أبنائى (متفرعه من سلسلة أنا لك..ولكن!) (تحت التعديل الجذري)

الفصل التاسع والأربعون

فضل يدور عليها بين كل إللى واقفين قدامه لقى إلهام واقفه بعيد وخايفه...

أدهم بعصبيه وهو بيقرب منها:"ليليان فين؟"

إلهام برهبه من المسدس إللى فى إيده:"صدقنى يا دكتور معرفش."

أدهم بصوت جهورى وهو بيصوب المسدس على راسها:"إنطقى."

إلهام بإرتعاش:"ك...كانت عند البار مع وو...واحد ، صدقنى غير كده معرفش."

أدهم خرج موبايله وبدأ يعمل مكالمه.....

أدهم:" عايز اقدم بلاغ فى مكان مشبوه العنوان......."

قفل المكالمه ومسك آيه من إيدها وراحوا للبار بس ملقوهاش.....

........................

بعد عنه بعد ما أغمى عليه ومسبش فيه حته سليمه.....

ليليان:"ههههههههههههههههه ، إنت قتلته ولا إيه؟"

رامز بعصبيه وهو بيمسكها من دراعها:"إنتى شاربه إيه؟ إنطقى."

ليليان:"أنا دايخه ، إبعد عنى."

رامز بصوت جهورى:"إنطقى شربتى إيه؟ وإيه القرف إللى إنتى لابساه ده؟"

ليليان:"ماشربتش حاجه ، وملكش دعوه بيا."

رامز بعصبيه:"إنجزى قولى شربتى إيه؟"

ليليان بتكبر:"قولتلك ماشربتش حاجه."

قرب منها عشان يشم ريحة بوقها ، إتقرف من الريحه ، وسحبها وراه....

ليليان:"إنت واخدنى على فين؟"

رامز بعصبيه:"إخرصى."

ركبها فى العربيه إللى جه فيها غصب عنها وبدأ يتحرك....

رامز وهو بيحاول يهدى أعصابه:"ليليان ، أخدتى إيه مع إللى شربتيه؟!"

ليليان وهى مش بتبصله:"قولتلك ماشربتش حاجه وما أخدتش حاجه."

رامز بضيق مكتوم:"ماشى أما أشوف آخرتها معاكى."

ليليان:"واخدنى على فين؟"

رامز:"شويه وهتعرفى."

خرجوا من الباب الخلفى لقوا شاب مضروب ومرمى على الأرض.....أدهم قرب نحيته وحاول يفوقه ، بس مفاقش...

أدهم بضيق مكتوم:"رامز."

أخدها وخرجوا من المكان وراح عند عربيته.....

أدهم:"إنتى هتركبى معايا ، هكلم حد ييجى ياخد عربيه ملك."

آيه:"أدهم أنا ........"

أدهم:"بس مش عاوز كلام إحنا مش فاضيين للكلام."

ركبت العربيه معاه وإتحرك.....

ـــــــــــــــــــــــــــــــــــ

بعد مرور فتره بسيطه وصلوا لعماره فى منطقه راقيه...رامز نزل من العربيه ونزلها غصب عنها....