منى الطيف تحياتي لكم
يجيب ويخلي كدامنه هدوء برزانه بعقل كلشي مجمع بي بس اذا طكن فيوزاته وعصب يضل يخبط شامي عامي سمعت اسمي واكفه اغسل عرفت على موضوعي جاي يحجون
مشيت ما مهتمه رجعت للغرفه امي جانت نايمه بعد موت ابوي كاظم كبر الديوانيه وامر فاطمه الاكل ويانه كله هيه تطبخ نوبات انه
تمددت شوي واجت فاطمه
صعد ينام كاظم كال انشالله خل اشوف واسأل عنه وارد خبر بس شوفي بسهن
والله ما ادري اشو ما مقتنعه
ليش بالله
ما ادري ليش احس نفسي ضايجه
هو انتي دومج ضايجه يا يوم لكيتج فرحانه خلي اكلج الرجال بيت عده سيارة وخير من الله واهم شي تعيشن وحدج بدون عيال ولوعه وشلعان كلب
والله ما ادري
تدرين تدرين هسه فكري وشوفي نفسج بعد سنه سنتين وين انتي او بعد عشره تكبر بتج ومحد دايم لاحد ترى انه مو اختج ما دايمه الج وبتج مصيرها تعرس وتروح انتي وين ترحين تضلين تعنسين والفرصه تجي مره ترى كايمه اشوف الجهال احسن
كامت وخلتني بحيره جبيره وين انطي وجهي مسدوده بوجهي امي الي تظن راح تأمن عليه بزواجي ومن كعدت تنصح بيه نفس نصايح فاطمه ويمه انه ما دايمه اريد امن عليج وعلى خواتج قبل ما اموت
وبتج تزوج انتي وين ترحين وهاي السالفه الي تكررت عليه بليوم يمكن سته الى سبع مرات ساكته واهز براسي بدون اقتناع بحجيهن فاطمه الي ملت مني يومين وهيه تنصح وامي اكثر منها
يمكن زواجي من ياسر خلاني اكبر اربعين سنه احس عمري ام الاربعين الي تفهم كلشي وحاسبه حساب لكل خطوه واتجاه صحيح هيج حياتي هسه صرت اكبر من عمري بهواي كرهت كلشي حتى الدراسه ما ضل الي واهس بيها ولا حبيتها شنوو هدفي بلحياة ما اعرف لو ميته من امي ولدتني احسن لو ما صايره يمكن اشرف من هلعيشه والعيشه الجايه
لكل حادث حديث ولكل قلب قصه ليس الكل بمعنى الجميع لا وانما الذين يعيشون من حولك فقط اشملهم بهذه الكلمه
.....
ضياء
كبرت وكبرت سنيني وكبرت قمري قمر الي من هيه وزغيره حاسبها اختي لمن كبرت وامي صارت تجنبها مني عرفت وفهمت جنت اعرف هيه بت خاله بسهن بس ما اميز الامور بسبب صغر سني لمن كبرت عرفت انو الاخت الي من امي هذني خواتي هنا اما قمر فهاي مو اختي ربت وياي وبحكم امي وابوي ورباهم الها تصيح لامي يمه وابوي بابا حيل تدلع وتشيم عليهم ابوي ما يفرق بينه بس مهتم بيها بدون ما يخلي خواتي يشوفونه انه اشوفه مرات وبيه طبع جدآ ذكي بشكل اروح اله بويه انته ليش هيج تجيب اله وحد وتضم سلعتها عن خواتي
كعدني يمه وهو ماخذ بيدي وبحنان كعد يفهم بيه وحده وحده
بويه البت يتيمه ومالها احد بدون اب انه بمثابه ابوها ومن اجيب الها واضم سلعتها ابوك ما عدك فلوس وبليوم الي اجيب لازم اجيب للكل ما اريد خواتك يحسن بنقص ويكولون ابوي جاب بس الها وما جاب النه بيوم الي اجيب الهم كلهم عود اخليها تروي السلعه الجبتها الها حتى خواتك ما يغارن منها ولا يأذنها الغيره تولد كره بويه
