كال هلورد الي
رفعت عيني مدمعه
باوع عليه ادنى يمي شبيج فطم خايفه
رأسآ شهكت هو متانيه بس واحد يكول ابدآ حتى انزل الدموع الي غركن عيوني وكنت بحسره البجي بس اريد ابجي حتى ارتاح
هاي هيج مخوفينج يابه الشغله ما تخوف والله ههههه شبيج
ضليت اشهك
ااااا لا الشغله جبيره ولج فطم شبيج تبجين غير افتهم
ما بيه شي .. احجي وامسح بدموعي
كافي كافي يالله ما راح اسويلج شي والله شبيج
باوعت عليه كول والله
هههه والعباس عمي ما راح اسوي الج شي شبيج كل شهكه شكبرها خاب شهكتج بكلبي يالله مسحي دموعج هسه يجيبون العشه نتعشى ونكعد نسولف انه وياج هااا شكلتي
خووش اروح ابدل
روحي باسني من راسي
كمت البدله جان مديل ردن كامله ام الدانتيل لابستها وبيها سحاب ما كدرت افكه ومستحيه منه شلون اكله فتحه رغم كرهي اله بس شي بيه حب هدوئه وياي كلام رسل وامي عن الزواج ولا تصرخين ومو تفكين حلكج ديري بالج خلاني بخوف ورجفه شلون اتقبله وهو اصلآ كارهته وهنوب حجيهن زادني خوف خاف جنت ناقصه كملنها عليه بلكوه احاول بيها ماكو جانت ضيكه كلش من منطقه الخصر وهو باوع كلل اساعدج بسرعه جاوبته لا لا هسه افتحه
تعاي معوده راح تضلين للصبح تفكين بي
فتحه ودار وجه ياالله كملي
كملت توني اجر الروب الخلته امي البسه عود
دكت الباب عمتي لبسته بسرعه
ضلت تهلهل وتبارك وراها جوكه مال نسوان خواته وبنات اخونه يووووو وبنات عمي الثاني كلها وجهالهن حتى استحيت اباوع ضليت بصفحه الكنتور غرفتي جانت صاج عمي فصلها زوايه وميز تواليت وكنتور على زمانه حلوة وتخبل اخشابه كلش قويه الفرشه كانت لون وردي فاتح بس كلش حلوة وياهي تجي تتبارك الي تنعجب بيها
خلصت الهوسه وهو يدفع بيهن خاب شنو لزكه طلعن
ضحكن وطلعن من الغرفه وامه شاورته وهو يبتسم الها ما فهمت شي بس اسمعه يكلها اي يمه
شوي وكال تعاي اكلي
مستحيه بس ما ادري ليش احس راح كرهي اله باسلوبه. وياي
ضل يأكل لكمه والثانيه الي وهو يضحك فكي حلكج خلصنه فات يسبح وصاح لامه تاخذ الصينيه اخذت ومن شافته يسبح ضلت تهلهل بدون ماتعرف شي
خلص واجه يمي ضليت حايره وهو يباوع ما تكومين تسبحين ومسحي وجهج حتى تصلين وياي يالله
طبيت منفذه لكلامه بسرعه سبحت ومسحت المكياج بس وجدت صعوبه بفك التسريحه نص ساعه افك بيها خلصت منها
وكملت سباحه وطلعت ارتاحييت شوي باوع عليه تعاي قبل لا نصلي كعدي
اجيت يمه خايفه منه خاف يكلي على شغلته وادعي ربي كون يأجلها
خلي اكلج شغله من هسه البينه يبقى بينه ما يطلع بره امي شنو تكلج صار مشاكل ما اريد مثل نسوان اخوي يوميه مشكله اذا تعصبت بعدي عني ديري بالج مني ما عليج بيه انه من اتعصب اكوم اخربط بلحجي خووش
