خلصنه غده ابوي كام يغسل وكل شوي وصاح منك الصبر رررربي
دمعت عيني احجي لو اسكت اضل ساكته احسن ما ازيد قهر ابوي احسن شي ابقى ساكته
اجه رجع للغرفه جاي نشيل اماعين السفره صاح جاي بسرعه خلي اولي
هسه انته شبيك ما تكلي بتك جايه زعلانه عرفت شنو سر زعلها لو كبل حكمت عليها
اييييي غير تحجي تصخم يعني اشم ايدي قابل
حجت حجت كالت الي ما يريدها كل كلمه والثانيه يكلها ولي لاهلج انه ابوي غصبني عليج
التفت عليه دنكت اسوي نفسي ما اشوفه
صاح احجي ولج هلحجي صدك
بجيت
لا تضلين تتبكبكين احجي هلحجي صدك يمتى كلج هيج شنو تعاركتوا وكلج شنو الصار كولي حتى اذا اجوا عمامج احط كلشي بيدهم واكلهم هيج وهيج السالفه
امي كالت احجي كولي لابوج شنو سووا بيج
يبه خلي نفض السالفه واتطلك بدون طلايب
ولج لا تخليني اكوم هسه وحق العباس اجنزج كولي شنوو شنو الصاير وكلج هيج التفت على امي انتي احجي شنو كالت الج بعد
احت تحجي دخلت فاطمه هسه انته تريد تعرف يبه انته تريد تعرف مووو انه اكلك
شلت الصحونه اخزر بيها
لا تباوعين هيج
هااا شبيها ولج تخزرين مووو تخزرين حتى لا تطلع سوالفج
لا يبه انته غلطان مو سوالف بسهن سوالف ياسر
احجي شنو التعرفينه احجي رفعت راسي اترجها ما سكتت استمرت متجاهله وجودي اصلآ وكأن انه بلعدم
يبه ياسر مو مال مره ومسؤاليه
شبي ياسر ما تكليلي اشو عين الله تحرسه شاب مرتب وحلو وضابط بعد اختج شتريد وهذا البيت اله هذني البنات ما دايمات يومين وماخذات ويصفى البيت الها وحدها
امي
كالت اله .. يعني انته ما هامك راحة بتك بتك ما مرتاحه وانته تكلي بيت
من انعل ابو البيت يا بيت اكلج قصدي الها ولرجلها وهيه تعرف تعدله المره الزينه هيه تعدل الرجال وتخلي يشوف يعدل اسلوبه
هسه يارجال اخذتنه حاصل فاصل غير تفهم شكوو وشصاير
غير منتظرجن تكلمن
هو انته انطيت مجال
اي احجي انتي
انه كلشي ما اعرف غير كلمه ما اريدج وهاي هيه واكثر من مره كايل الها ابوي غصبني عليج خلي فاطمه تحجي الك
التفت لفاطمه ما تحجين بويه شنو الصاير
يبه ما انطيت مجال غير تخليني اكمل كبل درت على ياسر انته عرفته شنو مصخم
كولي هاا اها سكتت احجي
نظراتي مال وحده تتوسل وابوي يدور عليه انصي ويرجع عليها
كملي وهيه كعدت تحط سالفه سالفه بيده ابتدها من السلام الى مع السلامه
ورجعت حجت سوالف عمتي كلهن وسالفه الثلاجه هم فتحتها
وامي ما عجبها تفتح سالفه القفل دارت عليها سكتي بالله سكتي هسه هاي السالفه انسدت ابوي عيونه تنط نار وشرار
كلها شنووو انسدتتتتت
امي كلمتها لا ارديه ما عرفت شلون تلوف السالفه
رجعت فاطمه باوعت الي خزرتها
على شنووو تخزرين هاا على شنوو خلي احجي متت منج خلي اسولف لابوي هو يطلكج انتي مو تردين الطلاك طلكي وضلي هنا احسن الج والنه رجعي لمدرستج وعيشي حياتج عيشي لروحج كافي عيشي لهذا الي بطنج محد يفيد ولا تصدكين واحد مثل هذا ينفج لو اعرفه صدك خوش زلمه وحوك جان انه نصحتج تبقين يمه
