التصويت لا تنسونه
منى الطيف
اجت فاطمه مسويه الدجاج وامي بيدها مي وشكر البت صار بيها ابو صفار وامي تسوي الها بصحن الجاي وتخلي بحلكها
خلت فاطمه بطانيه عليه وغطتني انه والجدر وتصيح اكلي بس مو كلها ههههه
ولج اختنكت
اي احسن ترد عظامج هاي البخار كلش زين الج
طلعت اختنكت بدون ما اكل شي وهنه يحجن عليه
اليوم للطفله خامس ومحد بين منهم
امي همست لفاطمه شفتي من كلت ما ينعدلون
هسه شنو يعني ما يجي
درت عليهم منو يجي
مو يمج يمه اكلي شي
ما اريد حسيت بيهم قصدهم ياسر
يعني من جيته للمستشفى ما اجه بعد ابد ولا كال بتي خل اشوفها شلونها
اتمنيت يجي ويكول اريدها مستعده هسه ارجع مو علمود شي لا علمود بتي والي صدمني اكثر جيه ابوي بليل وكل لامي واحنه نتعشى بذام كامت بسلامه خلي اذا اجوا ارجعها ونشوفها هو كال ذيج المره بيت لوحدها واجربه واشوفه اذا لا والله ما انعدل اطيح حظه
يعني شنوو ترجعها وترجع لضيهم بيت خضير
يعني شسوي بتج وياها طفله وحرام علينه وهو شي اكيد ما راح يقبلون يطلكون اله ننطي البت الهم هذا الحجي الوصلني اروح ادمر بتي
شنو ما ترجع شعبالك راح يغفر الها والله يطلع حجيها النه من عيونها
لا اشرط واحط شروط عليهم واخليهم يتعهدون كدام الوجوه الخيره وما اجيب واحد لو اثنين
ساكته ما حجيت امشي وره كلام اهلي شلون
شي بيه غفر اله وضل يبرر اله تصرفاته واسلوبه وشي بيه يكول بتج لا ياخذها منج
صرت حايرة بامري ما اعرف وين انطي وجهي حتى همه حسوا عليه كلها اجت تباركت الي وهمه ولا
واحد منهم
عشرة ايام وابوي ما تحمل كال اودي عليهم واشوف شنوو يكوولون
وده واحد. من ولد عمي واجه الجواب اله مثل الصاعقه ينطون الوكاله لعمي ويجي يطلك ما نريدها والبت النه
ابوي من شاف هيج اصر يطلكون والبت لامها
الحجي ما عجب عمي وجاب ناس خيره وكعدوا بيت عمي وابوي وجها جان ما يتفسر وما عرفنه انوا اليوم اكوا كعدة زلم لولا وجود فاطمه وكاظم الي بدل وطلع واجت تركض حتى تبلغ امي وامي تكلها اشوفه ضايج بس ليش ما حجه
شي اكيد ما يحجي يا يمه خطيه ما يريد يقهر بسهن
شنو يقهر بسهن ولج غير انه مرته يحجي يكول
وين ساعه ١١ ونص يالله طبوا وابوي شكله ضايج كامت فاطمه لرجلها كالت اذا نام افهم من السالفه مو تنامين اشوف شنو وارجع اذا ما نام وعبرت الوحده نامي
اجي الصبح
خووش
امي نايمه يمي من جبت بعد ما عافتني كله يمي تنام وتتناوب على الطفله وياي افكر يا ترى شنو الصار ابوي ما شفته بعد طب نام بلديوانيه سمعت طكت الباب وهو يفتح الباب كلش حتى يدخل نسمه هوى لان اذا انسد تصير خنكه
لسساعه وحده اله ربع اجيت انام كلش كعدت قمر سحبت نفسي اريد اكوم الها كعدت امي قبلي وهيه تكوم بسرعه شالتها وجابتها الي كعدت ارضع. بيها
ابووج اجه
اي من مساعه ب ١١ ونص يمكن طبوا
يااا اخذتني النومه ميته من التعب هنوب ظهري مدري شبي شكل عليه
سلامتج يمه
اختج وين راحت يم رجلها
هاا
شوي وطبت
امي كالت الها اعوذ بالله منج شعدج جايه بنص اللليل
