مو بتنه حاولت افهمها ماكو ضلت تبجي وراحت
حتى خفت اخابر بسهن خاف يصير بتها شي
يمه جااا انتي قصدج هاك ضيو حاجي امك هاي كلشي ما تفتهم هيه ما كالت الها انتي مو بتنه قصدها تكلها ناخذ شور اهلج وعمامج حتى ننطيج وهذيج كبت
يعني يمه انتي كلتي الها احنه مو اهلج
لا والله يمه ما كلت كلت الها ناخذ شور عمامج حتى انطيج جان تكول منين الي عمام
كلت الها انتي بنتي صح بس امج بسهن ولازم تعرف ضلت تسب بروحها روح يمه بلكي تسمع منك انه اتاني ابوك اموت غير على ما يجي
هسه اكوم
رحت للغرفه دكيت الباب
مره مرتين
وخرروا منا لحد يجي ما اريد اشوف احد يالله
قمر فتحي
كلت وخرروا وانته ضياء لا تجي هنا اريد ابوووي
زين بس كلمه شبيج والله ما اطول احجي وياج واروح
ما افتح
زين بس على كيفج لا تأذين روحج
اطمئن مو مخبله حتى تخافون عليه
هاي شبيج انتي يعني فوكها احنه هسه صرنه مو زينين
انته شرايد
فتحي بس احجي وياج
روح روح كلكم طلعتوا تجذبون عليه
وحتى انتي هم تجذبين طلعتي تعرفين
اي اعرف توني يالله عرفت
جاا ليش كلتي لامي اعرف
ايي لان مره سمعتكم تحجون وتأكدت انتم قاصديني بعد ما استفسرت عن جيه بسهن كل ما تجي تخصني بسلامها وبوسها وعرفت من خلال امي تحجي وي ابوي وتكله خل نكلها محد كلي من زمان طنشت ما ردت اخسركم
هسه شلون نضل نحجي من وره الباب
لا ما اريد احجي اصلآ الي اريده ابوي كاظم اريد احجي وياه بس هو يفهمني انتم كلكم ما تفهموني
ياهو بينه اذاج اشو والله كلنه نحبج
وانه ما كلت اذيتوني كلت ما تفهموني روح عفيه ضياء روح تعبانه حيل مسطورة سطر
مشيت للديوانيه بهدوء وخطوه تجر خطوه كلبي مقموت وحيل تعبان وضايج
تفكيري مشتت وبكلبي نار تسعر اجوها خطابه بتنا كبرت وصاروا يجوها خطابه البيت
احبها شسوي ما اعرف
هدوء خواتي هادئات تلاثتهن وحتى اخوي هم ما تسمع اله صوت نادرآ وين اولي احسن شي اتاني يجي ابوي ويحجي وياها واحجي وياه اريدها وافض السالفه
جابت امي الغده ودموعها بعينها
ما فتحت الباب
والله يمه مو قصدي بس هيه مدري شمالها قصدي اكلها نسأل عمامج
يمه لو مخليتنه احنه اول شي نسأل ونشوف ونخلي اخر شي عمامها وهمه ياهو سأل عليها حتى نروح ناخذ اذنهم
يمه انه علمود باجر عكبه الناس ما تحكنه شكلك ما خذوا اذنه واجوا علينه وتدري الناس تريد حجه على ابوك كلها تكرها من شافوا كعد وي ابوي واشتره كرهوا بلزايد تريد يزوج بتهم بدون ما يدرون
يمه البت باسمنه شتحجين انتي والنبي ازوجها بدون ما يدرون لو تضل عليه بس ادري ابوي ما راح تصرف اله واله يكول الهم خلي يولون همه ما ردوا البت هسه جايين نكول الهم وناخذ اذنهم والله اخذها وغصب عنهم
