تدركين اني اغار عليك
اتركني فانت تحجز روحي وتحسب انفاسي
انه الحب
ليس الحب هكذا انك تعدم حياتي
سأجعلك تحبيني
ارجوك ان تتركني فلم اعد اتحمل
لماذا
لقد تربيت على اكون هكذا اوحسبت يومآ اني قد احبك
لماذا تتركيني
انها اردة ربي انها
اهكذا الحياة وقسوتها
اهكذا لماذا لقد احبتني لماذا اخذتها مني
احاسب نفسي ام الوم من من الوم .....
.........
كعدي هييي
كعدت تعودت على صوته النشاز تعودت اسمعه رغم كارهته شسوي هذا حظي وهاي قسمتي
كمت عدلت كعدتي
كومي طفررري لا تضلين تتمطمطين بسرعه سوي زقنبوت اريد اولي
كمت بسرعه اجه وراي
حتى بعدني ما مغسله وجهي
هسه شلووون ما طلع ريوك باوعت عليه ساكته هسه شحجي وياه هذا
فضيني لا تباوعين هيج لو ما الجكاير والدخان صاعد على صدري ما اكابل خلقتج من الصبح
حطيت القوري على الجاي بسرعه سويت سم اله وانطيته
اكل وراح
رجع الباب مو ينفتح
ماشي
ابنج وبتج عينج عليهم
خووش
وسم ردي عدل
سكتت
راح مد راسه من الباب واكفه بمكاني. جنت مقابيل باب الهول
تعاي سدي الباب متونسه مشرع
طلعت اسده ورجعت بعد ما سديته
كعدوا انته هي اكعد كعد اختك وكووم
كام طفر مواليده ما تبين عليه زغير جثل وسسمن بطول بشكار واخته سمار بجمال رباني
شافتهم الكاتبه بعينها
يمه شنو ريوكنه
هسه كولوا صباح الخير
ضحك صباح الخير
سجاد مواليد ١٩٩٨
وبسمه مواليد ١٩٩٩
كانوا اعمارهم خمسه باربعه الفرق بينهم بس سنه وره الاربعين وحبلت وبعد من عدها كطعت
صبيت ريوك الهم تذكرت ابوي وينك يبه عمت عيني عليك والله مشتاقه الك اريد اشوف وازورك
كنت معلكه صورته بلهول
يوميه يكعد سجاد يمه هذا منو
هذا
جدك
اشو ما شايفه
مات قبل لا تشوفه
كالت بسمه يمه ليش مات شبي
جلطه يمه
دمعت عيوني بس ذكرت بيوم كعدنه الصبح سجلنه قمر بلمدرسه كانت كاسبه سنه لان صارت بشهر الاول تسجلت عمرها ٥ سنوات
رجعنه من بعد الازدحام جان وياي ابوي وكاظم
صبت غده امي ابوي كلها جوعان ضل يجوع بسرعه بعد ما صار بي سكر
كان مقهور وهو يباوع البنات شلون كلمن ابوها وياها وامها
وهو ماكو لحد الان ماله اي اثر حتى بته ما تعرفه ابوي يكول بعد ما سافر انفصل من دوامه احتمال يدكون اسمه طابع ما يدخل العراق كنت رايحه صف سادس ابوي فرحان بيه وامي اني كملت وصلت هيج مستوى بلدراسه
من رجع كان ضايج حيل حتى ما تغده عدل رغم ضل يصيح على امي جوعان وجوعان صبي
وبس صبت هيه وفاطمه ما اكل هواي كام
بليل نام يوم ثاني كعدت على صوت الجهال
امي الي ما كعدت ابوي لان جان جمعه ما حبت تكعده عايفته والجهال تطررد بيهم صوتكم
جان اغلب الوكت حتى لو جمعه ما ينام لهيج وكت ب١٠ وهو ماكو
يمه ابوي ما كعد هاي الهوسه كلها وانه بس صاحوا صوت كعدت ركض خيعونه اشو على طنين الذبان اكعد
ولج اصلآ ابوج نومه خفيف كلنه هيج نومنه ما كو واحد بينه نومه ثكيل
