أبنائى (متفرعه من سلسلة أنا لك..ولكن!) (تحت التعديل الجذري)

الفصل الثامن

كان قاعد فى أوضته وبيفكر فى كل إللى هو عمله ، إبتسم بسخريه ودخل الحمام وبعد فتره بسيطه خرج وإتصدم من وجودهم...

مازن:"يا ساتر."

ليليان بضيق:"إيه إللى إنت عملته ده؟"

سالى:"إنت إزاى تعمل كده!!!"

نور بغمزه:"مش تقول ياعم كنت ظبطت معاك الليله."

سالى وليليان فى صوت واحد:"إسكت إنت."

مازن بتنهيده:"خلصتوا كلامكم؟"

ليليان:"لازم ترد وتعرفنا إيه القرف إللى إنت عملته ده؟"

مازن:"إحترمى نفسك ، فاهمه؟"

سالى بضيق:"لا يا واد فاكرنا هنخاف أوى."

ليليان بحزن:"إنت إزاى تعمل كده فى ملك؟!! ملك بتحبك يا مازن."

مازن:"ياستى وأنا مش بحبها ، هى بالنسبالى زيكم."

سالى:"زينا إزاى مش فاهمه؟ عملت معاها كل إللى إنت بتعمله معانا؟ خرجتها؟ فسحتها؟ هزرت معاها مثلا؟ إتكلمت معاها أصلا؟ إنت أصلا مش بتديلها وش ومش بتكلمها يبقى إزاى زينا."

ليليان:"إنت دايما بتعاملها كإنها واحده غريبه عننا."

مازن بتنهيده:"سواء بتعامل معاها أو مش بتعامل هى بالنسبالى زيكم."

ليليان:"إنت أصلا مش مقتنع بالكلام إللى إنت بتحاول تقنعنا بيه ده يا مازن ، فللأسف إحنا مش هنقتنع بكلامك ده."

مازن بتنهيده وهو بينام على السرير:"براحتكم."

سالى وهى بتشيل الغطا من عليه:" لا مش براحتنا ، دلوقتى فورا تقولنا عرفت البنت دى إزاى؟ ، دى ملك برقبتها وأحلى منها بمراحل."

مازن وهو بياخد منها الغطا:"ياستى عاجبانى."

ليليان:"إختيارك زفت."

مازن ببرود:"شكرا ياست ليليان ، ماتقول حاجه يا أستاذ نور."

نور بضحكه مكتومه:"لا أنا حابب أتفرج عليكم ، شكلكم يضحك أوى."

مازن وليليان وسالى فى صوت واحده:"إطلع بره."

نور:"طالع ، إهدوا أنا غلطان إنى بتفرج ، قال إيه بابا عايزنى أبقى زيك ، ده أنا بحمد ربنا إنى مش زيك."

خرج من الأوضه وراح لأوضته...

ليليان بحزن:"ماينفعش طيب تبعد عن البنت دى؟"

مازن:"لا مش هينفع."

سالى:"ليه إن شاء الله؟!!"

مازن:"يعنى ، بحبها مثلا."

ليليان:"كذاب."

مازن:"مش هتفرق ، يلا روحوا ناموا."

ليليان:"على فكره إللى إنت عملته ده بابا مش هيعديه وأظن إنك عارف بابا كويس أكتر مننا."