يعني منين اتلكها بس كلي
فدوه اروح الج يمه قنعيها والله متأكد توافق بس تحجين وياها
ترى حجيت وكلت وصخمت انته شبيك جاي اكلك حجيت وبعدين ليش ما انته تحاجي ابوك يحجي وياها انه كتله وكلي هذا بذام ما موافقه لا تضغطين عليها
استحي والله هسه شيكول عليه
وشنو يكول عليك ولد راد بت خالته ترى ما بيها شي انته حاجي وكله يحجي وياها هيه تسمع لابوك وشنو يكلها تكله صار
سكتت ما رديت كامت من يمي وهيه تكلي انه احجي وياه اكله احجي وي ابنك وانته من يجي يمك حاجي وكله يابا اريدها واريدكم تقنعوها وتشوف عينك اذا ما راح وحجه وياها لان ابوك اول وتالي يريد سعادتك
اخخخ يا قمر شيصير لو توافقين يعني شنو يصير والله اخليج تاج على راسي اصلآ مخلي بالي اخليج اسعد انسانه شنو تريدنه اجيبه اعيشج حب وغرام ونعيش انه وياج احلى قصه حب اخخ بس لو انتي تبادليني نفس مشاعري والله لاخليج اسعد انسانه يارب انشالله توافق مستحيل افكر ارتبط بغيرها او احب غيرها
مرت الايام بسرعه مثل مرور الدقيقيه واحنه ما نحس بيها حتى الثانيه تعتبر من العمر عبر شهر على خطوبتي منها وصارت سكته امي ما قبلت تحجي وابوي هم ما ادري شبيهم وخالتي بسهن لمن اجت حجيت وياها حتى تكلها ما قبلت كالت بروحها مثكله عليه
وقمر اذا اجي من الشغل ما الكها كبالي مو مثل قبل جنت اذا اجي هيه وامي بلباب تتلكاني هسه ماكو افتقدتها وعلى طاري عدم شوفتها الي انكطعت نهائي وكأن عايشه بغير بلد ما صرت اشوفها كلش حتى صوتها ما اسمعه تستحي مني او هيه تكرهني ما ادري
الى ان طلعت بليل للحمام الباب جان مقفول
منو هنا
ماكو رد عرفت هيه لان ما ردت
احسن فرصه واحسن حل والله اليوم ما اروح منا لحد ما اشبع من عيونها واخليها توافق
احجي الي بكلبي وشيريد يصير خلي يصير
تقربيآ لنص ساعه هيه حابسه نفسها اعرف ما تريد تطلع حتى ما تشوفني وبنفس الوقت واكف متاني الي صبر والج صبر اريد اشوف منو يفوز انتي لو انه ضلي حابسه نفسج .. احجي وي روحي
مرت النص ساعه وما طلعت
رادت تتأكد انه رحت لو بعدني وصاحت ضياء طفرت ردت اكول هاا تراجعت وختلت وره المغسله
رجعت بصوت اعلى شوي ضيياء
ما رديت اريد اوهمها اني رحت ما موجود حتى اخليها تطلع
انفتح الباب على كيف خليتها تطلع وكفت يم المغسله
صرت كبالها رادت تشرد جريت ايدها وللمخزن الي يصير كبال الحمام حاولت تفلت ايدها مني ما انطيتها مجال ابد
ضيااء عوفني لا اصرخ والم الناس والله
صرخي يالله هديت ايدها وحركه امرتها تكعد على كرسي مكسور اليده مالته
باوعت على الكرسي ورجعت باوعت عليه ما اكعد وافتح الباب اصلآ اخاف ادخل المخزن ما تشوف الضلمه انته
اشوف بعيونك
نصت .. الضوه اكو جان لان الشباك الي يطلع على البيت يدخل ضوه القمر جان اكو ونظري قوي واشوف باوعت عليها انتي الضوه ما احتاج ضوه
تقربت منها
ضياء عيب عليك انه عرضك
ههههه عليج الله سويت شي هسه حتى بعدني ما فكيت حلكي
ضياء جاي تختلي بيه بحدنه هذا الشي عيب وحرام
