طلعنه ابوي باوع شفته كبالي ابوي تحرك صار كباله
خيرر شرايد
عمي اريد احجي وياك
كله عمي ابو كاظم
ياسر روح منا الشغله فضت هذا هوو
عمي شبيك شنو شعبالك على شنوو جاي جاي اكلكم على غراضها تجي تاخذها
ابوي صفن عليه
خووش انشالله فكووا الغرفه واجي عليها
امشي بويه
ضل عمي ابو كاظم يمه واحنه رحنه شي بيه يريد يلتفت ويباوع مبين عليه ندمان عيونه جانت تحجي ندم
صح ينتر نتر بس مبين عيونه جانت حمر وضايج حيل
وصلنه للبيت تلكتنه امي هاا خلصتوا
ايي جاوبها ابوي
هزيت راسي وي جواب ابوي ودخلت
اجت وراي وطبت فاطمه هاا تطلكتوا
ايي
وشنو صار يعني ما شفتيهم محد اجه منهم
لا وين وكاله منطي لعمي
ادري بس ما اجه عمي خضير
هو عمج ما يعول يطلك هههه كاعده على كلبهم يالله احسن خلصت منهم
يالله فكه معوده عيشي حياتج احسن
بالله عاند وما طلع جنسيه لقمر
حيييل منا لذاك الوكت الله كريم
ولج شنو والله يسوون وياي عناد بعناد وتصير وهنوب ما تسجل تنمنع من المدرسه
ولج والله عدج تفكير عايشين ميتين وانتي كاعده تحسبين السنوات خل اكوم اساعد امي وانتي شوفي بتج ما كعدت اجيت يمها اشو نايمه عفتها
سحبتها من فراشها كعدت ارضع بيها وهيه نايمه عجيب هلبت ما تبجي ولا تكعد وبيوم الي مشغوله كاعده وتبجي
اجه ابوي يمي بلغرفه عود يخفف عني امي تطبخ
كعد يمي سحبت الحجاب وغطيت صدري
هاا بويه خوما ضايجه ديري بالج تضوجين على ناس ما تسوه
لا يبه على شنو اضوج يولي
اي هيج اريدج الي يبيعني ابيعه وما اريده برخيص الثمن دير بالج تصعدين بشر على وتخلينه يعلى الناس اذا انطيتيهم اكثر من قيمتهم يشوفون نفسهم واحنه انطينه هاي الناس هواي الي اريده منج بتج هاي تحطيها بعيونج هاي قطعه منج انتي امها وخلي بالج بتج انه مسؤول عنها
هزيت راسي دنه راسه يم قمر باسها على خدها وكام حسيت بي يريد يبجي وما هانت عليه نفسه يبجي يمي حتى لا اضوج
بس طلع بجيت على شنو شبيج بسهن ليش تبجين انتي تردين تخلصين شنوو سبب بجيج اكوا رغبه بداخلي هي ابجي اريد بس ابجي حتى ارتاح وشكد ما ابجي ما تجي الراحه شي كاتم على صدري خووف ورعب من الحاظر مو من الماضي خوف من هاي الدنيا باوعت على قمر
شنو مصيرج ابوج اليوم الج اسبوعين وما اجه شافج معقوله انته تكره امها هيه شعليها هاي بتك
مشت الايام وطلعت من الاربعين ومحد بين لا ابوها ولا جدها
بس الي نعرفه يردون ياخذوها وآبوي مصر البت تربى يم امها اكثر من مره ودوا ناس النه علمود عود ياخذوها وما قبلوا اهلي وكاظم وكف الهم البت النه هاي امها هيه تربيها
دك صدره وثبت الي هو اخووي الي ما جابته امي هو اخوي فعلآ عمر قمر صار ٥ اشهر وامي يوميه تكعد تبجي على رسل اشتاقت النه وبيوم الي اتصلت على بيت عمي بلغونه حتى امي تجي بسرعه راحت جان صبح ابوي ماكو رجعت ميته بجي وما قبلت تسولف ولا فاطمه الفضوليه كالت الها شي
ولمن كلت الها شنوو امي ماحجت
يا تحجي من اجت ليهسه بس تبجي
زين رسل ليش دكت على بيت عمي ابو كاظم ليش ما اتصلت على بيت علي ي
ولج انتي شكد تفتين الكلب مو متعاركين وياهم ورسل تعرف رقم بيت عمي وانطاها كاظم الرقم كلها اتصلي على اهلي حتى تخابرينه ونحجي وياج
وليش من زمان ما اتصلت توها يالله
ما ادري
اجه ابوي وامي تلكته بس تغده بجت
هاا خير
باوعت فاطمه كاظم جان كاعد يشرب جاي يمه
يبه اتصلت رسل
عدل كعدته وهو يباوع لامي الي زادت بلبجي
شنوو يمته
عمي داكه على اهلي
ياا اشو ما حجيتوا
هيه امي حتى ما تقبل تحجي من اجت ليهسه ساكته وتبجي
معوده انتي سكر وضغط لايروح يصير بيج شي وين اولي
خلي يصير بيه اهم شي بتي راحت واخذت كلبي وياها
كاظم.. عمه صدك جذب هاي بدال ما تكعدين تدعين الها ربي يوفقهم كاعده تدعين على روحج بتج بخير
اكلج صدك فاطمه انتي رحتي
لاوين عشتوا حامل بلكوه امشي اروح مشي لبيت عمي والله صدك طاك كلبي عليها
