أبنائى (متفرعه من سلسلة أنا لك..ولكن!) (تحت التعديل الجذري)

الفصل الرابع والثلاثون

الكوبايه وقعت من إيدها على الأرض من إللى سمعته...

آيه بصدمه:"إنتى بتقولى إيه؟"

يُمنى وهى بتشيل الكوبايه من على الأرض:"هو أنا قلت حاجه غلط؟"

آيه بعدم إستيعاب:"إنتى كذابه."

يُمنى:"أنا معرفش بابا إللى قال إنه إتقتل ، بابا يعرف كل حاجه وعنده الأدله على كل حاجه ، بس مرضاش يورينى حاجه."

جه على بالها أمجد لما حكالها إنه كان عاوز ينتقم من إبراهيم المنياوى بس إتراجع لما شافها...دموعها نزلت قامت من مكانها بسرعه ودخلت على أوضتها...

آيه بدموع:"لا لا ، مستحيل ، مستحيل يكون أمجد عمل كده ، بابا."

قعدت على الأرض وضمت نفسها وبتفتكر ذكرياتها وهى بتعيط...

فلاش باك منذ سنوات:

فى لندن:

مازن بإستفسار:"أمجد مجاش يلعب معايا ليه يا ماما؟"

آيه:"وراه شغل مع جدو."

مازن:"أول مره أمجد يسيبنا ، هو كان لازم يسافر يعنى؟"

آيه بتنهيده صعبه:"معرفش ياحبيبى شغله كده ، هنعمل إيه؟"

مازن:"طيب."

تليفون البيت رن وقامت ترد...

آيه:"ألو."

أمجد:"إزيك يا مدام أخباركم إيه؟"

آيه:"كويسين ، مازن لسه كان بيسألنى عنك ، هترجع إمتى؟"

أمجد:"ماهو أنا مش هرجع إنتوا إللى هتيجوا."

آيه بإستغراب:"ليه؟ إحنا لسه مكملناش شهر فى لندن."

أمجد بصعوبه:"البقاء لله إبراهيم المنياوى والد حضرتك توفى بأزمه قلبيه."

آيه:"مش وقته هزار يا أمجد ، مش عشان بعتبرك دراعى الليمين وزى أخويا يبقى تهزر معايا بالشكل ده."

أمجد بحزن:"أنا آسف بس دى الحقيقه ، البقاء لله."

آيه بدموع:"طب هات أكلمه طيب ، عاوزه أطمن عليه إنت بتكذب."

أمجد:"أنا آسف ، أنا مش بكذب هضطر أقفل المكالمه هما بيغسلوه دلوقتى ، حضرتك لازم تيجى فى أقرب ميعاد طياره فورا."

من صدمتها قعدت على الأرض وماحستش بنفسها غير وهى بتصرخ...

آيه بقهره:"بابااااااااااااا."

نهاية الفلاش باك.......

ــــــــــــــــــــــــــــــــــــــــــــــــــــــــــ

فضلت قاعده فى مكانها وقت بسيط ...مسحت دموعها وقامت من مكانها وراحت للدولاب وبدأت تغير هدومها بعد فتره بسيطه خرجت من الأوضه وقابلت يُمنى فى وشها عند باب البيت...