مشاعر تائهه

البارت ٤

اضغط على النجمه ....

بليل قبل يوم علي جاب ابنه ورسل ما يحجي وياها زعلان على امه وصايره عركه بيتهم شكبرها وكاسر خشم اخوو الي ضرب رسل

ابوي اقترح على علي انو يعزل لان عمامي كايلين ما ترجع رسل لان تكل لعمتها وشاكه بيها وعمي صاف وي مرته وكلها تدافع الها سيوف سيوف هنه هيج امهات السحورة كاعد حظهن وبختهن ..

ثاني يوم بعد ما اجن البنات صار حجي وي الولد نسابتنه وي ابوي وشنو الصاير وابوي كلهم الكلام جذب حسب ما سامعين هنا وفطم وزهره جاي العب بجهالهن وامي تحجي بسالفتي تكلهن عمها خطبها عود امس جاي يحجي بيها هنوب طلعت هاي السالفه

فطم ضلت تحجي وليش تزوج وهيه شاطره خلي تكمل عاد وحده من عدنه براسها حظ يطلع مو كل احنه امي ردت عليها وليش شنو ماكو براسها حظ اول وتالي المره مالها غير بيت رجلها هاي سنه الحياة جااا الله المن خلقنه

فاطمه ردت عليها
الله خلقنا بس ناكل ونتزوج يعني ما خلقنا حتى نعيش نكمل دراسه نتعلم نشوف الدنيا شوف صديقاتي والله انقهر من اشوفهن كلهن وصلن رابع وانه بطلت ليش شنو ناقصنه اشو والله احلى واشطر منهن بس كله منكم

امي انتفضت وردت عليها
ليش شبينه هاي احنه ما عاجبيج ايي الله خلقج حتى بس تبلغين تزوجين وتخلفين هااا جاا شلون وبعدين اذا على التعلم تحجين فانتي متعلمه وتعرفين تقرين وتكتبين بعد شنو

ليش هو اليتعلم بس يقره ويكتب هيه هاي والله يالله

رسل ردت كافي هسه الولد بلديوانيه لا يسمعون صوتكم

زهره عقبت على كلامها
اي والله عيب صوتجن هسه رجلي صاله شكد ما جاي ومن يجي يسمع هيج حجي شيكول

التفت فاطمه عليها مايكول شي ليش شنو حجينه
وانتي هي جلبه
التفت اشوفها وياي
هاا وياي
ايي جااا وي ابوي باعي ديري بالج تبطلين وتصيرن مثلي والله ما تسوين شي

امي صاحت بيها هاي شنو توزين بيها
رسل كالت فاطمه انتي معليج

وليش معليه مو اختي

رديت على امي وهيه تخزر بيها وبيه
كلت الها اي يمه انه اريد اكمل

كالت انتي انجبي واكلي خ.....ه
معليج منها
هاي تريد تخربج
فطم زعلت بعد كلام من رسل وهيه تكلها احسن هيج انتي لا تدخلين هسه رجلج يسمع وتصير سالفه سكتت وما حجت شي بعد

شوي واتفلش الباب بدفر وغلط من كل جهى ما نعرف ياصوب يجي منا على الطابوك الي فلش المكان هاي طلعنه كاظم طالع يركض هو وابوي باوعت الديوانيه ما بيها احد

وين راحوا
امي تركض لحظات واشوف امي بلكاع والدم تارس راسها ما اعرف منين يجي. الضرب والطك بلتوثيه