طبت فاطمه اي والله صدك نومنه كلش خفيف
هاي شلون سمعتي مو ذانات اعوذ بالله
جبح اعوذ بالله تففف تتففف ..تحجي وتسوي بحلكها عود عن الحسد
اي والله مو ذان عليج تدرين كاعد احسد ابوي على نومته نايم لهيج وكت بصياح الجهال وصريخهم ولج صريخ جهالج واصل للسابع جار اريد انخمد بعد ربع ساعه ما كدرت خليت وكمت
اي صح ابوي ما من عوايده هيج ينام
ولجن عوفنه رجال تعبان شتردن منه
خلي اروح اكعده
اي روحي مشت فاطمه وراها انه تريد تكعده واشجع بيها تكعده ب١٠ وهو نايم صدك جذب
وخرت البطانيه كان فاتح حلكه وتك عين مفتوح منه
يبه يبه ماكو
ولج ابوي ما يتحرك
يممممه
هااااا اجت تركض
انه اتبنجت شلون واحد من يشوف لقطه مرعبه وخايف من الي وراها شنو يصير هيج صار بيه
تنفسي صعب اختنكت ومن وقتها شكل عدي ربوو حاد
لحظات مرت او ساعات او ايام كلشي بوقته ما حسيت بي شنو صار او يصير بس الي اعرفه فراكه شلون اتحمله شلون اتحمل فراكك يبه انته جنت الي سند جنت الي عمر وهسه راح واذا راح العمر شيرجعه
بجي يا صريخ افضل اختصر هاي الايام وما اذكرها
ما اريد شخص مثلي فاقد اعزاز يتوجع واني اعيد عليه المأساة الصارت وياي
بعد الاربعينه حالنه تكسر الخاطر وحده تسحل بروحها سحل واحنه نشوفه وكأن اليوم مات
رجعنه من يوم توفى امي كطعت الاكل قليل كلش ورغم سكر وتجوع بس ما تاكل كل هاي وتطيح ومستشفى ومغذي يالله ترجع
وهاي حالت امي يوم عن يوم تسوء الى ان اخذها رجل فاطمه وزورها الامام موسى الكاظم ورجع بيها شوي تحسنت ضلت كل ما تضوج وتشتاق اله تروح للنجف ابوي وراها ما طلع السنويه تركت الدراسه ما دومت السادس من شفت ابوي تركنه تركت حلمي وكعدت بلبيت وسكتت تاركه وراي حلم لم احققه
وبيوم السنويه جنه رايحين نزور ابوي برجعتنه وكف السايق وكف بلطريق التفت علينه اي واحد يريد يروح حمام هاي هنا حمامات يالله بسرعه صار مراكض للنزول كلها نزلت
مريت من يم واحد كان يباوع واحنه لازمين سره على الحمام الي بنص الطريق
صرت بصف كاظم وفاطمه
من جهته عيوون هذني لو غزال
رفعت راسي خزرته
باوع الي الما يستحي وضل مصمم بنظرته عليه
وكأن يتحداني ويكلي غصب عنج اباوع
كاظم كان ملتهي بابنه شايل ومنا صوت قمر الي اصرت ما تلزم ايدي اله ايد ابوها وتجر بكاظم شيلني تعبت من الكعده
رفعت راسي بعده يباوع
امداك اكله بكلبي طاح حظك ما عدك عرض
رجع باوع ورجعت اشوفه هسه الاغلب يكولون شعدها تباوع بس ردت اشوف بعد يباوع كلت خاف الكلمه مو الي بس من شفت نظراته الي وكلامه كلت هذا قاصدني بكلامه
حبايب كلبي عذروني البارت قصير باجر اكمله هذا مو بارت اعتبار بس ما حبيت تنتظرون وهسه ب١١ مو مال اكمله وانزله ب١ باجر اكمله وانزل لان تعبانه اليوم كلش اتمنى تعذروني تقبلوا تحياتي الخاطره الفوك مو لبسهن لا لشخص ثاني راح تعرفون بلبارتات الجايه
