صوت يا عمري حياتي انتوا لا تنسون 😙لحتى استمر بدعمكم يوميه بارت اذا شفت تفاعل قوي ينزل بارتين فديت متابعيني
كاظم ما احبه جنت
بس هسه صار كل عمري تذكرين من صارت الهوسه بيوم اجوا بيت خالي ولووو بعدج زغيره
لا اذكر بيوم اجه عماد يخطبج ومن راح ابوي الهم يكلهم ايي اذكر
هو يغار مو قصد ما يقبل يجيبني بس اعرف شنوو بعقله انه والله اعرف شنوو يقصد يخاف خاف يجون ولد خوالي
وليش قابل ولد خالي يوميه عدنه
مو انتي ما تدرين هو عباله اني ما احبه دائمآ يسألني هلسؤال كل يوم يكلي انتي تحبيني اهووو شبيه حلكي ما سكت نامي نامي احسن
هيه تسولف واني رحت لغير عالم وياها رجلها كاظم شخصيه ابن عمي يصير حيل حلو جان لبسه مو شي بس ولد خالي جانوا مرتبين يعني لبسهم وكشختهم احلى منه بس هو شكله احلى بيوم اجوا بيت خالي يخطبون فطم امي فرحت وابوي هم كال ما نلكه احسن منهم
وفطم جانت من يجي ابن خالي رغم ما تتجمع وي ولد عمي ولا نطلع كل هاي الهم بس ابن خالي طارق جان كل ما يجي وهيه زغيره
تركض تخلي الحجاب على راسها وتقدم الهم الماي والجاي
وبيوم ابوي راح لبيت عمي يكلهم بيت خالها اجوا عليها وحدد الخطبه ابن عمي كاظم ضل يغلط ويفشر وهد علينه للبيت وهو يهدد بامي للذالك امي ماخذه موقف منه لحد الان وتضوج منه
وفطم كرهته وتكول ما اريده والسبب تشوف بولد خالي احلى منه ابوي ما كدر يفك حلكه بعد خوانه حددوا انو اختي اله وجان بوكتها الي ينهي على بت عمه هاي هيه صارت اله وساعه السودة اذا فكرت تزوج وهيه منهي عليها تنكتل هيه ورجلها
هنا ابوي ضل عليه يقنع امي وامي رافضه لان تجاوز عليها وما تريده يطب للبيت بس ابوي كلها ما اكدر اخواني كالوا هيه اله هذا هو عمي بابو الخصيب هذا عمي الجبير اجه يصير واسطة خير وحجه وي امي وكلها نهى عليها كدامنه خلي نزوجهم وهذا هو احسن ما تصير مشاكل
فطم هنا تخبلت دخلت عليهم بس ترجف
انه اخذه هذا جنه مخبل ملابسه المخرجنه
عمي طفر من مكانه اتحرمي ولج ادب سزز شلون هيج تحجين على ابن عمج
وامي تخزر بيها وابوي صفكها راجدي وطلعها من الديوانيه وهيه تبجي وانه صافنه ما افهم شي شنو الصاير بس اذكر كلامهم كالت ما اريده كلت ما اريده يعني ما اريده عمي رايح وموصل الكلام لبيت عمي جبر ابو كاظم واجه كاظم واخوانه ٣
هدوا علينه وصياحه بلحديقه
ويكلها فطيم طلعي اريد ارويج المخرجن شيسوي بيج ما ادري منين اجت الجراءه الها واحنه وحدتنه تخاف من خيالها شلون دخلت على عمي وحجت هيج ابوي بس طلع عمي لعب جوله وكلها ما تاخذين غيره وامي غلطت عليها كالت الها
ما خليتي الي وجه هسه عمج يروح يكلهم عود جاي احجي وياه هسه صارت غصب عني ياخذوج طايحه الحظ وتفلت بوجها وفطم تبجي
عيونها حمر واجت رسل جانت توها مزوجه
ورجلها بلدوينه من طبوا ولد عمي ويصيحون ويغلطون
طلع هو الهم وكلهم عيب احنه اهل تعالوا دخلوا
