إتصدمت إنه قدر يعرفها...
أدهم بلهفه:"آيه ، وحشتينى ، إنتى..إنتى عند سهير!! أنا...."
قطع كلامه المكالمه إللى إتقفلت...حس بفرحه وبأمل كبير وخرج من البيت تحت أنظار دهشة أولاده من السعاده المفاجئه إللى ظهرت على ملامحه بوضوح....
ليليان بعدم إستيعاب:"هو بابا ماله؟!"
سالى وهى فاتحه بوقها من الدهشه:"مش عارفه."
نور بتفكير:"تفتكروا في إيه؟ ده حتى بابا نسى موبايله؟"
مازن:"بابا نسى وجودنا أصلا."
فضلوا يبصوا لبعض شويه وبعدها....
الكل بفرحه وفى نفس واحد:"ماما!!"
خرجوا من البيت بس إتفاجئوا من إللى شايفينه مجموعة من الرجال ملثمين أسلحتهم متصوبه عليهم.....
ــــــــــــــــــــــــــــــــــــــــــــــــــــــــــــــــ
كانت قاعده على الارض وحاضنه نفسها وهى بتعيط ومش مصدقه إنها سمعت صوته ... بعد فتره بسيطه إستوعبت إللى حصل مسحت دموعها وقامت بسرعه من مكانها وبدأت تغير هدومها عشان تهرب قبل مايوصلها....بعد فتره بسيطه كانت لسه هتخرج من البيت وقفها صوتها...
سهير بنعاس:"رايحه فين يابنتى؟"
آيه بدموع وهى مش بتبصلها:"همشى."
سابتها وخرجت بس إتفاجأت بوجوده...
حسام بنظره كلها شر:"أخيرا لقيتك."
آيه بصدمه وهى بترجع لورا:"إنت عايز إيه منى؟"
حسام:"قولتلك عايزك إنتى ، بس إنتى إللى هربتى وإنتى إللى جنيتى على نفسك."
إتفاجأت بالرجال الملثمين إللى بيقربوا منها والأسلحه موجه نحيتها...
حسام بغل:"هتيجى معايا بالزوق ولا بالعافيه؟"
شاور لواحد من رجالته ، دخل البيت وبعدها خرج وهو ماسك سهير وبيوجه المسدس على راسها..
آيه برجاء:"خلاص خلاص ، هاجى معاك بس بلاش هى عشان خاطرى بلاش هى."
حسام وهو بيبص على سهير و رافع حاجبه بسخريه:"للدرجادى هى تهمك أوى؟ تقربلك إيه؟"
سهير كانت لسه هتتكلم قطع كلامها صوتها...
آيه:"هى ماتقربليش حاجه ، هى إستضافتنى هنا كام يوم."
كانت حاسه إنه هيقتلها لو عرف إنها خالة أدهم ، قررت إنها تكذب وإتمنت إنه يصدق كذبتها...شاور للحارس بتاعه إنه يسيبها....
حسام:"يلا إتحركى."
آيه بدموع:"حاضر."
ـــــــــــــــــــــــــــــــــــــــــــــــــــــ
أنت تقرأ
أبنائى (متفرعه من سلسلة أنا لك..ولكن!) (تحت التعديل الجذري)
Misterio / Suspensoالعائلة هي ذلك الوطن الصغير الذي نحيا فيه ومن أجله نعيش ومن أجله نموت ، فهي الدفء والطمأنينة وهي السند والأمان والخوف علينا، ومهما تحدثنا عنها فالكلمات لا تستطيع أن تعطى وصفاً يليق بها سواء عن الأب أو الأم أو الأخت أو الأخ أو الأقارب، فالسعادة الفعل...
