منى الطيف
انصدمت من ساعه السوده العرفتك بيها شنو كلها وكالت اله هيج رجفه وسرت بجسمي ما اضل هنا وحق العباس ساعه ما اضل الك انطيت مجال لنفسي وشكد صبرت بعد وصل حده صبري وياك
ركضت للغرفه ناويه على الشر ونهايه علاقه اصلآ ما بيها تكامل ولا منه فايده ورجه
شبيه شبيه عفت مدرستي مكمله مو احسن الي امداني اغم بروحي ما يفيد
بجيت واخذ بملابسي واخلي بلجنطه كعدت اريد اهدء ماكو اهدي اهدي بس ابجي شنو الاريده ما اعرف اريد اتطلك وما اريد خايفه تخرب العلاقه وي الاخوان واكون السبب وافكر بهاي المره
الله يعلم شكلها وكالت اله هيج الله يعلم
يارب ساعدني لازم اهلي يعرفون جاا اضل هيج
لاني للسما ولاني للكاع
بدي احركه واحرك روحي وياه
كرهته كلش
رحت للغرفه عمي كاعد خال ايده على رجله وثاني ركبته متجي على الحايط شافني رفع راسه صباح الخير عمو
صباح النور هلا يبه خيرج
عمو وصلني لاهلي
شبيج يبه شصاير امس انتي عدهم
اريد اروح ودي على ابوي
شبيج عمي غير افهم
عمو ماكو شي اريد اروح.. خفت احجي ما حجيت وهو اصر وانه لزكت ماكو شي
صاح بيه صوت رجفني
احجي شكوووو ليش تردين تولين شعدج لافيه من الصبح اريد اروح لاهلي غير افهم شكووو
حجيت كلمه خلتني ارجف بلزايد ودموعي حابستهن كوه
ما اريد ياسر .. برجفه
كام على حيله متقدم بتجاهي
عمتي فزت كايمه من مكانها خيرر خير من الصبح شصاير
التفت عليها انتي سكتي خل افهم
شبيج عمي شبي وياج ياسر كولي والله اذا غلطان وياج اطيح حظه
بجيت رأسآ
عموو تعبت تعبت اريد اهلي ما اريد اتزوج اريد اهلي اضل عدهم غصيت بلبجي ضليت اشهك
صلي على محمد صلي على محمد عمي هاي شبيج انتي متزوجه ما تردين تزوجين شنوو هو لعب كافي بجي غير كولي شصاير بينج وبينه حتى نحل المشكله
استحيت احجي اجه بالي كلامه وي هاي المره رأسآ اما عن سالفه السطوح خفت احجي كتله ماكو شي اسمعه يحجي ويتغزل بام الكيمر يوميه
صفن عليه جرني لحظنه ومسح دموعي خلص بويه عفيه كافي لاتبجين كطعتي كلبي اطيح حظه وعلي اطيح حظه الج لا تبجين
عمو عفيه ما اريد ابقى هنا اخذني لاهلي
صار ولا يمهج هسه اخذج بس ترتاحين ما ماخذج زعلانه خووش ما اريد شي يوصل لاهلج كلشي ما تحجين انه احل السالفه
بكلبي اكله شتحل لاتحل شي احسن هاي نهايه ياسر بلنسبه الي انتهى قهر بكلبي منه وعليه منه لان راح هو السبب وعليه لان راح اعوفه ما ادري هو شنو شعوره يعني لمن يعرف تركت البيت شراح يسوي
اخذت غراضي وهو يستغفر الله ياسر ما دخل غريب وين راح اصر ارجع الغراض كال عوفيهن لا تكبرين الموضوع ما يستاهل هو هيج دومه يحجي وي النسوان انه احجي وياه رجعت الغراض نصهن امتثال لاوامر عمي وبالي ارجع تالي اخذهن
عمي مشه كبالي فتح الباب لمحت ام الكيمر كاعده باوعت علينه رفعت عيني بعينها ونزلتها عمي يمشي ويوصي بيه لا تحجين مو تكولين وانه بكلبي حقد خلص نار ما تطفى ما اعول بس اوصل بس احط رجلي بيت اهلي واكلهم هيج وهيج خليهم يطلكوني ما اريده ما ارييد اعيش وياه
