التفت بسرعه بوجود السيارة وخوفي راح من شفت وتشجعت ادور واشوف منو
كان وراي بعد امتار
لمن شافني شفته رجعت درت خطوته تقترب مني عبالي حيكوفني ويحجي وياي قلبي ليكول دمام سرعته بلحظتها ما اكد اوصفها شكد خوفي ورجفتي هم ما اكدر اعبر عنها
اتخطاني وهو يمشي حيل وكأن يكلي خاف عبالج جاي علمودج ترى جنت امشي وعبرت منا والله يالله ليكول انه ما اعرفك شسوي هنا وانته مو هنا منطقتك ولا اقارب الك
يجوز يريد يشوف بته
هاي من شوكت عقلي طكن فيوزاته وانه امشي بسرعه خاف هذا راح لبيتنه يمه غير اموت
خاف يريد ياخذ بتي
وصلت للبيت فشلت الباب بدكتي طلعت ضياء
هاي منو صاحت امي
ضياء .. خاله بسهن اجت
خاله ربدتي الباب تربد دخلت وهو وراي يحجي تلكتني امي خيرر ياستار شمالج الباب تفلش
وين قمر
شمالج حلمانه
قمررر قمرر
هاا بسهن شنو جايبه الي
شفتها كبالي وكأن روحي رجعت الي وكانت غايبه وكان شفت الجنه بعيوني
كعدت بلكاع شبكتها فاتحه اديه الها احظن بيها بجيت ما تحملت
امي كالت .. خيرر يمه شبيج
ضياء .. خاله ليش تبجين
اجت فاطمه ياا عود صدك شمالج خوفتي البت
باوعت لعيوني وانه امسح بيهن
شبيج بسهن ليش تبجين منو وياج اشبعه كتل اموته موت
امي جاوبت هاي ما ادري شبيج هلايام اروح اكمل شغلي ومن اخلص افرغ الج
هزيت راسي ابتسم
منو وياج ضياء كولي حتى اكل لبابا كاظم وجدو بس يجي
التفت فاطمه لضياء باوعت عليهم ضحكت
مسكين يمه حتى من تبجي بسهن تذبها براسك بالله شسوي الها
اي هو ما تشوفين بسهن تبجي يمه طكي
جاوبتها فاطمه ولج مو هو بسهن مشتاقه الج ومن شافتج بجت
لا عمري مو ضويي وياي هذا سبع ما يحاجيني
جاا منو وياج
جلب بره شفته وركضت بسرعه
ضياء كان ساكت بس من كلت جلب وينه خاله اخذ التوثيه واشك الج راسه
كمت على حيلي اخذت قمر من ايدها وضياء يمشي وراي غمزت الي فاطمه اسكت عن البجي
همست من عبرت من يمها سكتت
رحت للغرفه امي كاعده تخيط
الخيط تلضم بي هااا تعاي كعدي
قمر.. شنو بسهن اشو ما كلتي شنو جايبه الي
تلكين علج بلجنطه اخذي الج انتي وضيو
اخذوا العلج وطلعوا
يمه احجي ولا تاخذين منا وتحطين منا عيونج وجهج يكولن صاير شي شنو ياهو محاجيج
بلمدرسه
محد
شنو محد اضحكين عليه احجي
شفت ياسر عابر من من يم مدرستي
كلت هيج ذبت القماش من ايدها خلته على المكينه
دارت عليه شنو شنو كلتي وين شفتي خو ما حجه وياج شي
لا ما حجه شي بش شفته من طلعت وره شارعين من مدرستي
يا مصخمه ولج خاف مراقبج من كلت وحجيت عوفي المدرسه لزكتي اله ادرس هاي شوفي هسه من يكول ما كاعد يتابعج
دخلت فاطمه
منو يتابعها
دارت راسها عليها
ياسر
شبي
تابع اختج للمدرسه
شنننووو .. فكت عيونها عليه
شبيج فتحتي عيونج عليه اكلج يمه انتي عرفتي شنو ترى كلت تابعني انه حجيت كعدي فاطمه خلي احجي
احجي اسمع هاا اها كعدت
ترى امي كبل انطت يراقبج هو انه شفته وره شارعين من المدرسه يعني هنا قريب لبيتنه
اي عشتووا وشذكره
هاا مو كلت كلت الها يراقبج
هذا
يمه شنو يراقب يجوز مار على احد يشوف احد صاحبه هنا
لا والله بالله يلمسعده منو عده قرايب هنا تعرفين واحد يعرفه شايفه واحد يعرفه هنا اهله وعمامه كلهم هناك عسانه لا شفناهم ولا التقينه بيهم
