كانت بتتمشى مع زميلتها فى الجامعه وبيتكلموا....
فيروز:"مالك الفتره دى يابنتى؟"
سالى بتنهيده صعبه:"ياستى عادى شوية مشاكل ، ماتشغليش بالك."
فيروز:"طيب."
كانت لسه هتتكلم وقفها صوته...
جاسر:"سالى."
سالى لفيروز:"معلش إسبقينى إنتى وأنا شويه وهاجى."
فيروز وهى بتمشى:"طيب."
سالى بتأفف وهى بتبصله:"عايز إيه؟"
جاسر:"ممكن نتكلم شويه؟"
سالى بضيق:"لا وبعدين إنت بتعمل إيه هنا؟ ونفسى أفهم إنت
بتيجى هنا ليه؟ إنت فى ثانويه مش فى جامعه ، بيدخلوك هنا إزاى؟"
جاسر بغمزه:"أبواب الدنيا كلها بتتفتح فى وشى."
سالى بسخريه:"وماله ، عقبال وشك إن شاء الله."
جاسر بضيق:"هتبطلى دبش إمتى؟"
سالى:"هبطله لما تبعد عن طريقى ، كفايه خنقه لحد كده."
مشيت من قدامه بس إتنفضت من مكانها لما سمعت صوته العالى...
جاسر بصريخ:"سالى!!!!!"
ما حستش بنفسها غير وهى بتترمى على الأرض وجاسر فوقها...
سالى بضيق وهى بتبعده عنها:"إيه إللى إنت بتعمله ده؟"
إستغربت إنه إترمى على الأرض ومغمض عيونه...
سالى بضيق:"إنت مش بتسمع! قوم يلا بطل تمثيل."
مردش عليها ، وبدأ كل طلاب الجامعه يتلموا حواليها والقلق واضح عليهم...
سالى بقلق وهى بتصحيه:"جاسر ، إنت نمت؟"
حست بوجود حاجه لزجه على صدره مش واضحه من لون التيشيرت إللى هو لابسه بتبص على إيدها إتصدمت من الدم إللى شافته ، بدأت تصرخ بهيستيريا....
ــــــــــــــــــــــــــــــــــــــــــــــــــــــــــــــــــــ
فى نفس التوقيت...
أدهم وهو مركز فى السواقه:"إحكيلى بقا يومك كان عامل إزاى؟"
نور بتنهيده صعبه:"يعنى عادى ، مافيش جديد."
أدهم:"ماشى ، أنا عملتلك إشتراك زى ماوعدتك."
نور بإبتسامه:"شكرا يابابا."
أدهم بإبتسامه تظهر تجاعيد وجهه:" من واجبى إنى أخلى إبنى مبسوط فى حياته."
نور وهو بيبصله:"بابا كنت عاوز أقولك إنى....."
أدهم بصريخ وهو بيشوف عربيه داخله عليهم من طريق جانبى من نحيه نور:"نور!!!!!!"
أخده فى حضنه بسرعه وفى نفس الوقت العربيه إتقلبت بيهم...
أنت تقرأ
أبنائى (متفرعه من سلسلة أنا لك..ولكن!) (تحت التعديل الجذري)
Mystère / Thrillerالعائلة هي ذلك الوطن الصغير الذي نحيا فيه ومن أجله نعيش ومن أجله نموت ، فهي الدفء والطمأنينة وهي السند والأمان والخوف علينا، ومهما تحدثنا عنها فالكلمات لا تستطيع أن تعطى وصفاً يليق بها سواء عن الأب أو الأم أو الأخت أو الأخ أو الأقارب، فالسعادة الفعل...
