أبنائى (متفرعه من سلسلة أنا لك..ولكن!) (تحت التعديل الجذري)

الفصل الحادى والعشرون

يُمنى:"إنت ماتكلمتش خالص من بداية الخطوبه إنت كويس."

مازن بسطحيه وهو بيبص على ملك:"اه كويس."

يُمنى:"مش واضح *كملت كلامها بسخريه* إعتبرنى واحده من إخواتك وإحكيلى."

مازن بإبتسامه وهو بيبصلها:"صدقينى مافيش حاجه ، وإنتى مش زى حد من إخواتى ، إنتى هتبقى مراتى."

يُمنى بسخريه:"وماله."

ـــــــــــــــــــــــــــــــــــــــــ

حسام وهو بيتكلم فى الموبايل:"خلاص ، كده كل حاجه تمام ، تقدر تمشى."

كان لسه هيمشى وقفه صوته...

أدهم بإستفسار:"غريبه ، ماشى دلوقتى ليه؟"

حسام:"ورايا شغل."

أدهم:"بس دى خطوبة بنتك ، إزاى هتمشى كده؟"

حسام بإبتسامه:"هى هتخلص خطوبتها وترجع الفيلا ، براحتها بقا ، وبعدين هى مع أهلها."

سابه ومشى من غير مايستنى رد منه....

أدهم بضيق:"بجح وحقير ومستفز ومش محترم."

ـــــــــــــــــــــــــــــــــــــــــــــ

دخلت البيت وطلعت على أوضتها ولسه هتدخل الحمام ، فجأه شدها من دراعها...

رامز:"هو أنا وحشتك للدرجادى؟"

ليليان:"إنت بتعمل إيه هنا؟ ، أنا فكرت إنك مشيت من زمان."

رامز:"كنت فى الحمام."

ليليان بإستغراب:"فى الحمام؟ فى أوضتى؟ودخلت البيت كده عادى؟"

رامز:"ماحدش أخد باله."

يليان بقلق:"طب يلا إمشى قبل ما بابا يقفشك هنا."

رامز:"مش همشى غير لما آخد بوسه."

ليليان بإحراج:"لا يا رامز."

رامز بإستغراب:"لا يا رامز؟! أومال إللى حصل من شويه ده إيه؟"

ليليان بإرتباك:"إطلع يلا من الأوضه ، بره."

رامز بحزن مصطنع:"بتطردينى يا ليليان؟"

ليليان:"عيب تبقى موجود فى أوضتى فى الوقت ده ولوحدنا."

رامز:"ههههههههههه ، وماله ياقمر ."

ليليان بإستغراب:"هو أنت بتتصرف كده ليه؟"

رامز بإستفسار:"عجبتك صح؟"

ليليان:"لا طبعا."

رامز بتنهيده صعبه:"كده حلو؟"

ليليان:"أيوه ويلا إخرج من أوضتى حالا."

رامز:"إهدى طيب."

لسه هيخرج من أوضتها سمع صوته...