مازن بضيق:"أنا إتخنقت من اللعبه إللى بتلعبها دى."
أدهم بنبره مخيفه:"قلتلك مليون مره إللى يكسر قانونى لازم يتعاقب."
مازن بتنهيده صعبه:"يابابا أنا مكسرتش قانونك أنا إتصرفت فى حياتى بالطريقه إللى انا شايفها صح."
أدهم بتحذير وهو بيقوم من مكانه:"وأنا مابحبش حد يكسر قوانينى مهما كان مين ، إنت مشيت بدماغك يبقى لازم تشوف نتيجه إختيارك."
سابه ومشى من غير مايستنى رد منه...إتنهد بصعوبه وإترسم على وشه ملامح الحزن من إللى بيحصل حواليه حس إنه فى دوامه كبيره...
مازن لنفسه:" لازم أخلص كل حاجه الأول وبعدها هتصرف أنا بطريقتى."
خرج موبايله وبدأ يتصل بيه...
مازن:"الخطوبه بكره إن شاء الله الساعه 7 وفى بيتى زى ماتفقنا."
حسام:"برافو عليك ، أشوفك بكره."
قفل المكالمه وبعدها بص على الصوره إللى على مكتبه إللى تخص آيه *تأليف /ساره بركات*...
حسام بهيام:"هانت ، أوعدك قريب جدا هترجعى لحضنى من تانى."
ــــــــــــــــــــــــــــــــــــــــــــــــــــــ
فى بيت رامز:
ليليان بإبتسامه:"تسلم إيد طنط."
رامز:"الله يسلمك."
ليليان:"إنت كنت قولتلى إن إنت عندك أخ صغير ، هو فين؟"
رامز:" محمود فى المدرسه."
ليليان:"ماشى."
فضلت تبص حواليها وفى نفس الوقت حاسه بإحراج من وجودهم مع بعض...
ليليان:"إحم إحم ، أنا همشى بقا عشان خايفه أحسن بابا يعرف إنى بره الكليه."
رامز وهو بيقوم من مكانه:"خلاص تعالى أوصلك"
ليليان وهى بتقوم من مكانها:"لا خليك زى مانت إنت تعبان ، مش هتعوز حاجه؟"
رامز بإبتسامه:"سلامتك ، هبقى أكلمك من رقم ماما."
ليليان:"ماشى."
وصلها لحد الباب وبعدها خرجت من الشقه....
ــــــــــــــــــــــــــــــــــــــــــــــــــــــــــــــــــ
بمرور الوقت...كان بيتكلم معاها فى الموبايل.......
أدهم بإستفسار:"إنتى فين؟"
سالى بتنهيده صعبه:"أنا واقفه قدام الكليه ، مستنياك يابابا."
أدهم:"أنا داخل عليكى أهوه."
بعد فتره بسيطه وقف بالعربيه قدامها ، ركبت جنبه من غير ماتتكلم...
أدهم بإستغراب:"هو فى حاجه؟"
أنت تقرأ
أبنائى (متفرعه من سلسلة أنا لك..ولكن!) (تحت التعديل الجذري)
Детектив / Триллерالعائلة هي ذلك الوطن الصغير الذي نحيا فيه ومن أجله نعيش ومن أجله نموت ، فهي الدفء والطمأنينة وهي السند والأمان والخوف علينا، ومهما تحدثنا عنها فالكلمات لا تستطيع أن تعطى وصفاً يليق بها سواء عن الأب أو الأم أو الأخت أو الأخ أو الأقارب، فالسعادة الفعل...
