أبنائى (متفرعه من سلسلة أنا لك..ولكن!) (تحت التعديل الجذري)

الفصل الثالث والثلاثون

آيه:"هتوصل نور ليه؟"

أدهم:"يعنى محتاج شويه وقت مع إبنى ، إنتى عارفه إنى بقالى فتره مشغول عنه."

آيه :"طب ومازن؟"

أدهم بتنهيده صعبه:"هو إللى جابه لنفسه أنا ماليش دخل فى أى حاجه."

آيه:"هتسيب إبنك يتوجع عليها؟؟ إنت ماشوفتش هو عامل إزاى؟"

أدهم:"لازم يتعلم إنه يكون أد قراره ، ملك إتكسرت بسببه وتقريبا وقت خطوبتها ده جه فى الوقت المناسب ، ودى حياتها وهى حره فيها."

آيه:"بس دلوقتى طارق ده بيقول جواز ، يعنى البنت هتروح من إبنك."

أدهم بإبتسامه:"هى مكانتش معاه قبل كده عشان تروح منه ، وزى ماقولتلك إبنك هو السبب فى كل ده ، البنت خلاص شافت حياتها مش عاوزين نزعلها تانى."

آيه بحزن:"طب ومازن؟"

أدهم:"ٌمانا قولتلك بقا كل واحد لازم يتحمل نتيجة قراراته."

نور وهو بينزل على السلم:"أنا جاهز خلاص يابابا."

أدهم:"يلا ياحبيبى."

لسه كان هيمشى كمل كلامه...

أدهم:"آيه ، خلى البنات يجهزوا على أما أوصل نور مش هتأخر."

آيه :"حاضر."

خرجا من البيت وركبوا العربيه...

أدهم بإستفسار وهو مركز فى السواقه:"أخبارك إيه النهارده؟"

نور بإستغراب:"كويس الحمدلله."

أدهم:"طيب كويس."

نور بإستفسار:"هو فى حاجه ولا إيه يابابا؟"

كان لسه هيتكلم قطع كلامه صوت وصول رساله من محادثه على موبايل نور...إرتبك فتح شنطته بسرعه وقفل الموبايل...كان متابعه بطرف عيونه وهو بيسوق...

أدهم بإستفسار:"فى حاجه ولا إيه؟"

نور بإرتباك:"لا مافيش ، ده صاحبى بيشوفنى فين."

أدهم بسخريه غير ملحوظه:"وماله ، صاحبك مين ده بقا أعرفه؟"

نور وهو بيبلع ريقه بتوتر:"لا."

أدهم بإستفسار:"إسمه إيه؟"

نور بتوتر:"ناصر فتحى يابابا."

أدهم:"معاك فى الفصل طبعا؟"

نور:"اه يابابا معايا فى الفصل."

أدهم:" طب كويس."

سكت شويه وكمل كلامه...

أدهم:"ماقولتليش بقا ياحبيبى ، هواياتك إيه؟"

نور بإستغراب:"يعنى إيه؟"

أدهم:"أقصد إنت بتحب تعمل إيه فى حياتك؟ أو نفسك بقى إيه عموما؟"

نور:"بابا هو حضرتك كويس؟"