اضغط على النجمه مره واحده فقط 🤗
صاح طلعت اركض من الغرفه جان كاعد يم امه صاح بيه هاي شنوو انتي مو رجلج جاي طلعي شوفي شنو محتاج حمي ماي خلي اسبح يالله بسرعه
كالها بنتر وصياح
مشيت سريع خايفه منه والدمعه بطرف عيني حميت الماي ورجعت
لكيت مرت حماي كاعده وياهم طالعه من غرفتها وبحظنها ابنها كاعد
باوعت عليهم هسه ما اعرف شسوي اروح لغرفتي لو اضل هنا رفع عينه باوع عليه خزرني واكفه بلباب خفت بلزايد رحت لغرفتي محتارة شنو اطلع اله بسرعه اخذت اله ملابس وكاضتهن بيدي اخذت المنشفه
انفتح الباب طب باوع عليه وهو ينزع بملابسه
همس
انتي هيج دومج كلشي ما تعرفين اله واحد يكعد يعلم بيج
هاا
وجعاه شبيج ليكول ساطرج الحمزة وجه ضيجه خلك دخيل رب نسوان بغداد غير يكطعن وهذا الشيبه بلاني بيج من خره بيها من عيشه زفره
نزلت عيني مدمعه من كلامه قهرني بكلامه حيل ضجت منه كلش
كال يالله امشي امشي ودي الملابس بلحمام وهاي الخلقه الزفره غيريها ومكياج ما اريد. اشوف بوجهج افتمهي ما اريد مكياج عود تسوي نفسها حلوة كوه تهي بهي والله يالله
مشيت مشيه اشبه بلركض للحمام جسمي يرجف بدي اموته
علكتهن ورجعت لكيته متمدد طلعت اخذت الماي لكيته حامي خليته اله
طبيت للغرفه اصيحه لكيته نايم شلون هسه بي اكعده لو شنو
اتدنيت يمه بخوف وبهمس
حجيت وياه ياسر ياسر
هممم
اكعد الماي حمى
عوفيني اريد انطمر لا تكعديني
رحت من يمه نزلت بلكاع هسه شلون بلوه بالله الماي راح يبرد وهذا نام تربعت وكعدت جريت المجر وطلعت
دفتر جبته وياي وكعدت اكتب
وارسم واشخبط وارجع اكتب خواطر وما تعجبني واشك الورق صفطتهن
وخليتهن بعلاكه وكمت للزباله شافتني سهام هاي شنو بيدج
علاكه بيها زباله
زباله شنو
هيج ورق اكتب واشخبط
والله يعني شنوو
هيج ماكو شي مهم
جرت العلاكه مني وهيه تفتح بيها
شافت الورق والرسم
كالت هممم خوش ترسمين جاا ما كلتي اعرف ارسم
لا مو شي رسمي
لا الله عليج والله خوش رسم ترسمين خلي اني وياج نوصي ابوي يجيب كواني ونكعد نحيك بيهن ونرسم عليهن
هااا ما اعرف
ولج والله نتونس وهم نسد وكت الضوجه نتونس
جاا خوش كلي لعمي وخلي يجيب ونبدي بس من هسه اكلج ما اعرف كلج بلحياكه
انه اعلمج وانتي عليج الرسم وانه اكعد اخيط الي ترسمينه واحيكه
خووش فرحت متحمسه لحماس سهام
راحت من يمي واخذت العلاكه ذبيتها بعد ما انطتني وراحت
شمرتها بلسطل مال الزبل ورجعت
لكيته كاعد متجي على المخده مال الجربايه
.. اكلج ابوي اجه لا
لا بعده
زين هم تصعدين فوك انتي
لا ما اصعد شعندي صاعده
