نساوتي كلها ضيم وكان زين وياي وايام يرجع يذكر ياسر وايي رجعي سولفي
يابه شسولف هو ابن عمي وانتهت ماكو شي يربطنا سوه
لا اله تحجين ويرجع يسأل عن ابسط الامور والي اكتشفته بكلامه مو انه المكتشفه لا هيه فاطمه كالت هذا يغار من ياسر بدون ما يشوفه جاا لو شافه شلون
وبيوم جنت كاعده اجه
اكلج بيت عمج عدهم فاتحه
اسم الله يا عم
عمج ما ادري منو بس كاظم كلي كل لمرتك بيت عمها عدهم فاتحه
ما كلك منو
لا وشنو اروح اكله منو وتعاي بعدين شعالبج اخليج ترحين ماكو روحه مناك زلم وكلها طابه طالعه
ليش ما اروح خل اشوف منو اكوم اخابر فاطمه
اي خابري ولوو شي اكيد هيه بلفاتحه انه اروح للزلم انتي ما ترحين
ممكن اعرف ليش يعني غير بيت عمامي ..كرهت طريقه كلامه وياي بدون ما اعرف منو او ليش او ياهو المات وهو راح بكل هدوء حظري دشداشتي بسرعه
كمت احظرها وكارهته او كارها كلامه وياي
لبس وطلع لليل اتصلت على فاطمه
السلام عليكم
شلونج وعليكم السلام
بعد السلام والسؤال عن صحتي سألتها عن المات
ياسر يكولون ميت هناك بلخارج
صدمتي اكبر من انوا استوعبها او اصدكها
لزمت كلبي وكعدت لافه السلك على ايدي
شنو ياسر مات
اي مات والي خبرنه علي رجل رسل
علي رجل رسل يعني شنو هو يمهم شلون مات شلون
حسب الي سمعته بسرعه بسرعه يكولون صاله جم يوم مريض وتخربط علينه وتوفى
نزلت دموعي
ضلت فاطمه تصيح الوو وينج معوده وانه ما ارد سديته منها وارجف رجعت دكت ما رديت
كعدت مكرفصه وابجي
يمكن دره يمكن عرف للذالك كال ما ترحين رجع من الفاتحه بليل
جنت كاعده اثرم بصل اريد اسوي حميسه
دخل سلم رديت من وره خشمي
شبيج تحجين من وره خشمج
ما بيه شي رفعت راسي جنت تدري موو تدري ابن عمي هو المات حتى ما كلفت نفسك وحجيت
وحجيت شنو يعني اقدم اخر وانتي شدعوه هيج الي يشوفج يكول كاتله نفسج عليه
انه مو كاتله نفسي مهما كان يضل ابن عمي
ااا هاي من يمتى ابن عمج انه ما عندي هلسوالف ابن عم ما ابن عم اتزوجتي علاقتج بولد عمج باهلج على كد السلام اذا شفتيهم كبالج مو عبالج اخليج تفرين منا ومنا
وانه طكت روحي منك فهمني شمسويه الك وهيج تعاملني
هااا بعدج تحبينه تردينه موو حتى ميته على فراكه شمالج حتى وجهج اصفر
بالله هذا شتحجي وياه وجهي جان اصفر بسبب الحمل وهذا عباله موت ياسر مأثر عليه
ما انكر انقهرت بس مو هذا السبب سكتت
هاا اشو سكتي وين لسانج توه شوفي عمن حجيي صدك
ضليت استغفر
اييي بعد دعي دعي عليه وانه واكف
هسه اريد اعرف انته شبيك ترى مو يمك
رفس التخته برجله البصل كله طار على وجهي واجت التخته بطني كووومي كوومي انتي مو مال عيني واغاتي
لزمت روحي ما اربده بلتخته كضيت نفسي كوه وبيدي السجين بدي ادخلها بطنه
شمرت السجين من ايدي وكمت للغرفه اريد اروح جرني
تعااااي وين
عوفني
لزمني وحظني رأسآ بجيت
عذريني ما ادري شمالني والله عصبت
وديني لاهلي
ليش
اريد اروح
ضليت اريد افلت روحي منه ما خلاني وحاظني حيل وهو يمسد على راسي ويبوس براسي كافي والله ما ادري شبيه
سكران خااف وامسح بدموعي
هدت. لمسته وخر ايده
شنوو كلتي سكرااان
اي مو كلت مدري شمالني
ديري بالج تعيدين هاي السالفه ترى تشوفين شي ما شفتي مني فهمتي
رفع صبعه بتهديد
هاي اخر مره احذرج مره الثانيه عيديها هزز راسه ومشه دخل للغرفه وربد الباب
رحت وراه للغرفه دفعت الباب شنوو كلت حتى هيج انزعجت
