حسيت روحي طلعت مني بلحظه يعني اثناء ما نطبك جسمي روحي طلعت مني وين شفت الموت
شفت روحي وكأن صعدت واني يم هوسه وناس تطير والشجر كبالي يعني صدك متت متت اني ما ادري الله سبحانه وتعالى شلون عيشني ساعات اكول بهاي اللحظه يمكن الله سبحانه راد يراويني الموت شلون يصير وبعدين عشت هيه دقيقه يمكن بس اعرف بيها انو روحي صعدت ونزلت الك بيها ارادة ربي خليتني لهذا الوكت عايشه يمكن حتى اتعذب اكثر واكثر يمكن لان ما صبرت او يمكن
لان ردت تختبرني وفشلت باختبارك لا اعتراض على حكمك
رجعت روحي بشهكه قويه ونفس كوه اجره
شفت ياسر وهو واكف عليه مغرك وجهي ماي
وكاعد يمي على الجربايه انتبهت على وجهه وبلكوه اتنفس
هاا شلونج خوو ما بيج ترى والله مو قصدي ما ادري بيج هيج رجيجه شتحسين كولي
شفت روحي تصعد شفت نفسي ميته
شنوو ههه لا والله
ضليت ابجي واشهك اكلك شفت نفسي ميته متت وانته السبب يعني شلون تسوي بيه هيج
والله ما ادري بيج هيج بسرعه طحتي عبالي بيج خير اشو مو احنه نتدرب ما نسوي هيج مثلج بسرعه رحتي بيها هنوب حتى خفت كلت ماتت
سكتت عنه باوعت اله بحقد درت وجهي
هاي شبيها خاب شمالج وين ادري بيج عبالي تتحملين
ساكته ما رديت
خله وكام من يمي طلع بجيت لحد ما تعبت عيوني
اخخ يعني هسه لو ميته لو رايح الي بطني مني
خفت عليه والرجفه بيه مال الهدكه مالته بعدهي والخوفه وانه احس روحي ميته تغطيت ونمت كعدت ما لكيته والكهرباء مشتغله والبنكه تدك وين راح
تقربيآ الساعه ب٣ او ب٤ طلعت
ماكو الوكت بعده والجو حلوو حيل النجوم الي تارسه السمه
حسيت بي صاعد وهسه هو يمها خليته براحته رجعت للغرفه وبوجهي على الجربايه حسيت بالم بطني شي بيه كرصني وخفت خاف بيه شي لو بلطفل
وره نص ساعه ما نمت ضليت كاعده اتكلب انفتح باب الغرفه رأسآ غمضت عيوني
سويت نفسي نايمه
حسيت بي من نام وهو يتأفف ما اعرف شنو سبب الضوجه مالته
للفجر اذن كمت اتوضى رجعت لكيته متجي على الجربايه
هااا اشو كاعده
اريد اصلي
شلون صرتي
الحمدلله ما بيه شي
تدرين اختج راح تسافر
باوعت عليه متفاجأة عبالي فطم رأسآ هيه الي اجت بالي ياهي فطم
لا يا فاطمه هو هذا رجلها الحافي شايفه شايفني اختج رسل ام حسين راح تسافر امس علي يمي وكال الي
هاا والله ليش .. انصدمت من كال يعني اهلي ما ادري بيهم والله ضجت عليها شبيها ليش تسافر وشنو. السبب ما ادري مجرد كلمه تسافر خلت كلبي يعصرني
سكتت وكملت صلاة بدون ما ارد عليه دار عليه من خلصت وهو يكمل كلامه ما اعرف شبي علي اشو بسرعه بسرعه ليش يريد يسافر خاف صاير شي واحنه ما ندري صدك احنه مثل الاطرش بلزفه كلشي ما نعرف حاطين بديره لا هيه للسمه ولاهيه للكاع
دخل الشهر الجاي انزل نشتري بيت هناك ونكعد احسن شلنه بهاي السالفه كلشي ما ندري حتى لو واحد يموت هم ما نعرف
